KISAH 2:47 - ALLAH NIHYET MEM TUNGWATU NYA

⁴⁷ Yoni inggei sut Allah ba, tungwatu nindigsi nya yahagom ijoi sut yok. Tuhan ba yo di sindi igyai niteu leu sisarti kin niyaijo nijep bikum ei yo di ingon jo kep nya imangti bikwop njap-njap.

KISAH 2:47 ပူးပေါင်းရင်းမြစ်များ

LUKAS 19:48

Noro bon nituti mem igyai nimai biNoni bi lewo tungwatu nya yahagom ingig itingou mem nihyet ba, ijoi sut ningginau yokti nya.

LUKAS 2:52

Yesus wer pinjoi ndig ba, ningon di ki bikum eisi bu. Allah kin tungwatu nya ijoi sut Noni cem.

KISAH 11:21

Tuhan sindem tut yok bibindei ba, tungwatu imang bibor ittin ser ide sisar ba, ingon jo kep Tuhan.

KISAH 11:24

Allah Ninnei sindem tut Barnabas biyai ningon di singat kin ningon di gom cem. Gima rino Barnabas bindei ba, tungwatu imang bibor itti kin Tuhan bibit nihyet.

KISAH 13:48

Tirigi ngkiai nya imiap nihyet dima rino ingon llei bibor binggei sut Tuhan nihyet. Ba, bikwop yo di Allah dimig yok ei mem igyai niyaijo nijep yahagom ingon jo kep Yesus.

KISAH 14:1

Mun pima yok hagom cut igkep Paulus kin Barnabas ei minu ndig Ikonium cem. Icoi ug ei mben Yahudi ide ig mbusyamei lene iba iji ngkiem bitri tut nihyet biyok apino mben Yahudi kin ngkiai nya imang bibor ingon jo kep Yesus.

KISAH 14:21

Paulus kin Barnabas itri tut Nihyet Di Kei ei minu ndig Derbe leu api tungwatu imang bibor ingon jo kep Yesus. Gima ngwig leu lene ingkwei hanyen ug ei minu ndig Listra kin Ikonium kin Antiokhia ei hanjop Pisidia.

KISAH 16:5

Gima rino yo di inggre kin mbusyamei igyai nisindemti apino ide ningon gomti bikum eisi bu. Ba, yo di sindi ingon jo kep Yesus imang bibor ibikum mbusyamei imangti bu bikwop njap-njap.

KISAH 17:12

Timiei minu ndig Berea imang bibor bitut sop nya kin pinai nya di mben Yunani di inyeng jei nya imang bibor cem yahagom ingon jo kep Yesus.

KISAH 2:39

Lewo Allah nipreu eisi dima mem jeni kin yo di intun jeni him kin yo di minu ting nya cem bibikwop tungwa tou rino Tuhan di nok nyeni ide Allah mihig ndam Nonti.”

KISAH 2:41

Tungwatu ningot ndig ingon jo kep Petrus nihyet leu api igyai nitur yok ei minyeiti. Yo dini imangti ibou sribu ningai ba, iba yo bikum yo di ingon jo kep nya ei njap gom ndia.

KISAH 4:21

Bit bon Nikei Puig Yahudi Nya ipai mun bibisu tindei mem gima igyai ninghuisi di wei bak yo cin kan bi. Gima rino ikon ighyet kep yok mbigom kin bu leu api ikes yok nyahan bimbut lewo tungwatu yahagom inggei sut Allah tut mindur di pek kep mem no dima.

KISAH 4:33

Yo di igya kui Yesus igyai nisindemti nindig bibor mem gima itri tut Tuhan Yesus nikiju hanyenti di yoni ingat bou igyai him. Gima rino Allah singat tut yok nindig bibor.

KISAH 4:4

Noro tungwatu ningot ndig di imiap nihyet di yo di igya kui Yesus ingginau yok tut dima imang bibor ingon jo kep. Apino yo di ingon jo kep nya ibikum eisi bu ba, imangti ibou sribu muhwi.

KISAH 6:1

Jei bi lene yo di ibit Yesus imangti bikum eisi ba, ningot ndig bu. Noro mben Yahudi di imbrap nihyet Yunani ingon dindi tut timiei mben Yahudi nya. Gi hi di imbrap nihyet Yunani ilua sok bipia ide kibom nya ima mun di bahati tut yok bikwop njap-njap sur yam kin kibom nindigsi nya bi.

KISAH 6:7

Tug hon nisinati dima lene Allah Nihyet kieng kep minu dima hagom. Yo di ibit Yesus imang ndig hi kin yok bu ei minu ndig Yerusalem ba, imam nya cem imang bibor iba ingon com Yesus.

KISAH 9:31

Hon kep njap dima kui lene yo di inggre kin mbusyamei ei hanjop Yudea kin Galilea kin minu Samaria nya yahagom ibong kei igwam kei. Yoni igyai nisindemti hi kin bu ba, imangti ningot ndig bikum yok bu tug hon nisindemti leu Allah Ninnei. Ba, gima hagom tug hon ide niba ningon gom bikuk yok bak Tuhanti.

KISAH 9:35

Timiei minu ndig Lida kin Saron yahagom ingat Eneas di mbut-mbut nyen bou igyai him leu api ingon jo kep Tuhan.

ROMA 14:18

No di yai midyai nok awak mem Kristus ba nisinati dima biyai Allah ningon llei bibor ba, tungwatu nya cem ijoi sut noni.

ROMA 8:30

Lene Allah hig yo di Noni dimig ei su nya biyai ingon di kwes kin Noni leu api bindei ba, yo di ingon kwes kin Noni ipriet kin Nide nikei-kau-keisi.

ROMA 9:27

Lene Nabi Yesaya simbot dat tut mben Israel bipai “Mbro nok gino mben Israel imangti dem kep iggum ei muk nipimat lo, ibou poi he migyai niteu leu sisarti kin niyaijo nijep.

KORINTUS GI NIGOM 1:18

Mem yo di yuug dor nikineisi ne nihyet tut Kristus nimai ei biei salibti dem kep nok nihyet minyei he. Noro mem nye di igyai niteu leu sisarti kin niyaijo nijep ne nihyet dima dem kep nok Allah de nisinati mem gima ndo Nide nisindemti ri.