KISAH 22:1 - ALLAH NIHYET MEM TUNGWATU NYA

¹ bipai biyok “Dicig bat kin disut bat jahagom e, dimbrap gau danti ei joho bei. Ma jingig jitingou mem dihyet!”

KISAH 22:1 ပူးပေါင်းရင်းမြစ်များ

LUKAS 12:11

Tirigi tungwatu nya ikat je bibuwak je ug ei ig mbusyameisi mem gima nibou ndig kin yo di igya kui noni imbus jingonti lene ma jingon ku jenti tut notou jimbrap gau jenti kin gima jibirop hanyen biyok au.

LUKAS 21:14

Ma jingon ngkiem bipia mporo jingon ku jenti tut mun di jibirop hanyen biyok bi.

KISAH 13:26

Disut bat je di jintun Abraham him kin je di nindigsi di jikuk je bak Allah e, Allah sok nihyet tut niteu leu sisarti kin niyaijo nijep kwei bak nyeni yahagom.

KISAH 19:33

Ibou poi ikan bigya Aleksander ribindei di ighyet kui yam dima lewo mben Yahudi ibidip huk noni buug ya ei yahagom yoho bei. Gima rino noni kimut ninda kep yok leu binhyepo isindui sut ba, noni mbrap gau nonti ei yahagom yoho bei.

KISAH 23:1

Paulus niyai bong kep Nikei Puig Yahudi Nya lene pai biyok “Disut bat jen, dingon mien kwes kin Allah tut diyai munti nya habiei dimien kwei bipek ammani kep.”

KISAH 23:6

Tirigi Paulus ngat lo, Nikei Puig Yahudi Nya ibou poi inggre kin nimpung Saduki lo, nindigsi nya inggre kin nimpung Farisi lene noni ba nihyet nindig bipai biyok “Disut bat jen, dinggre kin nimpung Farisi ba, dicig bat nya cem inggre kin nimpung Farisi. Jimbus dingonti drek dip gi dingon jo kep bipia Allah miwin nimai nya hanyen leu imai eisi.” (

KISAH 24:10

Lene Feliks ndo bak Paulus mem noni birop mben Yahudi ighyet. Gima rino Paulus pai “Na di Andigpoi e, dikan tut bipia nani ne nikei di anyeng tak kep minu dini ninno tu ri. Gima rino diba dingon llei bimbrap gau danti ei na di Andigpoi aho bei.

KISAH 25:16

Noro dibuhup bipia bit leu nye di mben Roma niyai kepti ne nikes no di tungwatu ipai kep dima ei yo dima indati bigyo bibou bon nituti mem noni mbrap gau nonti ei yo di ipai kep noni yoho bei nipou ug e.

KISAH 25:8

Paulus mbrap gau nonti bipai “Dibon mun tunggwei sut Puig Yahudi nicukti bidibindei ba, nirom kui Tuhan De Ig ba, dipai Kaisar Roma kinei cem bi sren.”

KISAH 26:24

Tirigi Paulus mbrap gau nonti tut nide midyai nya rino Festus mbrua kep noni kros bipai “Paulus e, mirei bon na! Abou ngwak sibui sut mun di guru nya ingginau na tut yo!”

KISAH 28:17

Njap ningai ngwig leu lene Paulus sok nihyet mem nibou mben Yahudi nya ei minu dima bikwei mbrap bit noni. Tirigi idem yam ei su lene Paulus pai biyok “Disut bat jen, mbro nok gino diyai mun tunggwei sut mben Yahudi ba, dipigau ide pung di intun him nya igyai kepti nya di ingginau nye tut bi lo, mben Yahudi ikat da ei minu ndig Yerusalem leu api itri da bak mben Roma nya.

KISAH 7:2

Stefanus buhup “Disut bat kin dicig bat jen, ma jingig jitingou mem dihyet! Nipou tirigi ide pung di intun him di Abraham bong ei nitimieisi ei minu Mesopotamia bikwei bong ei minu ndig Haran bigyo lene Allah di kei-kau-kei ndo Nonti brei binoni,

ROMA 2:15

Igyai kepti nya ndo brei bipia Allah nicuk yokti nya dima jo ei ingon mienti tu. Ingon mien ndo bindo tut mun dima yok lewo mpe hi ingon mien pai kep yonti lo, mpe hi bu ingon mien mbrap gau yonti.

KORINTUS GI NIGOM 9:3

Gino tungwatu nya iba ighyet biyai da lene dibuhup nok gini.

KORINTUS GI NICAN 12:19

Mpaba jikan bipia hon kep nijam dini kwei ne nimbrap gau nyenti ei joho bei e? E bi! Allah ngat bou niyai him bipia nipai nihyet di nijit-jau bit leu Kristus ningon kanti mem nye. Lewo niba niyai munti nya hagom bibiwin kep jingonti!

KORINTUS GI NICAN 7:11

Ma jibisrip tut ningat di kei di ntun jide ningon buhunti him bit leu Allah ningon kanti mem je i! Ningon buhunti bindei bijita jibou eisi ba, jibindo bipia jingon mui bi! Jingon sibui sut mun di cut igkep je bijikrau jingon tut mun di mibitimon je ei nidipti bu cem. Ba, mun dima bindei ba, jicem kep puig ser dihwousi bijibisau sut gi jimbrap gau da lene jikes hukum ei no di yai mun tunggwei dip cem! Ei nimbie him kikau kwei bipek ammani kep jindo brei bipia munhyet pima tug hon je bi.

FILIPI 1:17

Noro bihi iba ingon can bitri tut Kristus bibiyai inyeng jei drek dip ingon di jei. Yo dini ikan bipia igyai munti bindei ba, mun di kinei dino dor njiriek bu micut igkep da tirigi disima ei ig bui nsi.

FILIPI 1:7

Dem tut gima diba dingon srip huk tut je lewo jeni ne dingon kieti ri. Jipriet kin midyai di Allah ba ningon com da tut mem nijam di disima ei ig bui nsi dini kin nijam di diyati kwes ba, dimbrap gau Nihyet Di Kei bidita bingkiem kei.

2 TIMOTIUS GI NICAN 4:16

Tirigi dimbrap gau danti ei nikei noho bei nipou ngig-ngat lene hi ya kui da bi noro yahagom ikes da binang leu da. Handei kon ba, ma Allah birop hanyen biyok drek dip igyai munti dima au!

PETRUS GI NIGOM 3:15

Noro ma jikuk je bak Kristus bijikon Noni nok Tuhan ei jingonti. Ma jitin ei mem nituti dino hi mihig ser je tut jide niba ningon comti leu binhyepo jibuhup igbit.