KISAH 20:35 - ALLAH NIHYET MEM TUNGWATU NYA

³⁵ Lewo dindo bindo bije tug hon nisinati hagom tu leu binhyepo jijoi bibor ba, jita jibou ei midyaiti leu binhyepo jibingondut yo di isindem bi nya. Lewo suar jiyok ngon kep Tuhan Yesus Nonti nihyet di pai ‘Tungwatu nya igyai nillei tug hon ide ningondut tungwatu nyati leu gima igyai mun di yo di hiter ibingondut yok a.’ ”

KISAH 20:35 ပူးပေါင်းရင်းမြစ်များ

NIPINGOK NINGONTI 19:17

Gino angondut nuhui mbum nya ba, ampu yok lene gima nok ade ningwam di jo bak tuhan. Noni mirop ningwam dima hanyen bina.

YESAYA 32:8

Noro no di singat kei ningon gom lene ba ningon bisrip huk mun di singat kei ba, niyai munti nya cem singat kei.

YESAYA 35:3

Noni misindem tut yo di inda jet nya lene mibindei ba, yo di ibiau lor nya igya nddong kei.

MATIUS 10:8

Ma jibindei ba, yo di inggwen ikei hanyen lene jiwin yo di imai nya bikiju hanyen leu imai eisi. Ma jibindei ba, yo di bras yem yok igyai ingkek ngun eisi hanyen ba, jijji ninnei rom nya leu tungwatu nya ingonti. Diyai nisindemti dini bije mikuisi hak bijipek bi. Gima rino ma jibindei ba, tungwatu nya ikei hanyen mikuisi hak ba, ibirop hanyen bije au.

KISAH 20:20

Jikan tut bipia dingon tak kep nihyet gom di biwin kep jingonti leu je tirigi ditri tut nihyet bi ba, dingginau je brei ei ig mbusyameisi kin jide ig bei nya cem.

KISAH 20:27

Lewo dingon tak kep Allah nihyet tut ningon kanti gom leu je bi sren.

KISAH 20:34

Jikan tut bipia ditri mun di dibon bou dinda him ba, dibipek mitiei leu binhyepo dibahati tut danti kin yo di igya kui da.

KISAH 20:36

Tirigi Paulus kes nihyet hon lene noni ba nibiau bicom mpia bit yo dima leu api ngat nadi.

ROMA 15:1

Gino iba ingon com Tuhan bibor ne ma yoom ingon tut yo di ingon jo kep Yesus bibor bi nya bimpu yok tut mun di buhun tak yok. Ma ita ibou ei mun di bindei ba, nyenti ingon kei bibor he au.

KORINTUS GI NIGOM 9:12

Gino dem mem yo di hiter itindei kep jindati tut mun di pror yon lene dem mem nyeni cem miniyai nok gima lo, dor njiriek bu e? Mbro nok gino dem mem ditindei kep jindati lo, doom dingon tut hak ug. Lewo diba dibou coi mem mun di cut igkep da hagom leu binhyepo dibindei ba, mun nyeng hi bigen ser Nihyet Di Kei tut Kristus bi.

KORINTUS GI NICAN 11:12

Dinda jo kep midyai di diyai kep nya nogindini kikau ser nhyema “nibou di mipbor ngat nya” igyai nituti mem ingon jei ba, itri tut bipia igyai bram nyende niyai kepti au.

KORINTUS GI NICAN 11:9

Tirigi dingat rin bit je ne disuar mun di bahati tut da noro ditindei kep jindati tut munkwas hi bi sren. Disut bat yo di ingon jo kep nya di ikwei leu hanjop Makedonia ipwoi mun di disuar nya hagom kwei bida. Ditindei kep jindati tut munkwas ei nimbie him dima bi lene nogindini ditindei jindati tut munkwas bi sren. Lene nok gima kikau.

KORINTUS GI NICAN 12:13

Gino jibinai jenti kin mbusyamei hiter nya lene dibibon je haigtu bi sut mindei i? Tut gi dibindin je tut munkwas di jibahati tut da bi e? Nnaba jikos ser ditde niyai mun tunggwei sut jeti!

KORINTUS GI NICAN 8:9

Jikan tut ide Tuhan Yesus Kristus nisingat tut nyeti di nindig bibor. Mbro nok gino Noni nyeng tut mun nyeng hagom lo, kes mun dima yok hagom ei leu bibibon Nonti nuhui mbum drek dip je leu binhyepo ba nuhui mbumti dima bibindei bijinyeng bibor.

EFESUS 4:28

Ma ninggimang kep mun cig kes hon binggimang bu au. Noro ma kinyon ei midyai di kei bibor nyati biyai leu binhyepo ba ningon di sren bitug ndei nimuhup ba, bingondut nuhui mbum nya.

TESALONIKA GI NIGOM 4:11

Ma jita jibou ei ningon di jo nyahanti kin nibiang jenti jide minaisi ba, jibitug ndei mun di jisuar nya tug hon gi jinda jo kep jide midyai nya. Gima hagom bit leu nok gi nicuk je tut nipou su.

TESALONIKA GI NIGOM 5:14

Disut bat jen, nitigtai je leu binhyepo jiba jingon di kwes bisok kep yo di inghen nya ba, jibiwin kep yo di ingwes mien ingonti. Ma jimpu yo di isindem bi nya ba, jingon jo nyahan tut yahagom.

IBRANI 13:16

Ma jingon prion ser nituti mem jahati tut yam kin jingon dut yam au. Lewo jiyai munti dima tereu nok midut nibui mindheti di bindei ba, Allah joi sut je.

IBRANI 13:3

Ma jiyok ngon kep yo di isima ei ig bui nsi tereu nok jisima bit yok. Ma jiyok ngon kep yo di igyai ninghuisi wei tereu nok jiyai ninghuisi wei bit yok.

YOHANES GI NININGAI 1:7

Yo dima ittei yam leu binhyepo igyai kep midyai mem Kristus lo, igyai mun di bahati tut yonti leu yo di ninghim Kristus bi.