KISAH 21:13 - ALLAH NIHYET MEM TUNGWATU NYA

¹³ Noro Paulus buhup “Nggon rino jipim kep da ba, jibiyai dingon pus tut je i? Ditin ei mem ikat da ei minu ndig Yerusalem he bi noro mem diyai nimai drek dip Tuhan Yesus cem.”

KISAH 21:13 ပူးပေါင်းရင်းမြစ်များ

NIBOHON MBEN ISRAEL GI NIGOM 11:18

Lene nibou tentara ibou ningai dima imiap nihyet dima. Gima rino isu yok nyahan sin mben Filistinti ei ide prak meng yati bitau minyei leu minyei bousi pima leu api ittei kwei bak Daud. Noro Daud dut minyei dima bi. Noni kiber nok midut nikwas mun tut tuhan ba,

YESAYA 3:15

Nggon rino jico kep Ditde limwa nya bijiyem yo di yuhui mbum nya imuhup i? Da di tuhan Di Dinyeng Jei di Sindem Bibor cem disimbot dat tu.”

YEREMIA 40:1

Nipou ne tentara nya iba lante biteu da bipi bibuwak da kin timiei Yehuda kin minu ndig Yerusalem nya ug ei minu Babel. Noro mpe dino digwam kep dinghuisi ei minu ndig Rama lene tuhan bindei ba, Nebuzaradan di ya tut nide limwa nya pima pas lante leu dinda leu api diyati kwes hanyen.

YEHEZKIEL 18:2

“Nggon rino tungwatu nya ei minu Israel indat-ndat nyen nihyet nibiti ninda dini i? ‘Andigpoi nya igyem ba anggur ngat di hyenha di bindei ba, imunggwom bat nya ikwai hyenha.’

YUNUS 1:6

Leu api kiten kibar juk ba, ngat Yunus biwin bipai “Nggon rino abong mai nok i? Akiju ba, ahara ade kwar di akuk na bak leu binhyepo noni mpu nye leu gi misar a.”

KISAH 20:24

Noro dinyohou diyaisi bi lewo diyaisi bon ninyeng mem da bi. Noro diyai kep midyai di Tuhan Yesus ba ningon com da tut nya biput lene gima bon ninyeng mem da gino diba dingon gom bitri tut Nihyet Di Kei tut Allah di singat tut nye kikau ug bipek diyaijo ningwig honti.

KISAH 20:37

Yo dima yahagom igyai nggwei kibor ba, inggriou noni bindun ninda him cem drek dip ingon di ngguk bibor. Lene ipigo “Acem ambut o!”

KISAH 5:41

Petrus kin Yohanes iba ingon di llei bibor behei leu Nikei Puig Yahudi ikieti lewo ingat bipia Allah ba ningon com yok tut gima igyai ninghuisi wei drek dip Yesus tu.

KISAH 9:16

Ba, Danti midindo binoni tut ninghuisi wei di micut igkep noni drek dip Dani bak yo.”

KORINTUS GI NIGOM 15:31

Disut bat jen, dinggok dimai eisi tut Kristus bikwop njap ngwa hagom lewo dillei ngwig sut je drek dip gi jinok gom kin Kristus Yesus di ide Tuhan.

FILIPI 2:17

Mpaba tungwatu nya mibui da bidinggrom siber noyam kin ninggrom di imam nya isiber ei mindhe di ibui ei nimbar hum dokti dip. Mindhe dima tereu nok mun di jiyai bak Allah drek dip jide niba ningon com Kristusti. Gino mun dima micut igkep da ne dipai sigyo bidillei ngwig sut je.

FILIPI 2:26

Ningon ngguk tut jahagom ba, ningon mbut-mbut nyen tirigi noni miap tut bipia ninghapti tibim tut ninggwenti hwou bak jeni tu.

KOLOSE 1:24

Nogindini ninghuisi wei di diyai drek dip je biyai dingon llei. Diyai munti nya bindei ba, ninghuisi wei di ug hon nohonti bigyo di Kristus de awak nya igyai drek dip nimaisi ei biei salibti dima ngwig sindam. Diyai ninghuisi wei drek dip mbusyamei di ijem ninyeng Kristus ningut.

2 TIMOTIUS GI NICAN 1:4

Diyok ngon kep mpe di ayai nggwei kibor tut da. Gima rino dijoi sut gima dingat na bou diyai him hanyen bu leu binhyepo dingon llei bibor.

2 TIMOTIUS GI NICAN 4:6

Tut dani ne tto bou dem mem gima diyai nimai dem kep nok mindhe di ibui bibam ei nimbar hum dokti tu ba, ngon bou dem mem gima dikes dihyeisi dini ei biduug leu tu.

PETRUS GI NICAN 1:14

Dikan tut bipia jei bi ne diyaijo ngwig hon lewo ide Tuhan Yesus Kristus pai gini brei bida tu.

NINGAT-HI-NGAT NYA 12:11

Isut bat yo di ingon jo kep nya ibindei cut noni tug hon Domba Pmot ninggrom kin Allah nihyet di itri tut bipia nijit-jau cem ba, yehek tut igyaisi bi noro igruap nimaisi.

NINGAT-HI-NGAT NYA 3:10

Midinyohou je leu nijam di buhun bibor di mikieng kep dihyeisi dini hagom lewo jibit dicuk jeti nya bijiba jibou coi mem ninghuisi wei di cut igkep je. Nijam di buhun bibor dima mibingon tungwatu dihyeisi dini yahagom.

SAMUEL GI NIGOM 1:8

Tirigi mun dini cut igkep Hana lene nijjep mbus ningonti bihig ser “Hana e, nggon rino apim ba, angon buhun bibor kikau nok i? Akan bipia dani no di bon ninyeng mem na dor njiriek leu munggwom pinai nya ibou simnai bi e?”

SAMUEL GI NIGOM 15:14

Lene Samuel hig ser noni “Gi nok lene nggon rino sapi kin domba di dungwek dima tibim ei ditingou nsi i?”