KISAH 20:21 - ALLAH NIHYET MEM TUNGWATU NYA

²¹ Disok kep mben Yahudi kin ngkiai nya ngkiem leu binhyepo ittin ser ide sisar bikiek bak Allah ba, ingon jo kep Tuhan Yesus cem.

KISAH 20:21 ပူးပေါင်းရင်းမြစ်များ

MATIUS 3:2

Noni tri tut biyok “Ma jittin ser jide sisar bijikiek je ndam Allah lewo Allah Ninyeng Tak Kepti dideu kwei su.”

MATIUS 4:17

Mpe dima ne Yesus sindi tri tut nihyet bipai “Ma jittin ser jide sisar ba, jikiek ndam Allah lewo Allah Ninyeng Tak Kepti dideu kwei su!”

MARKUS 1:15

Bipai “Tto bou dem tu. Allah Ninyeng Tak Kepti dideu su. Ma jittin ser jide sisar bijikiek ndam Allah. Ma jiba jingon com Nihyet Di Kei di kwei leu Noni!”

MARKUS 6:12

Gima rino yo di igya kui Yesus intek gimahap biyuug tri tut nihyet leu binhyepo tungwatu nya ittin ser ide sisar ba, ikiek ndam Allah.

LUKAS 13:3

Nok bi! Ma jiyok ngon kep bipia gino jittin ser sisar bijikiek ndam Allah bi lene jahagom mijitug ndei nimai noyam kin yo dima.

LUKAS 13:5

Nok bi! Dipai bije mbigom kin bu. Gino jittin ser sisar bijikiek ndam Allah bi lene jahagom mijitug ndei nimai noyam kin yo dima.”

LUKAS 15:10

Nok gima cem Allah de malaikati nya ei gwamti illei ngwig sut tungwagom ngat di bon sisar bittin ser nide sisar bikiek ndam Allah. Ma jiyok ngon kep dihyet!”

LUKAS 15:7

Dipai bije bipia nok gima cem yo di gwamti nya illei ngwig sut tungwagom ngat di bon sisar lo, ttin ser nide sisar bikiek ndam Allah dor njiriek ibou ningot muhwindatai ba, muhwindatai di ikan ingon kwes ba, isuar nittin ser ide sisar bi.”

LUKAS 16:28

ndam dikinjoi bat nya ibou muhwi ei sirima leu binhyepo sok kep yok ser nhyema icut bisar ei mpia di ditug ndei ninghuisi wei eisi dini bi.’

LUKAS 24:47

Leu api suar tungwatu nya itri tut nittin ser sisar kin nikiek ndam Allahti kin nihyet tut nikos ser sisarti tug hon Nibou Ndig di teu tungwatu nya biyai niyaijo nijep biyok ninyeng bak tungwatu dihyeisi dini hagom lo, ikinyon eisi ei minu ndig Yerusalem bibie ug e.

YOHANES 20:31

Noro hi pas kep mindur dini yok hagom leu binhyepo jingon jo kep bipia Yesus ne Nibou Ndig di teu tungwatu nya biyai niyaijo nijep biyok cem Allah Nipmot cem ri. Tug hon nisinati dima jiyai niyaijo nijep tug hon jide niba ningon com Noti.

YOHANES 3:36

No di ba ningon com Allah Nipmot yai niyaijo nijep di jo kikau ei ningonti tu. No di ba ningon com Allah Nipmot bi yai niyaijo nijep bi. Noro noni tug ndei hukum leu Allah bijo ninno bijo kikau.”

KISAH 10:43

Nabi nya yahagom ipui sut Noni nipou su. Ba, itri tut ‘Bikwop tungwatu tou rino ningon jo kep Yesus lene Allah mikos ser nide sisar tug hon Yesus de nisindemti.’ ”

KISAH 11:18

Tirigi mben Yahudi pima yok imiap Petrus nihyet lene itte tut noni bu bi. Lene inggei sut Allah bipai biyam “Gi nok ne Allah bon nituti mem ngkiai nya ittin ser ide sisar bikiek ndam Allah bigyai niyaijo nijep cem.”

KISAH 16:31

Paulus kin Silas ibuhup “Ma angon jo kep Tuhan Yesus leu api Noni miteu na leu sisar biyai niyaijo nijep bina kin ade ig bei nsi nya cem jahagom.”

KISAH 17:30

Allah ba niyai ngat nijam ndi po tungwatu nya ingon mbum pima. Noro tini bu ne Noni cuk tungwatu nya ‘Ma yahagom ittin ser ide sisar bikiek ndam Allah hak.’

KISAH 19:17

Mben Yahudi kin ngkiai nya yahagom di ibong ei minu ndig Efesus imiap yo dima inghapti lene idigit tut. Mun di pek kep dima bindei ba, tungwatu nya inggei sut tuhan Yesus nindig bibor.

KISAH 2:38

Petrus buhup “Ma jittin ser jide sisar bijikiek ndam Allah bibikwop tungwagom-gom leu ba, jiyai nitur je ei minyeiti tug hon Yesus Kristus ninyeng apino Allah mikos ser jide sisar. Gima ngwig leu leu api Allah miyai Nonti Ninnei bije.

KISAH 2:40

Nok gima lene Petrus mbot kep tut biyok leu api huk nihyet kikau bisok kep yok “Ma jibrim jingkek leu binhyepo jingwes ngun leu hukum dino Allah mikes ei yo di isibut dini yok dip.”

KISAH 20:23

Noro dikan tut bipia tirigi diya bidem minu ndig nya ne Allah Ninnei sok kep da ngkiem bipia midisima ei ig bui nsi ba, ninghuisi wei micut igkep da cem.

KISAH 20:24

Noro dinyohou diyaisi bi lewo diyaisi bon ninyeng mem da bi. Noro diyai kep midyai di Tuhan Yesus ba ningon com da tut nya biput lene gima bon ninyeng mem da gino diba dingon gom bitri tut Nihyet Di Kei tut Allah di singat tut nye kikau ug bipek diyaijo ningwig honti.

KISAH 24:24

Njap poi ser lene Feliks kwei sut nitnem Drusilla lo, noni ne sop Yahudi ri. Lene Feliks sok nihyet bak Paulus bipia kwei ngat yok. Tirigi Paulus tri tut nihyet tut niba ningon com Kristus Yesusti lene Feliks ngig nitingou mem noni.

KISAH 26:18

leu binhyepo apiga igyai ba, acen yok leu nidinditi ug ei nipigati. Leu binhyepo Bilis ninyeng tak kep yok bu bi noro Allah ninyeng tak kep yok. Allah mikos ser ide sisar tug hon ide niba ningon com Dati apino inggre kin Allah de limwa di Noni dimig ei su nya.’ ”

KISAH 26:20

Ditri tut nihyet bak tungwatu nya bipia suar ittin ser ide sisar lene iba ingon com Allah ba, iba igyai munti nya cem bindo brei bipia ittin ser ide sisar. Ditri tut nihyet dini ei minu ndig Damsyik nipou leu api ei minu ndig Yerusalem lene bidem hanjop Yudea cem ba, kikau ug bipek ngkiai nya.

KISAH 28:23

Gima rino Paulus kin yoni ipreu ei mem yam tut njap gom dima imbus yam ei. Tirigi tto bou dima dem lene imang bibor induk yam kwei ei nide ig bei. Ba, noni nyohou tri tut nihyet biyok bimbot kep tut Allah Ninyeng Tak Kepti biyok mem mpia nipriti kikau ug bipek mpia nicutti kep. Noni ba ayat di kus leu Puig Yahudi nicukti nya kin Nabi nya ide srat nya cem bipingok yok lene biyai ba, yoni ingon jo kep Yesus.

KISAH 3:19

Gima rino disut bat jen, ma jittin ser jide sisar bijikwei hanyen ndam Allah leu binhyepo Noni ciu ser jide sisar.

KISAH 8:25

Niabiati Petrus kin Yohanes itri tut Yesus di ingat bou igyai him bitri tut Allah nihyet mbigom kin bu leu lene ingkwei hanyen ug ei minu ndig Yerusalem. Yoni imbut bitri tut Nihyet Di Kei kak puig sinon ug ei hanjop mang bibor sindam ei minu Samaria.

ROMA 1:14

Lewo dibon ningwam bak tungwatu nya yahagom. Bak yo di isingat nya kin yo di isingat bi nya cem. Bak yo di ingon ki nya kin yo di ingon tindur nya cem yahagom.

ROMA 1:16

Diba dingon com Nihyet Di Kei nindig bibor lewo Allah ndo Nide nisindemti tug hon Nihyet Di Kei di bindei yo di iba ingon com Noni igyai niteu leu sisarti kin niyaijo nijepti. Gini mem mben Yahudi nipou leu api mem ngkiai nya cem.

ROMA 10:9

Leu gino aba ahui bisimbot dat “Yesus ne Tuhan ri” leu api aba angon com bipia Allah win Yesus hanyen leu nimai eisi tu apino ayai niteu leu sisarti kin niyaijo nijep.

ROMA 2:4

He ma jingkek ndok tut Allah ningon nggriu sut jeti kin noom ningon tut jeti kin gima Noni bet ningon mem je cem e? Ma jiyok ngon kep bipia Allah ningon nggriu sut je leu binhyepo bindei ba, jitin ser jide sisar bijikiek ndam Noni.

ROMA 4:24

noro mem nyeni cem. Lewo Allah joi sut nye di ipwoi Allah ningon lewo iba ingon com No di kon ide Tuhan Yesus hanyen leu nimai eisi tu.

ROMA 5:1

Nogindini nyeni ingon kwes kin Allah hanyen tug hon ide niba ningon com Noti. Gima bindei ba, igyai ingon di jo nyahan ei Allah Noho bei tug hon ide Tuhan Yesus Kristus.

KORINTUS GI NIGOM 1:22

Mben Yahudi ijoi sut ingat mindur lene mben Yunani yuhuk bram ningon kiti di ntun dihyeisi dini him.

KORINTUS GI NICAN 7:10

Lewo ningon buhunti di bit leu Allah ningon kanti bie tut nye ug ei ningon nggekti ba, ningon nggekti buwak nye ug ei nittin ser sisarti kin niyai niyaijo nijepti di kwei leu Allah ba, tungwatu nya inso tut gima bi. Noro ningon buhunti di ntun tungwatu dihyeisi dini ingon kanti him bie ndam nimai.

GALATIA 2:16

ikan tut bipia tungwatu nya igyai ingon di kwes kin Allah tug hon gi ibit Puig Yahudi niggai serti bi noro tug hon ide niba ningon com Kristusti he. Gima rino nyeni cem ingon jo kep Yesus Kristus leu binhyepo ibiyai ingon di kwes kin Allah tug hon ide niba ningon com Noniti lene tug hon nibit Puig Yahudi niggai serti nya bi. Lewo bit bon hi yai ningon kwes kin Allah tug hon gi bit Puig Yahudi niggai serti kan bi.

GALATIA 2:20

diyaijo bu bi. Noro Kristus niyaijo ei dingonti. Nogindini diyaijo tug hon ditde niba ningon com Allah Nipmot di ningon ngakei da bikes niyaisi ei biya luei da.

GALATIA 3:22

Noro bit leu nok gi ipas ei Allah nihyetti bipia tungwatu dihyeisi dini hagom ide sisar om kep yok. Gima rino yo di ingon jo kep Allah iba yo kep mun di Noni preu ei mem yok tug hon ide niba ningon com Yesus Kristusti.

EFESUS 1:15

Gima rino tirigi dimiap tut jide niba ningon com Tuhan Yesusti kin jide ningon ngakei Allah de limwa nyati

KOLOSE 2:5

Mbro nok gino dingat rin ei minu ting leu je lo, dinnei ningat rin ei jikieti. Dikan tut bipia jinok gom ba, jiba ningon di nddong bicom Kristus lene gini biyai dingon llei bibor.

FILEMON 1:5

Lewo dimiap anghapti di tibim tut ade ningon ngakei Allah de limwa nya yahagomti lene aba angon com Tuhan Yesus.

YOHANES GI NIGOM 5:1

No di ningon jo kep bipia Yesus ne Nibou Ndig di teu tungwatu nya biyai niyaijo nijep biyok rin ne no dima Allah nimunggwom ri. No di ningon ngakei nicig ningon ngakei nicig nimunggwom bat nindigsi nya cem sindam.

YOHANES GI NIGOM 5:5

Tou ribindei cut mun di ntun dihyeisi dini him i? No di ningon jo kep bipia Yesus ne Allah Nipmot rin a.