KISAH 23:10 - ALLAH NIHYET MEM TUNGWATU NYA

¹⁰ Iba ighyet di ten bisrep tut yam nindig bibor nok rino nibou tentara krau ningon leu ma ibrim Paulus bibindei ba, nimig-ninda bitun. Gima rino noni cuk nide limwa nya biba yo dek Nikei Puig Yahudi Nya bipos Paulus leu ikieti bibuwak noni hanyen ug ei tentara nibousi di igya coi.

KISAH 23:10 ပူးပေါင်းရင်းမြစ်များ

MAZMUR 50:22

Je di jiba jingha bak Allah e, ma jiyok ngon kep dihyet. Gi bi lene midibindei sar je leu ba, hi dima miteu je bijingwes ngun kan bi.

MAZMUR 7:2

Ditde tuhan Allah e, digwam coi Nani. Ateu da bidingwes ngun. Ayai da leu yo di yuhuk kep da yahagom inda nsi cem.

MIKHA 3:3

Jiyem Ditde limwa nya nok jiyem mikwau. Jeet ingkek leu bijikinam injum cem. Jidigo inghui noyam kin mikwau di jikwen ei yengti.

KISAH 21:37

Nipou tirigi tentara nya ikon Paulus ug ei tentara nibousi di igya coi bigyo lene Paulus hig ser nibou tentara “Andigpoi e, ma asindui sut da bidipai dihyet gom bina ug e?” Nibou dima buhup “Ambrap nihyet Yunani kan e?

KISAH 22:24

Gima rino nibou tentara Roma cuk nide limwa nya bipia ikon Paulus kikau ug ei tentara nibousi di igya coi leu binhyepo imbas noni leu api noni mipai jit mun di bindei dino mben Yahudi imbrua kep nihyet.

KISAH 23:16

Noro Paulus ninggwo miap tut yo di igyok ingon gom mem Paulus dima tu. Gima rino noni ug ei tentara nibousi di igya coi bimbot kep tut bak Paulus.

KISAH 23:27

Mben Yahudi ikat no dini bipi bihwen noni bimai noro dimiap ninghapti tut bipia noni ne nibou ndig Roma de limwa ri. Gima rino diya tut ditde limwa nya ba, niteu noni biningwes ngun leu yo dima indati.

KISAH 23:28

Dipi bidihig ser mben Yahudi tut nide mun di yai tunggwei di yoni ipai kep noni tut. Gima rino dibuwak noni ug ei ide Nikei Puig Yahudi Nya yoho bei.

KISAH 23:32

Njap di hyep bu lene tentara di ibri kuda nya ibuwak Paulus kikau lo, tentara nitu nya ingkwei hanyen ug ei tentara nibousi di igya coi.

KISAH 24:7

Noro nibou tentara di Lisias ba nimbuk bipos noni leu nyeni nindati,

KORINTUS GI NICAN 11:26

Dum kep mun di bindei ba, nahanok dimai nimbiam kak dimbutti nya mang bibor. Minyei su bibor bihwen da cem yo di imbuk nya icuug da cem mben Yahudi kin ngkiai nya igyok ingon gom mem da cem dum kep mun di bindei ba, nahanok dimai nimbiam ei biyati cem ei ha ngunti cem ei minyei ngwa dip cem ba, yo di Kresten nitrowai ihwen bit da cem.

YAKOBUS 1:19

He disut bat di dingon kieti jen, ma jiyok ngon kep dihyet bipia suar bikwop tungwagom-gom bipbur ba, nitingou dile noro nyohou yai sut nimbrapti. Ma ningon sibui sut tungwatu nya au.

YAKOBUS 3:14

Noro gino jingon kinei sut yam cem jiwok yam cem jingon jei sut jenti cem lene ma jitri tut bipia jingon ki au. Lewo jikiek-kiek nyen Allah nihyet di nijit tug hon mun di jitri tut.