Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




KISAH 21:40 - ALLAH NIHYET MEM TUNGWATU NYA

40 Nibou dima ce tut Paulus ningon kanti dima lene Paulus kiju biya ei lin mbrei dip bikimut ninda kep yok. Tirigi yahagom ighyet ntus leu lene noni ba nihyet Ibrani bimbrap bit yok,

အခန်းကိုကြည့်ပါ။ ကော်ပီ




KISAH 21:40
16 ပူးပေါင်းရင်းမြစ်များ  

Tirigi Yehu buhup ighyet rino nisut bat nya ijuk ide sinsun ndok di jei ba, ibingig lin dip ei Yehu noho bei. Leu api imiep pun mbrei ba, iba ighyet nindig bibor bijem bipia “Yehu ne nibou ndig rin o!”


Srat nimeng gom di ipas Nide hukum eisi jo anai nibou. Nipas kepti pai ‘No dini ne Nibou Ndig Mem Mben Yahudi ri.’


Tirigi Pilatus miap ighyet dima rino noni buwak Yesus ug ei nisai bigwam ei bilen dip dino nikei nide ei biyati di ingig tig mma eisi. (Iba nihyet Ibrani bijem biyati dima Gabata.)


Yesus hei ug ei ngug sai bittei Nide biei salib buug sut ei mpia ttou nsi di ijem ninyeng Gumihyep Nimbiam Bou. (Iba nihyet Ibrani bijem ninyeng Golgota.)


Tungwatu nya ningot ndig ikwop kep ninyeng dima lewo mpia ttou nsi di ipek Yesus kin biei salib eisi dima jo dideu minu ndig Yerusalem. Tungwa dima ba nihyet Ibrani kin nihyet Latin kin nihyet Yunani bipas ninyeng eisi.


Minu ndig Yerusalem bon ugyousi gom di mben Ibrani ijem ninyeng Betesda di jo dideu Dimbou Pmem Domba. Ugyousi dima bon ig jibei nya ningat muhwi cem bijo ttai minyei nintig dip.


Timiei minu ndig Yerusalem yahagom imiap tut mun di cut igkep noni. Gima rino iba yonti ighyet bijem mpia ttou nsi dima ninyeng Akeldama gi ikiek nihyet dima lene nibimbiti pai ‘Dihyei Ninggrom Siber Eisi’.)


Petrus kimut ninda kep yok ser nhyema imbrap au. Leu api noni pui sut notou Allah buwak noni biningwes ngun leu ig bui nsi. Lene pai biyok “Ma jipui sut mun dini bak Yakobus kin yo di ingon jo kep nindigsi nya cem.” Pai nok leu lene noni kes yok ei buug ei minu ttou nsi hi bu leu yok.


Gima rino Paulus kiju biya lene kimut ninda kep yok bipai biyok, “Disut bat je di mben Israel kin je di nindigsi di jikuk je bak Allah e, ma jingig jitingou mem dihyet.


Ibou poi ikan bigya Aleksander ribindei di ighyet kui yam dima lewo mben Yahudi ibidip huk noni buug ya ei yahagom yoho bei. Gima rino noni kimut ninda kep yok leu binhyepo isindui sut ba, noni mbrap gau nonti ei yahagom yoho bei.


Ibuwak noni ug ei lin mbrei kiou lo, suar tentara pima yok ikon noni ei inghat dip nig-nai lewo mben Yahudi iten-pos bibor.


Tirigi tungwatu nya imiap tut Paulus di ba nihyet Ibrani bitri nihyet lene yahagom ikimut yuhuigya. Gima rino Paulus binut nihyet bu,


Nahagom nitti ug ei dihyeisi leu lene dimiap nihyet gom di ba nihyet Ibrani bihig ser da ‘Saulus e, Saulus e, Nggon rino ahwen bit Da bijo kikau i? Gino atte tut No di nok ade nibou bitut ningon kanti mem na kikau ne abindei nanti anggwen.’


Jei bi lene yo di ibit Yesus imangti bikum eisi ba, ningot ndig bu. Noro mben Yahudi di imbrap nihyet Yunani ingon dindi tut timiei mben Yahudi nya. Gi hi di imbrap nihyet Yunani ilua sok bipia ide kibom nya ima mun di bahati tut yok bikwop njap-njap sur yam kin kibom nindigsi nya bi.


Lo bi lene ninnei rom nya induk nibou ndig nya yahagom kwei bidem yam ei mpia di mben Ibrani ijem ninyeng Harmagedon.


Ibon ide nibou ndig di ninyeng tak kep yok ba, noni ne malaikati di ninyeng tak kep ninnei rom nya ide jui nsi ri. Mben Ibrani ijem ninyeng Abadon lo, mben Yunani ijem ninyeng Apolion. Nimbot kepti pai Nggek Kep Mun Cig.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ