KISAH 22:5 - ALLAH NIHYET MEM TUNGWATU NYA

⁵ Dem tut gima Imam Nibou Ndig kin Nikei Puig Yahudi Nya cem itri tut bije bipia diris bije bi. Yoni ipas srat nisindemti bak isut bat mben Yahudi ei minu ndig Damsyik bikes ei dindati. Tug hon srat dima lene nibou dima yok isindui sut bidikat yo di ingon jo kep ningginausi nijep dima bidibuwak yok hanyen kwei ei minu ndig Yerusalem leu binhyepo nibou nya ikes hukum ei yok dip.”

KISAH 22:5 ပူးပေါင်းရင်းမြစ်များ

LUKAS 22:66

Njap bigyoti lene nibou mben Yahudi nya kin imam nindig nya kin guru Puig Yahudi nicukti nya induk yam kwei leu api yo di igya ser Yesus bibuwak Noni kwei biya ei Nikei Puig Yahudi nya yoho bei.

KISAH 1:15

Njap poi ser lene yo di ingon jo kep nya ibou sratus gom ningot can idem yam lene Petrus kiju bitri tut nihyet. Noni pai biyok,

KISAH 13:26

Disut bat je di jintun Abraham him kin je di nindigsi di jikuk je bak Allah e, Allah sok nihyet tut niteu leu sisarti kin niyaijo nijep kwei bak nyeni yahagom.

KISAH 2:29

Disut bat jen, gino jice tut lene dipai brei bije tut ide pung di intun him di Nibou Ndig Daud di mai su. Leu api itig ningut srig nimai nya ikieti. Nijui dip jo bit nye kikau kwei bipek ammani kep.

KISAH 22:1

bipai biyok “Dicig bat kin disut bat jahagom e, dimbrap gau danti ei joho bei. Ma jingig jitingou mem dihyet!”

KISAH 23:1

Paulus niyai bong kep Nikei Puig Yahudi Nya lene pai biyok “Disut bat jen, dingon mien kwes kin Allah tut diyai munti nya habiei dimien kwei bipek ammani kep.”

KISAH 23:6

Tirigi Paulus ngat lo, Nikei Puig Yahudi Nya ibou poi inggre kin nimpung Saduki lo, nindigsi nya inggre kin nimpung Farisi lene noni ba nihyet nindig bipai biyok “Disut bat jen, dinggre kin nimpung Farisi ba, dicig bat nya cem inggre kin nimpung Farisi. Jimbus dingonti drek dip gi dingon jo kep bipia Allah miwin nimai nya hanyen leu imai eisi.” (

KISAH 26:10

Ba, diyai midyai dima ei minu ndig Yerusalem. Diba srat nisindemti di imam nindig nya igyai bida bikat yo di ingon gom tut Allah imang bibor bidinggam yok ei ig bui nsi. Dani kin Nikei Puig Yahudi Nya nice tut yam tirigi ijem nimai gau yo dima.

KISAH 26:11

Dihwen bit yok bidem mben Yahudi ide ig mbusyamei mang bibor leu binhyepo dibindei ba, ibikep ser ide niba ingon com Yesusti. Dingon sibui sut yok nindig bibor biduhuk yok ug ei ingkiaisi cem leu binhyepo dihwen bit yok ei minu dima yok cem.”

KISAH 26:12

“Tut gima ne dipwoi srat nisindem leu imam nindig nya ba, duug sut ei minu ndig Damsyik.

KISAH 28:17

Njap ningai ngwig leu lene Paulus sok nihyet mem nibou mben Yahudi nya ei minu dima bikwei mbrap bit noni. Tirigi idem yam ei su lene Paulus pai biyok “Disut bat jen, mbro nok gino diyai mun tunggwei sut mben Yahudi ba, dipigau ide pung di intun him nya igyai kepti nya di ingginau nye tut bi lo, mben Yahudi ikat da ei minu ndig Yerusalem leu api itri da bak mben Roma nya.

KISAH 28:21

Lene mben Yahudi dima yok ibuhup “Niyai srat hi leu nibou nya ei Yudea tut na bigyo. Nisut hi kwei pui sut nani binye bigyo ba, hi kin kep anghapti cem binye bigyo.

KISAH 3:17

He disut bat jen, dikan tut bipia mun di jeni kin jide nibou nya jibindei ba, cut igkep Yesus dima ne jiba jingon tindur bindei yo.

KISAH 4:5

Njap di hyep bu ne Nikei Puig Yahudi Nya kin nibou kintrorti nya kin guru puig timiei nya yahagom induk yam ei nittou nsi gom ei minu ndig Yerusalem.

KISAH 5:21

Gima rino yo di igya kui Yesus ibit nihyet ba, yuug coi ei Tuhan De Ig hanyen mem gwam ntuisi leu api ikinyon ei ningginau tungwatuti. Mpe dima lene Imam Nibou Ndig kin nide limwa nya induk Nikei Puig Yahudi Nya kin nibou kintrorti nya yahagom kwei ei gom. Leu api isok ighyet ug ei ig bui nsi leu binhyepo yo di igya ser nya ibuwak yo di igya kui Yesus kwei.

KISAH 9:14

bipwoi srat nisindem di imam nindig nya ipas binoni bikwei sut mem gima bikat yo di ikuk yok biNani.”

GALATIA 1:13

Ningat ne jimiap dinghapti tut gi dita dibou ei Puig Yahudi niggai serti. Jimiap dinghapti tut gi dingon koi kep Allah de mbusyamei nya bidiyai ninghuisi wei biyok bidigruap mem gima dibindei timek yok.

FILIPI 3:6

Diba ningon di yat nai bita dibou ei nihwen bit yo di mbusyameiti. Gino iba Puig Yahudi niggai serti nya binai diyai kepti nya ne jo nibreisi mem yok bipia disingat kei lewo dipigau hanjop hi bi.

TIMOTIUS GI NIGOM 4:14

Ma anyohou nisindemti di Allah Ninnei yai bina nipou su tirigi nabi nya itri tut nihyet ba, nibou mbusyamei ikes inda ei abou nggram him.