KISAH 20:7 - ALLAH NIHYET MEM TUNGWATU NYA

⁷ Nahagom nidem yam mem mben Yahudi ide njap nigwam kep ninghuisi mem mmun leu binhyepo niyem njita bit yam. Paulus tri nihyet biyok buhuk nihyet kikau mmun mau lewo noni kos tut bipia kes yok bimbut leu yok ei njap di hyep bu.

KISAH 20:7 ပူးပေါင်းရင်းမြစ်များ

NEHEMIA 8:3

Noni kiju biya ei dimbou heisi dima bou yahagom yoho bei bikwop Srat Nicukti leu njap bigyoti kikau bipek mpia huk pijum. Lene yahagom ingig itingou mem nihyet.

NEHEMIA 9:3

Ezra kwop leu Srat Nicukti kikau mem jam nitindur ningai leu api yahagom ingig itingou mem nihyet. Lene yahagom ipai jit ide sisar kikau mem jam nitindur ningai bu. Gima ngwig lene ikuk yok bak tuhan di yoni ide Allah binggei sut Noni.

MARKUS 16:9

Tirigi Yesus kiju hanyen leu nimai eisi ei mben Yahudi ide las gom mem njap bigyoti tu lene ndo Nonti bak Maria Magdalena. (Noni ne sop di Yesus jji ninnei rom muhwindacan leu ningonti nipou su ri.)

LUKAS 22:19

Gima ne Yesus yai roti nindak gom bipai sigyo bak Allah kep lene ki bitri yok bipai “Jiyai roti dini bijiyem ug lewo gini ne dinghui di dikes ei mem je ri. Ma jiba midut dini biyok ngon kep Da.”

LUKAS 24:35

Lene yo cin ipui sut mun di pek kep mem yok kak puig sinon kin notou ingat igbit Yesus tirigi Noni ki roti tut yok cem.

YOHANES 20:1

Mben Yahudi ide las gom ttau su leu api Maria Magdalena ba mmun ngwa kin buug cem kep hak mihyeti bingat lo, tig mma son leu su ba, nimbou jo hak.

YOHANES 20:19

Mmun tu ba, mben Yahudi ide las gom tun tu. Yo di igya kui Yesus induk yam kwei ei ig bei bilit ser dimbou nya bingkiem lewo ittin nibou mben Yahudi nya. Idrui sut lo, Yesus ttau kros hak biya ei ikieti lene pai biyok “Dwai! Ma jingon jo nyahan.”

YOHANES 20:26

Ari gom bu lene yo di igya kui Yesus induk yam hanyen kwei ei ig bei lene Tomas cem gwam bit yok. Mpe dima cem ilit ser dimbou nya bingkiem noro Yesus ttau kros hak biya ei ikieti bipai biyok “Ma jingon jo nyahan.”

KISAH 16:10

Niabiati Paulus ngat ningat-hi-ngat dima lene nitin ei mem nimbut ug ei hanjop Makedonia lewo ningon jo kep bipia Allah cuk nye ug ei hanjop dima leu binhyepo nitri tut Nihyet Di Kei.

KISAH 2:42

Ba, iba ingon gom bipikor tut yo di igya kui Yesus ighyet kikau bigyem njita ba, ingat nadi bit yam cem.

KISAH 2:46

Yahagom idem yam ei Tuhan De Ig bikwop njap-njap leu api iba ingon llei bibor biyem njita bit yam ei ide ig bei ba, ingon gom cem.

KISAH 20:11

Leu api noni kui hanyen ug ei nghim nsi dima lene ki roti biyem njita bit yok. Noni mbrap bit yok kikau bipek gwam ntuisi leu api kes yok bimbut leu yok.

KISAH 20:31

Gima rino ma jiya ser jenti! Ma jiyok ngon kep bipia diba diyai nggwei di kibor bingginau bibikwop jahagom bikwop mmun-njap kikau mem ari bingwam ningai. Dikes dinda tut midyai dime bi sren.

KISAH 20:5

Yo dima ibie nyeni noho bigwam mem nye ei minu ndig Troas.

KISAH 20:9

Pinjoi pilei di ninyeng Eutikhus cem no rima bigwam ei kendera mihyeti lo, tti-top lewo Paulus huk nihyet bijo ninno. Tti-top nyen bibong mai leu api tti bicut leu anai biborti ug ei dihyeisi. Tirigi yo dima ikon noni kui lene ingat lo, ninnei kimbas tu.

KISAH 28:23

Gima rino Paulus kin yoni ipreu ei mem yam tut njap gom dima imbus yam ei. Tirigi tto bou dima dem lene imang bibor induk yam kwei ei nide ig bei. Ba, noni nyohou tri tut nihyet biyok bimbot kep tut Allah Ninyeng Tak Kepti biyok mem mpia nipriti kikau ug bipek mpia nicutti kep. Noni ba ayat di kus leu Puig Yahudi nicukti nya kin Nabi nya ide srat nya cem bipingok yok lene biyai ba, yoni ingon jo kep Yesus.

KORINTUS GI NIGOM 10:16

Idut ei gi mokti di biei ngat ningei joti ba, ipai sigyo kep ne igyai munti dima ndo bipia ipriet kin Yesus ninggrom. Igyem roti di iki kukiau lene igyai munti dima ndo bipia inok gom kin Yesus ningut.

KORINTUS GI NIGOM 15:10

Noro nogindini diya diyati nok no di ya kui Yesus tug hon Allah nisingat tut dati. Diyai nisingat tut dati mikuisi bi. Ningat ne dita dibou ei Allah de midyaiti dor njiriek yo di igya kui Yesus nindigsi nya yahagom. Nisindemti di bindei bidita dibou ei midyai dimati kwei leu danti bi noro kwei leu Allah nisingat tut dati lene ba No bikum da mem midyai dima.

KORINTUS GI NIGOM 16:2

Bikwop njap nigwam kep ninghuisi lene ma tungwagom-gom ba ninda boom mitiei ndrim hi leu mitiei nimangti di noni tug ndei bijo keyam bikum yam ei bipek njap di dihwousi. Leu binhyepo jimbus mitiei hi kin bu tirigi dihwousi bi.

2 TIMOTIUS GI NICAN 4:2

ma atri tut Allah nihyet ba, abidip huk yok leu binhyepo intu kep ahyet mem mpe di ijoi sut e, he ijoi sut bi e, cem. Aba angon di jo nyahan binyohou ngginau yok leu binhyepo abiyai bingon nddong. Ma ando itunggweisi biyok ba, abiwin kep ingonti cem.

NINGAT-HI-NGAT NYA 1:10

Allah Ninnei bie tut da mem njap nigwam ninghuisi. Ba, dimiap nihyet nindig bibor ei dinghim dip di nok pun mbrei nugwei bong di tibim.