KISAH 20:29 - ALLAH NIHYET MEM TUNGWATU NYA

²⁹ Dikan tut bipia tirigi dikes je ei bidimbut leu je lene nsien di niten-pos nya mikwei srig jikieti bibon yonti tereu nok domba nya ba, yaham domba di jinyohou yok dima nok ide mun di igyem ug ri.

KISAH 20:29 ပူးပေါင်းရင်းမြစ်များ

YEREMIA 13:20

tuhan pai bak timiei minu ndig Yerusalem nya “Jingat i! Jide siceu nya no imbut kep kwei leu nite bei mpia nijjai ma kwei. Jide limwa di diba dingon com je tut nya bijinggei sut yok cem ingat rino hantou i?

YEREMIA 23:1

tuhan di mben Israel ide Allah pai “Buhun bibor mem je di nibou di jibindei ba, Ditde limwa nya itimek bingwig bisar ei ingkiaisi! Suar jinyohou yok nok gi igbit noro jinyohou yok bi. Jibindei bintek gimahap apino inang bingwig. Nogindini midikes hukum ei je dip drek dip jiyai munti di kinei bibor dima.

YEHEZKIEL 22:27

Nibou mben Israel di inyeng tak kep limwa nya idem kep nsien bigbehei di briug-briug nyen mun di yem a. Ihwen mun mem ibinggok tut mun di kei mem yonti.

YEHEZKIEL 34:8

Deheng bitug hon Danti di Allah di diyaijo dinyeng bipia ma jiyok ngon kep dihyet! Mindhe-ndhe di niten-pos nya yaham domba nya ningwig lewo ibon ide gembala hi bi. Je di gembala jingkek ndok tut domba dima yok. Jehek tut jenti noro jehek tut jide domba nya bi.

DANIEL 11:34

Tirigi niyai nimai biyokti dima jo kep yok lene ibou poi he ingondut Allah de limwa nya bimpu yok. Mbro nok gino yo di imang bibor ibicom yam bit yok lo, yo dima ibinggok puig tut mun di bon ninyeng mem yonti he.

ZEFANYA 3:3

Nibou di inyeng jei ei minu ndig dima idem kep singa di yau-yau nyen. Nikei nya idem kep serigala di nggum. Iduhwen bibor apino igibet ndia njum gom bijo ei mem njap di hyep cem bi.

ZAKHARIA 11:17

Gembala di kinei di kes nimpung domba nya ei dima mitug ndei nisigion noti! Pran mibicut mimbri di kui ningkek hak. Ninda pang mijet bibor lene niyai nite bei ninda com mitu hak!”

MATIUS 10:16

“Jimiap e, dicuk je nok domba nya ug ei nsien di niten-pos nya ikieti. Suar jingon sok kep jenti noyam kin wou nya noro ma jingon jo nyahan noyam kin hakimoi nya.

MATIUS 7:15

“Ma jisok kep jenti ser nabi nitrowai nya di isrig jikieti lo, iluei itta binok domba nya. Noro bei ninsi ne inok nsien mbrei di niten-pos.

LUKAS 10:3

Jimbut hak ug! Dicuk je nok domba nya ug ei nsien di niten-pos nya ikieti.

LUKAS 12:32

“Je dino jimang bi e, ma jittin tut au! Lewo Jicig joi sut gi yai munkwas di ntun Nide ninyeng tak kepti him bije.

YOHANES 10:12

Noro awak pima ne domba nya iceu kin ide gembala rin bi. Tirigi nsien bigbehei ham domba nya lene noni kes domba nya ei binang leu leu api nsien dima briu-briu nyen domba bibindei ba, nindigsi intek gimahap.

YOHANES 21:15

Tirigi igyem wau nghui bingwig leu lene Yesus hig ser Simon Petrus “Na di Simon di Yona nipmot e, angon ngakei Da nindig dor njiriek nindigsi dini ide ningon ngakei Dati e?” Petrus buhup “Tuhan e, igbit ri. Akan tut bipia dingon ngakei Na.” Yesus pai binoni “Ma anyohou Ditde domba pmot nya.”

KISAH 20:28

Ma jinyohou jenti kin jide domba nya di Allah Ninnei ba ningon com je tut cem yahagom. Ma jinyohou jide mbusyamei nya noyam kin gembala di nyohou domba nya lewo Allah bindei ba, Nonti nok niceu mem mbusyamei nya tug hon Nipmot nimaisi.

PETRUS GI NIGOM 5:2

Ma jinyohou domba nya di Allah kes bije. Ma jiba ningon di llei sut midyai dima binyohou yok bit leu Allah ningon kanti mem je. Ma jiba jikou binyohou yok au. Ma jiba jingon di pri kep mun di ibirop hanyen bije binyohou yok au. Noro ma jiba jijoi sutti binyohou yok.

PETRUS GI NICAN 2:1

Nipou ne nabi nitrowai nya ittau hak srig Allah de limwa nya ikieti. Gima rino guru nitrowai nya misrig jikieti bu. Yoni ibiti ninda bitri tut nihyet di nijit bi di bindei srawir je leu api ibikep ser Iceu di kwek yok leu mun di kat yok. Tug hon nisinati dima lene ibindei sar yonti ba, gini micut igkep yok kros.

YUDAS 1:18

Ipai bije bipia tirigi njap ningwig honti son dideu lene tungwatu nya di igyai igbit ingut kanti di kinei di srou yok nya mittau kwei leu api iba ighyet bicig je.