KISAH 2:4 - ALLAH NIHYET MEM TUNGWATU NYA

⁴ Allah Ninnei srek kwei ei yahagom ingonti leu api kindi imbrap ngkiai nya ighyet sindam bit leu nok Allah Ninnei sindem tut yokti.

KISAH 2:4 ပူးပေါင်းရင်းမြစ်များ

SAMUEL GI NICAN 23:2

tuhan Ninnei tri tut nihyet tug hon dani ba, nicuk tungwatu nyati tibim ei duhui him.

YESAYA 28:11

Gino jikou sut dihyet lene tuhan mipinak ngkiai nya kwei leu api yoni miba ighyet ngkiai bingginau je bu.

YESAYA 59:21

Dibon nipreu ei mem jeti nok gini. Diyai Ditde nisindemti kin dingginausi bije bijo ninno bijo kikau. Njap di ammani kui ne ma jiba dihyet bingginau jimunggwom bat nya leu binhyepo ibingginau imunggwom bat nya leu nintun him yamti di bram yam ug ei nintun him yamti di bram yam gi bram bu bijo ninno bijo kikau.”

YEREMIA 6:11

tuhan e, Ade nigga yokti dima tit hum ei dingonti. Nggruk mem gima doom dingonti tut a.” Leu api tuhan pai bida “Asiber ningon sibuisi dima ug ei munggwom di ingat rin ei puig ndigsi nya kin pilei di idem yam ei gom nya dip. Siceu nya mikat pinai nya kin sop nya ug ei ingkiaisi. Yo di ide njap ug ninno tu cem mingwes ngun leu bi.

YEHEZKIEL 3:11

Leu api ma aug ngat asut bat mben Israel di ibong ei ingkiaisi ba, atri tut mun di Da di tuhan Di Dinyeng Jei Bibor disok ei na dip hagom biyok. Mpaba ingig itingou mem ahyet e, he bi e, dikan tut bi.”

MIKHA 3:8

Noro tut danti ne tuhan kes ninnei kin Nide nisindemti ei dingonti bipingok dingonti tut nisren-srausi. Noni bindei ba, mimbri kui dingkek leu binhyepo dindo mben Israel igyai munti di mbuk bibor brei biyok.

MATIUS 10:19

Gino jiya ei nikei nya yoho bei lene ma jingon ku jenti tut mun di jibirop hanyen biyok au. Lewo mpe dima lene Allah mipingok jingonti tut mun di jibirop hanyen yo.

MARKUS 16:17

Mun di bindo bipia yo dima iba ingon com Da mungkun rino iba dinyeng bijji ninnei rom nya leu tungwatu nya ingonti ba, iba nihyet hiter di ingon dorti bi bimbrap.

LUKAS 1:15

Noni miyai ninyeng di jei ei Allah niyai him. Ma noni dut ba anggur ngei kin mun di pu tungwatu nya au. Ninnei Gi Kwes misrek kwei ei ningonti nipou tirigi nipmem srek tut bigyo.

LUKAS 1:41

Hammi tirigi Maria nihyet tibim ei Elisabet nitingou nsi rino munggwom di jo ei ninghopti kiek no nyen leu api Allah Ninnei srek kwei ei Elisabet ningonti,

LUKAS 1:67

Ninnei Gi Kwes yai nisindemti bak Zakharia di Yohanes nicig leu api noni tri tut Allah ningon kanti bipai,

LUKAS 12:12

Lewo Allah Ninnei mipingok ei jingonti tut mun dima jibirop hanyen biyok dem igbit nikwesti.”

LUKAS 21:15

Lewo dibindei ba, jiji cem nggan jingon cem ki leu api bit bon jide siceu nya yahagom ibigen ser jihyet kan bi.

LUKAS 4:1

Mpe dima lene Yesus ngkwei hanyen leu Minyei Yordan nyai ba, ningon mpung tut Ninnei Gi Kwes. Leu api Ninnei Gi Kwes bie tut Noni ug ei iggum ndigsi,

YOHANES 14:26

Noro Dicig micuk Ninnei Gi Kwes di nok No Di Mimpu je kwei tug hon dinyenga. Noni ngginau jingonti tut mun nyeng hagom lene bindei ba, jiyok ngon kep mun di dipai bije hagom.

YOHANES 20:22

Lene Noni hi Ninnei ei yo dip bipai biyok “Ma jiyai Ninnei Gi Kwes ei jingonti.

KISAH 1:5

Lewo Yohanes tur tungwatu nya ei minyeiti noro ei njap poi bu lene Allah mitur je ei Allah Ninneiti.”

KISAH 1:8

Noro tirigi Allah Ninnei srek kwei ei jeni dip lene Noni misindem tut je apino mijitri tut mun di jingat bou jiyai him tut Dani ei minu ndig Yerusalem kin hanjop Yudea kin Samaria hagom ba, kikau ug bipek minu nohon keti cem.”

KISAH 10:46

Lewo imiap ngkiai nya ighyet tirigi imbrap ngkiai nya ighyet binggei sut Allah de nisindemti cem. Lene Petrus pai,

KISAH 10:47

“Yo dini igyai Allah Ninnei dem kep gi po nyeni niyai Allah Ninnei nipou su. Tou rima bigen ser yok tut gima itur yok ei minyeiti i?”

KISAH 11:15

Petrus binut bu bipai “Tirigi sindi ditri tut nihyet biyok lene Allah Ninnei srek kros kwei bicoi ug ei yahagom ingonti dem kep tirigi Noni coi kwei ei nyeni ingonti habiei ei nimbie him pima.

KISAH 11:24

Allah Ninnei sindem tut Barnabas biyai ningon di singat kin ningon di gom cem. Gima rino Barnabas bindei ba, tungwatu imang bibor itti kin Tuhan bibit nihyet.

KISAH 13:52

Yo di sindi ingon jo kep Tuhan ei minu ndig Antiokhia ingon llei bibor ba, igyai nisindemti leu Allah Ninnei cem.

KISAH 13:9

Noro Saulus di ijem ninyeng hi Paulus pri niyai kep nung dima tug hon nisindemti leu Allah Ninnei,

KISAH 15:8

Ba, Allah di kan bidem tut mun di jo ei tungwatu ingon bei ndo brei binye bipia Noni singat tut ngkiai nya tirigi Noni bindei ba, Ninnei srek kwei ei yoni cem ingonti bit leu nok Noni srek kwei ei nyeni cem ingonti nipou su.

KISAH 19:6

Ba, mpe dino Paulus kes ninda ei yok dip lene Allah Ninnei sindem tut yok leu api imbrap ngkiai nya ighyet bitri tut Allah nihyet cem.

KISAH 2:11

Ibihi ne mben Yahudi lo, ibihi nok ngkiai nya di itti kin puig Yahudi ba, ibihi ikwei leu Mios Kreta kin minu Arab cem. Ba, bikwop nyeni yahagom imiap igbit nyenti ighyet di tibim tut Allah de mindur nya ei yo dima yuhui him.”

KISAH 2:3

Lene ingat mun di nok hum di srei nidwep pimo sror kwei biteu ei bikwob tungwagom-gom dip.

KISAH 4:31

Tirigi ingat nadi bingwig leu lene ig di imbus yam eisi ugwa-kwei. Allah Ninnei srek kwei ei yahagom dip bisindem tut yok apino ibrim ingkek tut Allah nihyet kep tungwatu nya.

KISAH 4:8

Petrus ba Allah Ninnei De nisindemti bibuhup “Je di nibou kintrorti kin je di Nikei Puig Yahudi Nya e,

KISAH 6:3

Gima rino nisut bat jen, gi kei mem jidimig ibou muhwindacan di isingat tut tungwatu nya ba, Allah Ninnei de nisindemti srek kwei ei ingonti bingon ki cem leu jikieti leu api nita yok mem igyai midyai dini.

KISAH 6:5

Yo di ibit Yesus yahagom ice tut yo di igya kui Yesus ingon kanti dima. Lene idimig Stefanus di ba ningon gom bicom Yesus bibor di Allah Ninnei de nisindemti srek kwei ei ningonti cem. Idimig Filipus kin Prokhorus kin Nikanor kin Timon kin Parmenas kin Nikolaus leu Antiokhia. Ba, Nikolaus ne ngkiai noro tti kin puig Yahudi.

KISAH 6:8

Allah singat tut Stefanus nindig bibor apino noni yai nisindemti mem gima bibon mindur kin bindo di mipbor ngat nya ei tungwatu ikieti.

KISAH 7:55

Noro Stefanus yai nisindemti leu Allah Ninnei bitou kep ginyo kug ndam gwamti bingat Allah nikei-kau-keisi kin Yesus di ya kui Allah ninda com.

KISAH 8:17

Gima rino Petrus kin Yohanes ikes inda ei timiei minu ndig Samaria dip bibindei ba, Allah Ninnei srek kwei ei ingonti.

KISAH 9:17

Gima rino Ananias kiju ba, ug ei ig bei dima leu api kes ninda ei Saulus dip bipai binoni “Dikindig na di Saulus e, Tuhan Yesus di ndo Nonti brei bina ei puig sinon pima cuk da kwei leu binhyepo ayai piga hanyen ba, ayai nisindemti leu Allah Ninnei.”

ROMA 15:13

Allah bindei ba, igyok ingon mem Noni. Handei kon ba, Noni yai jingon llei bibor kin jingon jo nyahan cem tug hon jide niba ningon com Noti leu binhyepo jiyok jingon mem Noni bibor bikum eisi bu tug hon nisindemti di kwei leu Allah Ninnei.

KORINTUS GI NIGOM 12:10

Allah Ninnei yai nisindemti hi bak tungwa hiter leu binhyepo tungwa hiter dima bibon mindur. Noni yai nisindemti hi bak tungwa hiter leu binhyepo tungwa hiter dima bitri tut Allah ningon kanti. Noni yai nisindemti hi bak tungwa hiter leu binhyepo tungwa hiter dima bimig mbus nisindemti nya di ntun Allah Ninnei him leu nisindemti di ntun Allah Ninnei him bi nya. Noni yai nisindemti hi bak tungwa hiter leu binhyepo tungwa hiter dima ba nihyet mindur nya bimbrap. Noni yai nisindemti hi bak tungwa hiter leu binhyepo tungwa hiter dima biluei nihyet mindur dima hanyen brei bak tungwatu nya.

KORINTUS GI NIGOM 13:1

Mbro nok gino diji nggan tut tungwatu ighyet kin imalaikati nya ighyet kan lo, dingon ngakei tungwatu nya bi lene nihyet di tibim ei duhui him dem kep nugwei di bong di ndo tut mun nyeng hi bi.

KORINTUS GI NIGOM 13:8

Nijam mem tungwatu nya ingon ngakei yam ug hon nohonti bi sren. Tut no di tri tut Allah nihyet mem nijam dini mporo jei bi ne noni kes hon bitri tut nihyet bu bi. Tut no di ba nihyet mindur bimbrap mem nijam dini mporo jei bi ne noni mikes hon ba, ba nihyet mindur bimbrap bu bi. Tut yo di ingon dor mun nyeng mang biborti mem nijam dini mporo jei bi ne ingon prion ser mun di ingon dorti tut.

KORINTUS GI NIGOM 14:18

Dipai sigyo bak Allah tut gino ditde niba nihyet mindur bimbrapti dor njiriek jahagom di jide niba nihyet mindur bimbrap nya.

KORINTUS GI NIGOM 14:5

Dijoi sut gima jahagom jiba nihyet mindur bimbrap. Noro dingon llei bibor tut gino jiyai nisindemti mem gima jitri tut Allah nihyet. Lewo no di tri tut Allah nihyet bon ninyeng dor njiriek no di ba nihyet mindur bimbrap. Gino hiter di ba nihyet mindur bimbrap luei nihyet mindur dima hanyen bijo nibreisi biyai nisindem bak yo di mbusyamei nya yahagom lene dem.

EFESUS 3:19

di bit bon tungwatu nya ingon dor niti tut tug hon ide ningon kiti kan bi. Handei kon ba, jiya um Allah ningon ngakei jeti ei jingonti leu binhyepo ningon mien paisi mpung bipias hagau ei jingon mienti.

EFESUS 5:18

Ma jisindui sut ba anggur ningei pu je au. Lewo gima bindei ba, jiyaijoti kinei bibor. Noro ma jiyai jingon di mpung tut Allah Ninnei nisindemti.

EFESUS 6:18

Ma jiyai mun dini yok hagom ba, jibingat nadi bak Allah leu binhyepo Noni mpu je. Ma jiba jiyai ngkiemti kin jingon cut leu bisi bingat nadi bidem nituti kin nikwesti hagom bit leu nok Allah Ninnei nibie tut jeti. Mpe dino jimut jiyai ne ma juhuk nadi mem jisut bat yo di Kresten yahagom.

PETRUS GI NIGOM 1:12

Allah mbot kep tut bak nabi dima yok bipia mun di itri tut dima mem yonti bi noro mem jeni. Mun di itri tut habiei dima tibim kwei leu yo di itri tut Nihyet Di Kei yuhui him. Ba, yo dini itri tut Nihyet Di Kei bije tug hon Allah Ninnei di Allah pinak kwei leu gwamti nisindemti. Gino malaikati nya ingon dorti tut mun di yo dima itri tut nipek kepti ne ingon llei bibor.

PETRUS GI NICAN 1:21

Lewo nihyet di nabi nya itri tut tibim kwei tug hon tungwatu nya ingon kanti bi sren. Noro Allah Ninnei bie tut yok tirigi itri tut nihyet di kwei leu Allah Nonti.

SAMUEL GI NIGOM 1:14

Gima rino pai bak Hana “Ba anggur ningei pu na ei mpia dini e? Akes hon leu binhyepo mun di pu na dima mipren hanyen!”

SAMUEL GI NIGOM 10:10

Mpe dino Saul kin awak dima yuug krau Gibea lene nabi nya nimpung gom yuum noni. Lene Allah Ninnei juk kros kwei ei ningonti ba, noni pri-pri nyen ba, mbos-hi-mbos bit yok.