KISAH 21:11 - ALLAH NIHYET MEM TUNGWATU NYA

¹¹ No dini kwei cem kep nye leu api ba Paulus de bang bingot nonti nimig-ninda leu api pai “Allah Ninnei tri tut bipia mben Yahudi ei minu ndig Yerusalem miba nisinati dini bingot bang dini niceu leu api mikes noni ei ngkiai nya indati.”

KISAH 21:11 ပူးပေါင်းရင်းမြစ်များ

NIBOU NDIG NYA GI NIGOM 22:11

Nabi Zedekia di nicig ninyeng Kenaana ya srig nindigsi ikieti. Noni sindi ba ngkimom nitu bibon mindhe nibou nggai bou ninda him pai bak Ahab “Andigpoi e, Allah tri tut bipia tirigi ahwen mben Siria lene aba ngkimom nitu di nok mindhe nibou nggai dini bibui yok bibindei ba, icut bak na di Andigpoi.”

YESAYA 20:2

Noro ari bingwam ningai nipou tirigi mun dima cut igkep mben Filistin nya bigyo ne tuhan cuk Yesaya bipas srop kin sinsun kron di juk leu no. Yesaya yai igbit nicukti dima lene ba ningat ngu bimbut bijuk srop ser nimig jou bi.

YEREMIA 19:1

tuhan pai bida bipia duug pek dibijig gom. Leu api pai bu bipia duug buwak timiei Yehuda nya ide nibou kin imam di ibou tiei su nya ibou poi ba,

HOSEA 12:10

Noro Da di jide tuhan Allah di dibuwak je di jehei leu minu Mesir midibindei ba, jibong ei prak meng yati nya hanyen nok gi nipou tirigi dihwou ngat je ei iggum ndigsi.

YOHANES 18:1

Niabiati Yesus kes nadi hon leu api Noni kin yo di igya kui Noni isigon Minyei Kidron bicoi ug ei mpia ttou nsi di bon biei nghousi.

KISAH 13:2

Mpe di gom tirigi ikuk yok bak Tuhan bigyem njita bi mem nituti poi lene Allah Ninnei pai biyok “Ma jidimig Barnabas kin Saulus ei mem Da leu binhyepo igyai midyai di dikos tut ei mem yok tu.”

KISAH 16:6

Allah Ninnei sindui sut gima Paulus kin Silas itri tut Allah nihyet ei hanjop Asia bi. Gima rino igya bidem hanjop Frigia kin Galatia.

KISAH 20:23

Noro dikan tut bipia tirigi diya bidem minu ndig nya ne Allah Ninnei sok kep da ngkiem bipia midisima ei ig bui nsi ba, ninghuisi wei micut igkep da cem.

KISAH 21:33

Nibou tentara ttau ndam Paulus bikat noni lene cuk nide limwa nya biba lante can biteu noni. Leu api noni hig pus tungwatu pima yok “Tou rin i? Noni nggon ndei je i?”

KISAH 21:4

Nuug cem kep yo di ingon jo kep Yesus ei minu ttou nsi dima binibong bit yok mem ari nitindur gom. Allah Ninnei bie tut yo dini bisok kep Paulus ngkiem ser nhyema noni ug ei minu ndig Yerusalem au.

KISAH 22:25

Noro tirigi ingot nimig-ninda lo, imbas noni bigyo lene noni hig ser kompi di ya ser noni “Nibou Roma sindui sut ba, jimbas nide limwa nipou tirigi jipai kep noni ei nikei noho bei bigyo e?”

KISAH 24:27

Niabiati ari bingwam nitindur can ngwig leu lene nibou Perkius Festus kwei ya luei Feliks nohoti nok nibou di nijep bu. Noro Feliks huk bram gi mben Yahudi ijoi sut noni. Gima rino noni sindui sut Paulus bisima ei ig bui nsi kikau.

KISAH 26:29

Paulus buhup “Dimbrap mbigom mbican lene nirin lo, dingat nadi bak Allah leu binhyepo na di Nibou Ndig kin je di nindigsi di jimiap kep dihyet njap di ammani jahagom jinok dani. Noro tut lante dini yok bi.”

KISAH 28:17

Njap ningai ngwig leu lene Paulus sok nihyet mem nibou mben Yahudi nya ei minu dima bikwei mbrap bit noni. Tirigi idem yam ei su lene Paulus pai biyok “Disut bat jen, mbro nok gino diyai mun tunggwei sut mben Yahudi ba, dipigau ide pung di intun him nya igyai kepti nya di ingginau nye tut bi lo, mben Yahudi ikat da ei minu ndig Yerusalem leu api itri da bak mben Roma nya.

KISAH 28:20

Gima rino disok dihyet bije leu binhyepo jikwei mbrap bit da. Lewo ningat ne yo dima iba lante dini biteu da drek dip No Di Teu Tungwatu Nya Biyai Niyaijo Nijep Biyok di nye di mben Israel yahagom itum ingon mem ninno tu.”

KISAH 28:25

Isrep tut yam ba, ibintek leu mpia dima tirigi Paulus binut nihyet mbigom kin bu bipai biyok “Mun di Allah Ninnei pai bak jidigup bat-jidigai bat nya tug hon Nabi Yesaya nuhui him dima ne nijit ri.

KISAH 8:29

Allah Ninnei pai bak Filipus “Aug ya kui kroba pran dima ba, asir nitta.”

KISAH 9:16

Ba, Danti midindo binoni tut ninghuisi wei di micut igkep noni drek dip Dani bak yo.”

EFESUS 3:1

Tut gima rino da di Paulus disima ei ig bui nsi drek dip gi dinok awak mem Kristus Yesus kin gi diyai midyai ei je di ngkiai nya jikieti.

EFESUS 4:1

Gima rino ditigtai je bipia ma jiyaijo bit leu Allah ningon kanti mem Nide limwa di Noni dimig ei su nya. Ditigtai je nok lewo disima ei ig bui nsi drek dip gi dinok awak mem Tuhan.

EFESUS 6:20

Diya hacan tereu nok no di mbrap gau Allah Ninyeng Tak Kepti drek dip Nihyet Di kei lo, disima ei ig bui nsi. Ma jingat nadi tindei da leu binhyepo dibrim dingkek tut Nihyet Di Kei kep tungwatu nya bit leu nok Allah ba ningon com da tutti.

TIMOTIUS GI NIGOM 4:1

Allah Ninnei ndo brei binye bipia ei nidipti bu tungwatu nya mikes ide niba ningon com Kristusti ei leu api iba ibou coi mem ninnei di kinei di ibindei srawir yok kin ninnei rom ide ningginausi.

2 TIMOTIUS GI NICAN 2:9

Diyai ninghuisi wei drek dip gi ditri tut Nihyet Di Kei tug hon nibou pemerinta nya di iba lante biteu dimig kin dinda dem kep nok no di sibut. Noro bit bon iba lante biteu Allah nihyet kan bi.

IBRANI 10:34

Jiyai ninghuisi wei noyam kin yo di isima ei ig bui nsi. Tirigi tungwatu ipos ndigban hagom leu je ne joom jingon bijingon nggan tut lewo jikan tut bipia mun di kei di bit bon pror yon hanyen kan bi no jo mem je.

IBRANI 3:7

Gima rino Allah Ninnei sok kep nye “Gino jimiap Allah nihyet ei nituti dini,

PETRUS GI NIGOM 1:12

Allah mbot kep tut bak nabi dima yok bipia mun di itri tut dima mem yonti bi noro mem jeni. Mun di itri tut habiei dima tibim kwei leu yo di itri tut Nihyet Di Kei yuhui him. Ba, yo dini itri tut Nihyet Di Kei bije tug hon Allah Ninnei di Allah pinak kwei leu gwamti nisindemti. Gino malaikati nya ingon dorti tut mun di yo dima itri tut nipek kepti ne ingon llei bibor.