KISAH 2:45 - ALLAH NIHYET MEM TUNGWATU NYA

⁴⁵ Yo di inyeng tut dihyei hanjop nsi nya kin ndigban itri kep mun dima yok bibipek mitiei leu api ikwas mitiei dima tut yo di ingon jo kep di ihwap mbum nya.

KISAH 2:45 ပူးပေါင်းရင်းမြစ်များ

MAZMUR 112:9

Noni kwas mun di nyeng tut nya tut hiter bikwas mun tut yo di yuhui mbum cem ba, niyai munti nya hagom kei kikau. Gima rino ninyeng jei ba, tungwatu nya ikon ninyeng cem.

NIPINGOK NINGONTI 19:17

Gino angondut nuhui mbum nya ba, ampu yok lene gima nok ade ningwam di jo bak tuhan. Noni mirop ningwam dima hanyen bina.

MATIUS 19:21

Yesus pai binoni “Gino ajoi sut abindei ba, akei-kau lene ma aug tri ade ndigban hagom ba, abipek mitiei leu api akwas hagom tut yo di yuhui mbum nya. Ayai nok gima lene abikum ei mun di keiti mem nanti ei gwamti. Ayai gima bingwig leu api akwei bit Da.”

LUKAS 16:9

Lene Yesus binut nihyet bipai “Jimiap e? Suar jiba mun di pror yon bibrim tungwatu nya ba, ihig isut bit je leu binhyepo tirigi ndigban dihyeisi dini bon ninyeng bu bi lene Allah micigit je kui ig di jo ninno bijo kikau.

LUKAS 18:22

Tirigi Yesus miap nibuhupti nok rino pai binoni “Atunggwei sut mun nyeng gom ngat he. Ma aug tri ade ndigban hagom ba, abipek mitiei lene ma akwas hagom tut yo di yuhui mbum nya apino abikum ei mun di keiti mem nanti ei gwamti. Leu api akwei bit Da.”

LUKAS 19:8

Yuug krau ig tu lene Zakheus kiju biya lene pai bak Yesus “Tuhan e, dikos tut bipia dikwas ditde ndigban nite hi tut yo di yuhui mbum nya. Gino diris mitiei leu tungwa hi tu lene midingkwei hanyen bak mbitai bram yam!”

KISAH 11:29

Gima rino yo di ibit Yesus ice tut yam hyet bikwas mitiei tut isut bat yo di ingon jo kep nya ei hanjop Yudea. Bikwop tungwagom-gom kwas mitiei bit leu nimati nya.

KISAH 4:34

Hi di srig yo di ingon jo kep nya ikieti nuhwap mbum bi. Lewo yo di inyeng tut dihyei hanjop nsi kin ig nya itri mun dima yok bibipek mitiei leu api ipwoi mitiei dima kwei,

KISAH 4:35

bigyai bak yo di igya kui Yesus leu api yoni ikwas mitiei dima tut yo di ihwap mbum nya.

KORINTUS GI NICAN 9:1

Ningat ne suar dibinut ei srat di dipas kep bije tut munkwas di mbusyamei nya ikwas tut Allah de limwa nya ei hanjop Yudea bi.

KORINTUS GI NICAN 9:9

Bit leu nok ipas ei Allah nihyetti, “Allah njei munkwas bak nuhui mbum nya ba, nisingat tut tungwatu nyati jo ninno bijo kikau.”

YOHANES GI NIGOM 3:17

Gino no di nyeng tut ndigban ngat nisut di nuhwap mbum bingondut noni bi ne bit bon noni kon nihyet tut nonti bipai bipia Allah ningon ngakei yamti jo ei ningonti kan bi.