KISAH 20:37 - ALLAH NIHYET MEM TUNGWATU NYA

³⁷ Yo dima yahagom igyai nggwei kibor ba, inggriou noni bindun ninda him cem drek dip ingon di ngguk bibor. Lene ipigo “Acem ambut o!”

KISAH 20:37 ပူးပေါင်းရင်းမြစ်များ

NITRITI 45:14

Lene noni nggriou nikinjoi Benyamin bipim biniyai nggwei kibor. Lene Benyamin cem nggriou Yusuf bipim biniyai nggwei kibor bu.

NITRITI 46:29

Yusuf bri nide kroba pran buug ei Gosyen lene um nicig ei sirima. Lene noni nggriou nicig bipim ba, niyai nggwei kibor bijo ninno.

SAMUEL GI NICAN 15:30

Daud kwek nide srop leu nimig jou leu api noni kin nide limwa nya yahagom ikui ug ei Nungug Zaitun ba, igyai nggwei kibor. Lene iba ban binggai kep ibou nok bindo tut ingon di ngguk bibor.

NIBOU NDIG NYA GI NIGOM 19:20

Elisa kes nide sapi nya ei bidor bram Elia bihig ser noni “Ace tut ba, duug pigo dicig-dipmem nya nipou ug e leu api dikwei bit na.” Lene Elia buhup “Dwai, aug ba, apigo yok hak ug. Dipai ser na bi.”

NIBOU NDIG NYA GI NICAN 20:3

“tuhan e, ma ayok ngon kep bipia diba dingon gom kin dingon sren biyai midyai nok awak mem Na kikau. Dibrim dingkek ba, dita dibou ei gima dibit angon kanti kikau.” Pai nok leu api ba ningon di ngguk bibor bipim nggruet.

EZRA 10:1

Tirigi Ezra ba nipim bingat nadi bipai jit sisar ei tuhan De Ig nuhui cem bisri lene limwa Israel nya imang bibor idem yam. Yo dima ne pinai nya kin sop nya kin munggwom nya cem. Nimpung dini yahagom ikwei ngwig ttai Ezra bipim nggruet bit noni cem.

AYUB 2:12

Tirigi igya ei minu ting bingat Ayub lene ingat igbit noni bi. Noro tirigi ingat igbit noni tu rino ipim kep ba, igyai nggwei kibor birik ide sinsun ei yo him cem lene ikam dihyei ndung ba, igimahap hi kui lene ikes hi ei ibou nggram him cem. Igyaisi dima bindo bipia ingon ngguk bibor.

MAZMUR 126:5

Asindui sut ba, yo di iba igyai nggwei kibor bindim njita ngan ei miaisi pima iba nimbos-hi-mbosti bipuk njita ningat di kei hanyen kwei.

LUKAS 15:20

Gima rino noni kiju bingkwei hanyen ndam nicigya. Tirigi noni ttau ei minu ting lene nicig ngat igbit noni leu api ngondut bisau bidor um noni ba, nggriou nipmot bimei ningyoi.

ROMA 16:16

Ma jipigo yam tereu nok yo di ingon ce yam bi nya. Kristus de mbusyamei nya hagom iba srat dini bipigo jeni.

KORINTUS GI NIGOM 16:20

Disut bat yo di Kresten ei minu dini yahagom ipigo je. Ma jipigo yam noyam kin yo di Kresten di ingon ce yam bi.

KORINTUS GI NICAN 13:12

Ma jipigo yam noyam kin yo di Kresten di ingon ce yam bi nya. Allah de limwa nya yahagom ipigo je.

TESALONIKA GI NIGOM 5:26

Ma jiba ningon di ce yam bi bipigo yo di ingon jo kep nya yahagom.

2 TIMOTIUS GI NICAN 1:4

Diyok ngon kep mpe di ayai nggwei kibor tut da. Gima rino dijoi sut gima dingat na bou diyai him hanyen bu leu binhyepo dingon llei bibor.

NINGAT-HI-NGAT NYA 21:4

Noni midip tut igyai nggwei hagom bingwig leu yok. Imai cem ingon ngguk cem ipim cem inghuisi wei cem bu bi. Mun di nitimiei nya hagom pror leu su.”

NINGAT-HI-NGAT NYA 7:17

Lewo Domba Pmot di ya niyati ei banggo mbrei ninggimau minyohou yok nok gembala di bie tut yok ug ei minyei yaisi di bindei niyaijo. Allah midip tut igyai nggwei hagom bingwig leu igyai njep.”

SAMUEL GI NIGOM 20:41

Niabiati tirigi mot dima ug leu su lene Daud kiju leu niku no ei tig nggreti pima biba nibiau bicom mpia lene ba ningwak bikik dihyei mbiningai. Lene noni kin Yonatan inggriou yam ba, imei-mei nyen yam cem iba igyai nggwei di kibor nindig bibor bipim lo, Daud ningon ngguk biborti nindig dor njiriek Yonatan.