KISAH 21:3 - ALLAH NIHYET MEM TUNGWATU NYA

³ Niba kibar bitot minyei sur Mios Siprus lo, kibar rop sir mios dima nibiho kikau ug ei minu Siria bipiar nyahan ei minu ndig Tirus. Lene nikinyon leu kibar bibou timiei kibarti nya icat ndigban leu kibar nsi ug e.

KISAH 21:3 ပူးပေါင်းရင်းမြစ်များ

SAMUEL GI NICAN 8:6

Leu api Daud hok prak meng yati di nok tentara nibousi di igya coi nya ei ide minu ndig nya ba, ninyeng tak kep yok. Lene igo kep belasten bak noni. tuhan bindei ba, Daud bindei timek nide siceu nya mem nituti di noni ug kon pran bit yok hagom.

MAZMUR 45:12

Anok misop ubbu ngat di mingot nibou ndig ningon kin na. Noni ne ade andigpoi rin ba, akuk na binoni.

MAZMUR 87:4

“Tirigi dindat kep minu di ibit dihyet nya lene daptar mitibim tut mben Mesir kin Babel inyeng cem. Tirigi dikwop kep timiei minu ndig Yerusalem nya imangti lene mben Filistea kin Tirus kin Sudan inyeng mitibim kin daptar dima.”

YESAYA 7:2

Tirigi Nibou Ndig Ahas miap tut tentara Siria inghapti bipia ikwei njei siceu bit tentara Israel pima tu lene noni kin nide limwa nya yahagom ingon ttin bibor ba, inok biei ninggrupti di hou ttem-ttem nyen.

MATIUS 11:21

“Ayo! Notou mem je di timiei minu ndig Korazim i? Ayo! Notou mem je di timiei minu ndig Betsaida i? Mindur di dibibon mem je tu pima gino dibibon bak timiei minu ndig Tirus kin Sidon lene mmo yo gi ijuk sinsun kron di bindo bipia ittin ser ide sisar bikiek ndam Allah leu api igwam tut ei atriemti mimbrek tu.

MATIUS 4:24

Gima rino ninghapti tibim bidem hanjop Siria nisurti-nipekti apino tungwatu nya ibuwak yo di inggwen kin yo di imai-mai nyen kin yo di ninnei rom ya ingonti kin yo di ibuwei kin yo di las hwen yok cem hagom kwei leu api Noni bindei ba, ikei hanyen.

LUKAS 10:13

“Ayo! Buhun bibor mem je di timiei minu ndig Korazim! Ayo! Buhun bibor mem je di timiei minu ndig Betsaida! Mindur po dibibon mem je tu pima gino dibibon bak timiei minu Tirus kin Sidon bu lene yoni mijuk sinsun kron di bindo bipia ittin ser ide sisar bikiek ndam Allah dima leu api igwam tut ei atriemti mimbrek tu.

LUKAS 2:2

Nikwop kep imangti gi nimbie him ngat dini mbut mem nijam di Kirenius nok nibou mem minu Siria yo.

KISAH 11:19

Niabiati Stefanus yai nimai leu lene nibou mben Yahudi nya sindi ihwen bit yo di ingon jo kep nya. Gima rino intek gimahap binang ug ei minu Fenisia kin Mios Siprus kin minu ndig Antiokhia bitri tut Allah nihyet bak mben Yahudi nya he.

KISAH 12:20

Herodes ningon sibui sut timiei minu ndig Tirus kin Sidon nindig bibor. Gima rino yo dima induk yam ei nimpung gom biyuug ngat noni. Noro yuug ngat Blastus nipou bibrim ingkek kep noni leu api noni tti kin yok. No dini nok nibou mem Herodes de ig bei nsi nya yahagom. Leu api yahagom yuug ngat Herodes ba, yahara noni bikrau yam nda ser. Yahara noni lewo yo dima ide minu mbum apino suar ipek ide njita hagom leu Herodes ninyeng tak kepti.

KISAH 13:4

Barnabas kin Saulus imbut birop ug ei minu ndig Seleukia bit leu nok Allah Ninnei nicuk yokti. Leu api ibri kibar minyei gom biyuug ei Mios Siprus.

KISAH 15:23

Nibou nya igyai srat gom biyok mem ipwoi biyuug sut. Ba, nipas kepti pai, “Srat dini mem nikinjoi bat di ngkiai nya ei minu ndig Antiokhia kin Siria kin Kilikia jahagom. Nye di niya kui Yesus kin nye di nibou mbusyamei nya di ninok jikindig bat nya nipigo je.

KISAH 15:39

Itte tut yam nindig bibor leu api ikwas yam. Barnabas buwak Yohanes-Markus bibri kibar minyei biyuug ei Mios Siprus.

KISAH 15:41

Yoni igya bidem hanjop Siria kin Kilikia bibiwin kep yo di mbusyamei nya ingonti.

KISAH 18:18

Gima ngwig lene Paulus bong ei minu ndig Korintus mem bed poi. Leu api noni kes yo di ingon jo kep nya leu lene bri kibar minyei bit Priskila kin Akwila nya biba kibar bitot minyei ngwa dip bingkwei hanyen ug ei hanjop Siria. Noro nipou tirigi noni bri kibar minyei ei minu mien Kengkrea bigyo lene noni kak nibou nta di bet bijei drek dip nipreu mun ei mem Allahti.

KISAH 21:16

Yo di mbusyamei minu ndig Kaisaria nya ibou poi yehei sut nye kikau ug ei Manason de ig leu api nibong bit noni. (Manason nitimieisi leu Mios Siprus ba, noni bit Yesus ninno tu.)

KISAH 21:2

Nikinyon kibar ei Mios Patara biningat kibar hiter di tin ei mem bitot minyei ug ei hanjop Fenisia. Gima rino nibri kibar dima binimbut.

KISAH 21:7

Nijo leu minu ndig Tirus binibitot minyei ug ei minu ndig Ptolemais. Nuug cem kep yo di ingon jo kep nya ei mpia ttou nsi dima. Nipigo yok binibong bit yok mem njap gom ngat.

KISAH 27:4

Lene kibar mbut bu bibitot minyei ngwa dip sir Mios Siprus nitta di mbum-bra leu binhyepo hou di nimig ten bibor ttem kibar tut nye ei mios dima nite bei mpia nicutti.

KISAH 4:36

Nok gima tut Yusuf cem. No dini ntun pung Lewi him ba, nitimieisi leu Mios Siprus. Yo di igya kui Yesus ijem ninyeng hi Barnabas (ninyeng dima noyam kin niwin kep tungwatu ingonti),

NIJAM NIKEI NYA 10:6

Jei bi lene mben Israel ibon sisar tut tuhan hanyen bu. Iba inghim bak tuhan nihyet lene ikuk yok bak bu bi. Noro ikuk yok bak kwar Baal kin Asytoret kin kwar di mben Siria kin Sidon kin Moab kin Amon kin Filistin ikuk yok bak nya.