KISAH 20:1 - ALLAH NIHYET MEM TUNGWATU NYA

¹ Niabiati mpia mbum-bra ei minu ndig Efesus hanyen tu lene Paulus nduk yo di ingon jo kep nya kwei biwin kep ingonti. Njap poi bu lene noni pigo yok bikes yok leu api mbut buug ei hanjop Makedonia.

KISAH 20:1 ပူးပေါင်းရင်းမြစ်များ

KORINTUS GI NICAN 7:5

Tirigi nuug krau Makedonia pima ne bit bon nibong kep ninghuisi kan bi. Mun di buhun ngwig kep nye. Nimpung yo di hiter iliriem nye ba, nikrau ningon tut je.

KISAH 19:21

Gima ngwig leu lene Paulus kos tut bipia mbut ug ei hanjop Makedonia kin Akhaya mbigom kin bu leu api ngkwei hanyen ug ei minu ndig Yerusalem. Noni yongon kep “Niabiati singkwei hanyen ei minu ndig Yerusalem leu lene suug ngat minu ndig Roma cem.”

TIMOTIUS GI NIGOM 1:3

Akan kep bipia tirigi dijo leu minu ndig Efesus ba, duug ei hanjop Makedonia lene dicuk nani leu binhyema akes minu ndig Efesus hak ba, ambut leu au. Leu binhyepo asok kep ibou poi ei mpia dima ngkiem ser nhyema iba nihyet nitrowai bingginau tungwatu nya bu au.

TESALONIKA GI NIGOM 5:26

Ma jiba ningon di ce yam bi bipigo yo di ingon jo kep nya yahagom.

KORINTUS GI NIGOM 16:20

Disut bat yo di Kresten ei minu dini yahagom ipigo je. Ma jipigo yam noyam kin yo di Kresten di ingon ce yam bi.

KORINTUS GI NIGOM 16:5

Midihwou ttau kep je sindam niabiati diya bidem hanjop Makedonia leu su lewo dikos tut mem diya bidem minu dima.

ROMA 16:16

Ma jipigo yam tereu nok yo di ingon ce yam bi nya. Kristus de mbusyamei nya hagom iba srat dini bipigo jeni.

KISAH 20:37

Yo dima yahagom igyai nggwei kibor ba, inggriou noni bindun ninda him cem drek dip ingon di ngguk bibor. Lene ipigo “Acem ambut o!”

KISAH 20:10

Noro Paulus juk bingat noni lene ba nibiau bicom mpia binggriou nimai bipai biyok “Dwai, no niyaijo yo.”

KISAH 16:9

Himmun di ingat rin ei Troas lene Paulus ngat-hi-ngat bingat lo, timiei hanjop Makedonia gom tau hak biya ei Paulus noho bei lene hara noni “Akwei ei Makedonia ba, ampu nye o!”

KISAH 11:26

Niabiati Barnabas um Saulus lene noni buwak noni bingkwei hanyen kwei ei minu ndig Antiokhia leu api ibong bit yo di inggre kin mbusyamei mem ari bingwam nitindur gom bingginau tungwatu imang bibor. Mpe dima cem tungwatu nya kindi ijem yo di ingon jo kep nya ei minu ndig Antiokhia inyeng Kresten.

NITRITI 48:10

Yakub ninghim koi bibor ba, niyai cem mmui su. Gima rino ngat igbit yok bi. Leu api Yusuf son nipmot bat cin bigya kui nicig leu api Yakub nggriou yok bimei yok.

KORINTUS GI NICAN 13:12

Ma jipigo yam noyam kin yo di Kresten di ingon ce yam bi nya. Allah de limwa nya yahagom ipigo je.

KISAH 16:12

Nijo leu minu ndig dima binimbut nimig ug ei minu ndig Filipi. Minu ndig dima ne bon ninyeng ei hanjop Makedonia lewo nibou ndig minu Roma ninyeng tak kep timiei minu ndig Filipi nya yahagom. Nibong ei minu ndig dima mem njap poi.

KISAH 20:2

Noni ya bidem minu dima hagom bipingok yo di ingon jo kep Yesus ingonti bibiwin kep ingonti cem. Lene noni kwei ei hanjop Akhaya.

KISAH 20:3

Paulus bong ei hanjop dima mem bed ningai. Tirigi noni tin ei bingkwei hanyen ug ei minu Siria lene hi mbot kep binoni bipia mben Yahudi igyok ingon gom mem gima ihwen noni. Gima rino noni kos tut bipia kriau ug ei hanjop Makedonia.

ROMA 15:19

drek dip bindo kin mindur di sindem bibor nya kin nisindemti di kwei leu Ninnei cem dibiyai midyai. Ditri tut Nihyet Di Kei tut Kristus bidem minu tirigi dijo leu minu ndig Yerusalem bidimbut kikau ug ei hanjop Ilirikum.