KISAH 20:28 - ALLAH NIHYET MEM TUNGWATU NYA

²⁸ Ma jinyohou jenti kin jide domba nya di Allah Ninnei ba ningon com je tut cem yahagom. Ma jinyohou jide mbusyamei nya noyam kin gembala di nyohou domba nya lewo Allah bindei ba, Nonti nok niceu mem mbusyamei nya tug hon Nipmot nimaisi.

KISAH 20:28 ပူးပေါင်းရင်းမြစ်များ

MAZMUR 74:2

Ayok ngon kep Ade limwa di adimig ei habiei nipou kwei su. Ayok ngon kep mben di akwek yok leu binhyepo inok Ade limwa nya. Ayok ngon kep Mbigdip Sion di abindei binok Ade mpia di agwam niti.

NIPINGOK NINGONTI 10:21

No di ningon kwes kei nihyet noyam kin ningat di kei di njei bak yo di imang bibor. No di ningon mbum nide ningon mbumti biyai nimai bak nonti njem.

YESAYA 40:11

Noni minyohou Nide domba nya dem kep nok no di gembala bibie tut yok. Noni mikon domba mien nya bibong ei ninda kroisi lene ba ningon di nggriu-nggrop bijem niwek di ibep nya.

YESAYA 63:11

Mpe dima lene igyok ngon kep nijam timiei Musa po tuhan de awak pima leu api ihig yam ser “tuhan po bie tut Nide limwa nya ide nibou nya di imbut ei muk nikieti pima no ritou i? tuhan po kes ninnei ei Musa dip pima no ritou i?

YEREMIA 13:17

Gino jikou sut nimiap kep dihyetti ne midipim mmuti. Diba ningon di ngguk bibor bipim tut jide ningon jeisi dima. Diyai nggwei mikibor drek dip siceu nya di ikat tuhan de limwa nya bikri yok ug ei ingkiaisi.

YEREMIA 13:20

tuhan pai bak timiei minu ndig Yerusalem nya “Jingat i! Jide siceu nya no imbut kep kwei leu nite bei mpia nijjai ma kwei. Jide limwa di diba dingon com je tut nya bijinggei sut yok cem ingat rino hantou i?

YEREMIA 3:15

Lene midita nibou di ibit dihyet nya mem je yo. Yoni iba ningon di ki kin ningon di huk niti bibie tut je.

YEREMIA 31:10

tuhan pai “Je di ngkiai nya e, ma jingig jitingou mem dihyet! Jitri tut dicuk jeti nya kikau ug ei muk nite dima ug. Midinduk Ditde limwa di dibindei ntek gimahap yok ei ingkiaisi hanyen kwei. Midinyohou yok dem kep nok gembala di ya ser nide domba nya.

YEHEZKIEL 34:3

Jidut domba nido ngei lene jinap ninta nok sinsun mem jenti lene jibui gi hi di nimmau ndok nok mikwau cem noro jehek tut domba dima bi sren.

YEHEZKIEL 34:31

Jit-jit! Jeni ne Ditde domba nya rin bidihyen kep je. Jinok Ditde limwa nya. Da di tuhan Di Dinyeng Jei Bibor disimbot dat tu.”

MIKHA 5:4

Noni mibindei ba, yahagom ingon kwes kin yam. Tirigi tentara mben Asyur nya ihwen ide minu dini binggek ngug tig nya lene nyeni micuk ide nibou di mimbri kui ingkek ba, ihwen yok bibiyai nimai biyok.

MIKHA 7:14

tuhan e, ma anyohou Ade limwa di adimig ei su nya. Ibong biyongkom ei mpia nintiti lo, dihyei di nnum kei jo ttai yok. Ma asindui sut ba, igyem kep njita ei abris nghousi di nnum kei ei hanjop Basyan kin Gilead cem bit leu nok igyai kepti di nipou su nya.

ZAKHARIA 11:4

tuhan Allah pai bida “Abon nanti bidem kep nok gembala di nyohou timiei minu dini titut yam lewo dingon nggriu sut yok bu bi. Yoni noyam kin domba nimpung ndig gom di dinyohou yok leu binhyepo dibui yok nok mikwau. Yo di ipek mikwau dima ikos domba nya binso yonti tut bi. Nitri-nipek domba cig nya ipai ‘Ikon tuhan ninyeng a! Nogindini inyeng tut ndigban kum eisi bu!’ Gembala dima yok igingondut domba di ide di inyohou yok dima bi. (Nihyet dini tibim ei tuhan nuhui him.) Midikes yo dima ei yo di inttig-tta nya indati kin ide nibou ninda nsi. Yo dima ibindei minu dini bitimek. Miditeu yok bingwes ngun leu yo dima inda nsi bi.”

MATIUS 16:18

Gima rino dipai bina di Petrus bipia nani ne tig di nddong kei ri. Midita Ditde mbusyamei ei tig di nok cou nipmem dip rin ba, bit bon Bilis kin nide limwa nya ibindei cut mbusyamei dima kan bi.

MATIUS 2:6

‘He minu mien Betlehem ei hanjop Yudea e, anyeng mitibim nok minu mien he ei minu Yehuda bu bi. Lewo nibou di ninyeng jei mijem nitimieisi leu ade minu mien leu api Noni mibie tut Ditde mben Israel.’ ”

MARKUS 13:9

Ma jitindei ser tungwatu nya lewo yoni mikat je bibuwak je ug ei Nikei Puig Yahudi nya yoho bei leu api imbas je ei mben Yahudi ide ig mbusyameisi. Yoni ibuwak je ug ei yo di inyeng jei kin nibou ndig nya yoho bei drek dip dinyeng. Gini hagom bon nikwesti di kei bibor mem gima jitri tut Nihyet Di Kei biyok.

LUKAS 12:32

“Je dino jimang bi e, ma jittin tut au! Lewo Jicig joi sut gi yai munkwas di ntun Nide ninyeng tak kepti him bije.

LUKAS 21:34

“Ma jingon sok kep jenti. Leu gino jibou sibui ei nibon pestati kin nidut mun di pu jeti kin niyai munti nya di mipror yon lene njap ningwig honti mittau kros kep je,

KISAH 13:2

Mpe di gom tirigi ikuk yok bak Tuhan bigyem njita bi mem nituti poi lene Allah Ninnei pai biyok “Ma jidimig Barnabas kin Saulus ei mem Da leu binhyepo igyai midyai di dikos tut ei mem yok tu.”

KISAH 14:23

Paulus kin Barnabas ita nibou mbusyamei nya bidem ig mbusyamei niyati hagom lene iba nadi kin niyem njita bi mem nituti poi bikes yok ei Allah di nibou dima yok ingon jo kep nindati.

KISAH 20:17

Nikwei krau minu ndig Miletus lene Paulus sok nihyet bak nibou mbusyamei nya ei minu ndig Efesus leu binhyepo ikwei ngat noni.

KISAH 20:29

Dikan tut bipia tirigi dikes je ei bidimbut leu je lene nsien di niten-pos nya mikwei srig jikieti bibon yonti tereu nok domba nya ba, yaham domba di jinyohou yok dima nok ide mun di igyem ug ri.

ROMA 16:16

Ma jipigo yam tereu nok yo di ingon ce yam bi nya. Kristus de mbusyamei nya hagom iba srat dini bipigo jeni.

KORINTUS GI NIGOM 1:2

Nipigo Allah de mbusyamei ei minu ndig Korintus. Allah hig jeni bijinok Nide limwa di ingon kwes-kwau nya tug hon jide ninok gom kin Kristus Yesusti. Ba, gima noyam kin yo di mbusyamei nya di ikuk yok bak Yesus Kristus bidem minu. Noni ne Tuhan mem yoni kin nyeni cem ri.

KORINTUS GI NIGOM 10:32

Ma jiyaijoti nya bindei ba, mben Yahudi kin mben Yunani kin jisut bat di Allah de mbusyamei nya icut ei sisarti au.

KORINTUS GI NIGOM 11:22

Mei! Nggon rino jiyai nok i? Jigimbun jide ig mem gima jiyem njita bijidut ba anggur ngei eisi bi e. Nggon rino jibimangkrei Allah de mbusyamei nya ba, jibinim kep yo di yuhui mbum nya i? Dibuhup bije notou i? Dinggei sut jeni e? E bi! Bit bon dinggei sut je kan bi.

KORINTUS GI NIGOM 15:9

Dani ne no di ya kui Yesus di bon ninyeng bi ri. Dem tut gima tungwatu nya ipai bipia dani ne no di ya kui Yesus rin bi. Leu gi po dihwen bit Allah de mbusyamei nya pima.

KORINTUS GI NIGOM 6:20

Noni ba nibok bipek je bijinok Nide bu. Gima rino ma jiba jenti njem binggei sut Noni.

GALATIA 1:13

Ningat ne jimiap dinghapti tut gi dita dibou ei Puig Yahudi niggai serti. Jimiap dinghapti tut gi dingon koi kep Allah de mbusyamei nya bidiyai ninghuisi wei biyok bidigruap mem gima dibindei timek yok.

EFESUS 1:14

Ninnei dima tak buk kep nye mem gima iba nyekep mun di Allah preu ei mem Nide limwa nya. Gima rino ikan mungkun tut bipia Noni mibindei ba, igyati kwes. Jikwei ba, inggei sut Allah tut nikei-kau-keisi!

EFESUS 1:7

Lewo Allah kwek nye leu sisar tug hon Kristus nimaisi leu api bindei kos ser ide sisar.

EFESUS 4:11

Kristus rima njei nisindemti nya bak tungwatu nya. Noni ta yo di igya kui Noni kin nabi nya kin yo di itri tut Nihyet Di Kei kin gembala nya kin guru nya cem.

FILIPI 1:1

Srat dini leu da di Paulus kin Timotius ba, nyeni ne Kristus Yesus De awak nya ri. Srat dini mem Allah De limwa nya di inok gom kin Kristus Yesus ei minu ndig Filipi bitut nibou mbusyamei nya kin yo di igya kui yok.

KOLOSE 1:14

Allah Nipmot kwek nye leu mun di kat nye di bindo tut nikos ser ide sisarti.

KOLOSE 4:17

Ma jisok kep Arkhipus bijipai “Ma anda jo kep midyai di ayai mem Tuhan biput kep.”

TIMOTIUS GI NIGOM 3:1

Mun di dipas kep dini ne mun di nijit ri. Gino tungwagom joi sut ninyeng nibou mbusyamei ne noni ba noho rok midyai di bon ninyenga.

TIMOTIUS GI NIGOM 3:2

Suar nibou mbusyamei ningon sren ba, bit bon hi pai noni kinei kan bi. Suar noni wak sop gom ngat he ba, om kep ningon kan. Suar ningon nddong ba, nyohou dimig niyaijoti cem. Ma noni cigit ngkiai nya kui ig ba, ningon dorti tut ningginau tungwatuti cem.

TIMOTIUS GI NIGOM 3:5

Leu gino noni nyohou bie tut nide ig bei nsi nya kan bi ne notou noni nyohou bie tut Allah de mbusyamei i?

TIMOTIUS GI NIGOM 4:14

Ma anyohou nisindemti di Allah Ninnei yai bina nipou su tirigi nabi nya itri tut nihyet ba, nibou mbusyamei ikes inda ei abou nggram him.

TIMOTIUS GI NIGOM 4:16

Ma asok kep nanti tut ayai munti nya kin ade ningginau tungwatu nyati. Leu gino aba angon di gom biyai gima yok hagom kikau ne abiteu nanti bitut yo di intu kep ahyet cem ba, jahagom jingwes ngun.

TIMOTIUS GI NIGOM 5:17

Tut nibou di ibie tut ide mbusyamei mungkun kei lene ma jibirop imuhup hanyen biyok mbican bram yam. Gini bon ninyeng mem yo di ita ibou ei nitri nihyetti kin ningginau tungwatu nyati.

TITUS 1:7

Suar nibou mbusyamei ningon gom lewo ninyeng tak kep Allah de midyai nya. Ma ningon jei cem gga-gga wai cem dut mun di pu noni cem bui tungwatu nya cem ningon pri kep mitiei nindig bibor cem au.

TITUS 2:14

Noni kes niyaisi ei mem nye biteu nye leu sisar ninyeng hagom leu api biyai ingon di kwes kin Noni cem inok Nide limwa di ijem iceu bit Nongkom he cem ba, ibrim ingkek mem igyai munti di kei bibor nya.

IBRANI 12:15

Ma jisok kep yam leu binhyepo hi ngkwei hanyen leu Allah nisingat tut nyeti au. Ma jisok kep yam leu binhyepo jiwer krisieu nikioi di hei ei jikieti di pu imang bibor bibindei ba, sisar srou yok au.

IBRANI 13:17

Ma jibit jide nibou nya ide nicuk jeti nya ba, jibou cut biyok. Yoni inyohou jingonti bikwop mmun-njap lewo suar ibuhup hanyen bak Allah drek dip igyai munti nya. Gino jibit ighyet lene yoni miba ingon di llei biyai midyai nya. Gi bi lene iba ingon di buhun binyohou jingonti apino gima bindei bijiyai mun di kei nya hi bi.

PETRUS GI NIGOM 2:25

Nipou ne jinok domba di israwir nya. Noro tini bu ne Allah buwak je hanyen kwei leu binhyepo jibit No Di Gembala di nyohou jingonti.

PETRUS GI NIGOM 2:9

Noro Allah dimig je nok Nide mben nya kin Nide imam nya di igyai midyai mem ide Nibou Ndig di Allah kin Nide mben di ingon kwes nya kin Nide limwa nya cem. Allah dimig je bihig je kwei leu nidinditi bijicoi ei Nide nipigati di sieng-siau kei leu binhyepo jitri tut Nide midyai di mindur nya.

YOHANES GI NIGOM 1:7

Gino ikak puig nipigati bit Allah di ningat rin ei nipigati lene ingon kwes kin yam ba, Nipmot Yesus ninggrom piap nye leu sisar ninyeng hagom.

NINGAT-HI-NGAT NYA 5:9

Yo dima ipai doia di nijep bu “Nangkom dem mem gima ayai srat kijum dima ba, acug biei nggrai leu. Lewo hi bindei ba, amai nipou su apino aba amaisi bipek tungwatu nya leu bikwop keret nya kin minu nya kin nihyet nya kin mben nya hagom ei dihyeisi dini bak Allah.