KISAH 2:30 - ALLAH NIHYET MEM TUNGWATU NYA

³⁰ Allah preu ei mem noni tug hon neheng bipia Noni mikon tungwagom di ntun Daud him binok Nibou Ndig bu ba, No dima miya luei Daud nohoti. Daud kan tut Allah nipreu eisi lewo noni ne nabi rin cem,

KISAH 2:30 ပူးပေါင်းရင်းမြစ်များ

SAMUEL GI NICAN 23:2

tuhan Ninnei tri tut nihyet tug hon dani ba, nicuk tungwatu nyati tibim ei duhui him.

YESAYA 7:14

Nogindini tuhan Nonti mindo bindo di bitto mem je. Sop gwam nitta pilei gom di nghop tu misrek tut nipmot leu api jem ninyeng Imanuel.

YEREMIA 30:9

Mijikuk je bijinok awak mem jide tuhan Allah di Dani kin no di ntun Daud him di dita nok nibou ndig hanyen cem.

MIKHA 5:2

tuhan mikes Nide limwa nya ei siceu nya indati kikau bibou sop gom di Noni ndo ei nok no di ninyeng jei dima nipmem misrek tut noni ug e. Gima ngwig leu api nintun yam him nya di isima ei ingkiaisi mingkwei hanyen kwei binok gom kin ide bat nya ei itimieisi bu.

MATIUS 22:43

Yesus hig singgre yok “Gi nok lene nggon rino Allah Ninnei bie tut Daud dino jem Nibou Ndig di teu tungwatu nya biyai niyaijo nijep biyok dima ‘Tuhan’ i? Lewo Daud pai,

MATIUS 27:35

Ipek Noni ei biei salibti leu api iko bibinggok tut gima ikwas Nide sinsun tut yam.

MARKUS 12:36

Lewo Daud pai tug hon Ninnei Gi Kwes di bie tut noni, ‘Allah pai bak ditde Tuhan bipia ma agwam kui dinda com bibou doom Ade siceu nya ei amig him ug e.’

LUKAS 24:44

Yem njita tu lene Noni pai biyok “Mun po dipai bije nipou tirigi dingat rin bit je pima suar dem igbit. Gima ne mun di ipas ei Puig Yahudi nicukti nya kin nabi nya ide srat nyati kin srat Mazmurti tut Da hagom suar dem igbit.”

KISAH 1:16

“Disut bat jen, suar mun di Allah Ninnei pai tug hon Daud nuhui him ei Allah nihyet bokti tut Yudas di bie tut yo di ikat Yesus pima hagom cut igkep noni hak ug.

ROMA 1:3

Nihyet Di Kei dima pui sut Allah Nipmot bipia Noni ne ide Tuhan Yesus Kristus ri. Tut Yesus ningut ne Nide pung kim Daud,

ROMA 15:12

Nabi Yesaya pai, “Tungwagom di ntun Isai him mittau kwei ba, ninyeng tak kep ngkiai nya bibindei ba, inok Nide limwa nya leu api igyok ingon mem Noni.”

2 TIMOTIUS GI NICAN 2:8

Ma ayok ngon kep bipia Nihyet Di Kei di ditri tut dima tut Yesus Kristus di ntun Daud him. Noni ne Kristus di kiju hanyen leu nimai eisi ri.

IBRANI 1:1

Nipou yo ne Allah ba nisinati di ter leu yam bitri tut ningon kanti bak idigup-idigai bat nya mbirimang bibor tug hon nabi nya.

IBRANI 3:7

Gima rino Allah Ninnei sok kep nye “Gino jimiap Allah nihyet ei nituti dini,

IBRANI 4:7

Lewo Allah bon nituti di ijem “Njap di Ammani.” Ari bingwam mang bibor niabiati yo dima icoi ug ei mpia dima bi ne Noni tri tut “Njap di Ammani” tug hon Daud di pas kep ayat pima ei Allah nihyetti “Gino jimiap Allah nihyet mem Njap di Ammani ne ma jingkek ndok tut au.”

IBRANI 6:17

Allah joi sut bipia yo di Noni preu ei mem yok nya ikan tut bipia Noni miluei ningonti tut nipreu eisi dima hanyen bi. Gima rino Noni ba neheng bipreu ei mem yok.

IBRANI 7:21

Noro Yesus ba neheng biyai ninyeng imam tirigi Allah pai biNoni “Tuhan ba neheng bipreu ei ba, miluei ningonti tut bi drek dip nipaisi dini ‘Nani ne imam kikau buug hon nohonti bi.’ ”

PETRUS GI NICAN 1:21

Lewo nihyet di nabi nya itri tut tibim kwei tug hon tungwatu nya ingon kanti bi sren. Noro Allah Ninnei bie tut yok tirigi itri tut nihyet di kwei leu Allah Nonti.

NINGAT-HI-NGAT NYA 17:14

Nibou dini yok mikon pran bit Domba Pmot noro Domba Pmot kin Nide limwa di Noni hig yok ba, dimig yok di ingon gom tut Noni mibindei cut nibou ndig dima yok. Lewo Domba Pmot ne Tuhan di ninyeng tak kep yo di inyeng jei nya kin Nibou Ndig di ninyeng tak kep nibou ndig nya yahagom ri.”

NINGAT-HI-NGAT NYA 19:16

Ninyeng di jo ei Nide sinsunti kin nindimihumti rinok gini “Nibou Ndig di ninyeng tak kep yo di inyeng jei nya yahagom kin Tuhan di ninyeng tak kep nibou mien nya yahagom.”