KISAH 2:24 - ALLAH NIHYET MEM TUNGWATU NYA

²⁴ Noro Allah win Noni hanyen leu yo di imai su nya ikieti bikwek Noni leu nimai di ninyeng tak kep Noni lewo bit bon nimai kat Noni kikau kan bi.

KISAH 2:24 ပူးပေါင်းရင်းမြစ်များ

MAZMUR 116:16

tuhan e, dinok Ade awak bidipwoi angon bit leu nok dipmem cem pwoi angona. Akwek da leu nimai tu.

YESAYA 10:7

Noro nibou ndig Asyur tin ei ningon kanti binonti ba, joi sut ba nisibut biborti bibindei sar mben imang bibor,

YESAYA 25:8

tuhan Di Ninyeng Jei Bibor mibindei sar nimai bijo ninno bijo kikau! Noni midip tungwatu yahagom igyai nggwei leu iimaisi bibindei ba, Nide limwa immai sut yonti bidem dihyei nisurti-nipekti bu bi. tuhan simbot dat tu ba, mun di pai dima mipek kep ri.

YESAYA 26:19

Ade limwa di imai su nya migyai niyaijo hanyen ba, ingut di mai su nya mikiju hanyen. Yo di nitig yok tu nya mikiju hanyen bimbos-hi-mbos. Awin Ade limwa di imai mimbrek ngan tu nya ba, ayai niyaijo hanyen biyok noyam kin nggou di kwek dihyei ninghuisi.

YESAYA 53:10

tuhan pai ditde awak yai ninghuisi wei bit leu dingon kanti leu binhyepo nimaisi midem kep nok midut nibikos ser sisarti. Gima rino noni mingat nide nintun him yamti di bram yam nya bou niyai him lewo nide njap jei bibor. tuhan ningon kanti mipek kep tug hon noni.

HOSEA 13:14

Miditeu yo dini bingwes ngun leu gumihyep nimai nide nisindemti bi. We Nimai e, nna ba ade nsuwer ajar ham nye hak ug! We Nimai e, nna ba ade nisindemti bindei cut nye hak ug! Midingondut yo dini bu bi.

MATIUS 27:63

bipai binoni “Andigpoi e, nikan kep bipia tirigi niris mun cig pima niyaisi jo yo ne pai bak tungwatu nya ‘Njap ningai bu ne mporo dikiju hanyen leu dimai eisi.’

YOHANES 10:18

Bit bon tungwa hi pos Dinnei leu Da bi. Dikes Dinnei ei bit leu Danti dingon kanti. Disindem mem gima dikes Dinnei ei ba, disindem mem gima diyai Dinnei hanyen cem. Dicig cuk Da leu binhyepo diyai midyai nok gima.”

YOHANES 10:35

Ikan tut bipia nibokti di ipas ei Allah Nihyetti ne nijit di ug hon nohonti bi sren ri. Allah pai sut yo di ibit Nonti nihyet bipia yoni ne awak di Noni pai tes nya ri.

YOHANES 12:39

Gima rino bit bon ingon jo kep Yesus bi lewo Yesaya tri tut, “Allah pai,

YOHANES 20:9

Lewo hon kep mpe dima bijug yo di igya kui Yesus ingon kiowi tut nipas kepti ei Allah nihyet bokti tut Yesus nikiju hanyen leu nimai eisi.)

KISAH 1:16

“Disut bat jen, suar mun di Allah Ninnei pai tug hon Daud nuhui him ei Allah nihyet bokti tut Yudas di bie tut yo di ikat Yesus pima hagom cut igkep noni hak ug.

KISAH 13:30

Noro Allah win Yesus hanyen leu nimai eisi.

KISAH 13:37

Noro Yesus di Allah win leu nimai eisi ningut kroi ei bi.

KISAH 17:31

Lewo Noni kos tut bitto bou dima Noni ba ningon di sren-srau bibirop hanyen bak tungwatu dihyeisi dini yahagom tug hon tungwagom di Noni dimig ei dima. Noni ndo bindo bak tungwatu yahagom tirigi Noni win no dima leu nimai eisi.”

KISAH 2:32

Nahagom ningat bou niyai him bipia Allah win Yesus gom ndia hanyen leu nimai nya ikieti,

KISAH 3:15

Jibindei ba, No di nok nibousi mem niyaijo nijep dima yai nimai. Noro Allah kon Noni hanyen leu nimai eisi. Ningat nikiju hanyenti bou nyeni niyai him tu.

KISAH 3:26

Gima rino Allah dimig Nide Awak bipinak Noni ndam je nipou bibie leu binhyepo Noni yai gi kei bije tug hon gi Noni bindei ba, jittin ser jiyai munti di sibut nya.”

KISAH 4:10

Suar je di nibou nya jahagom kin mben Israel yahagom jiyok ngon kep bipia nogindini no di nimig lit ya bibie joho bei bikei hanyen tug hon Yesus leu minu ndig Nazaret De nisindemti. Apo jipek Yesus kin biei salib noro Allah win Noni hanyen leu nimai eisi tu.

KISAH 5:30

Lewo ide pung di intun him nya ide Allah win Yesus di jiba paku bipek kin biei salib hanyen leu nimai eisi tu.

ROMA 10:9

Leu gino aba ahui bisimbot dat “Yesus ne Tuhan ri” leu api aba angon com bipia Allah win Yesus hanyen leu nimai eisi tu apino ayai niteu leu sisarti kin niyaijo nijep.

ROMA 14:9

Lewo Kristus mai leu api kiju hanyen leu nimai eisi ba, niyaijo hanyen bu leu binhyepo yo di igyaijo nya kin yo di imai su nya ipai bipia Noni ne ide Tuhan ri.

ROMA 4:24

noro mem nyeni cem. Lewo Allah joi sut nye di ipwoi Allah ningon lewo iba ingon com No di kon ide Tuhan Yesus hanyen leu nimai eisi tu.

ROMA 6:4

Ibicom yam bit Nide nimai eisi ba, itig nyeni bimai bit Noni tug hon nitur nyeti dima leu binhyepo ikiju hanyen bibrim ingkek mem niyaijo nijep noyam kin Kristus di kiju leu nimai eisi tug hon Nicig De nisindemti di kei-kau-kei.

ROMA 8:11

Gino Allah Ninnei di kon Yesus hanyen leu nimai eisi ningat rin ei jingonti ne Allah gom ngat dima mikon jingut di mipror yon hanyen tug hon Allah Ninnei di ningat rin ei jingonti.

ROMA 8:34

Gima rino tou rima pai sut nyeni bipia ingon mui i? Hi bi! Lewo Kristus mbrap gau nyeni ei Allah Noho bei! Noni ripo mai ei biei salibti he bi noro kiju hanyen leu nimai eisi biya kui Allah ninda com.

KORINTUS GI NIGOM 15:12

Gino nitri tut bipia Allah win Kristus hanyen leu nimai eisi tu lene nggon rino jibou poi jisimbot dat bipia Allah win yo di imai nya hanyen leu imai eisi bi i?

KORINTUS GI NIGOM 15:15

Gima he bi lewo ningat ne niris mun ei Allah dip lewo nitri tut bipia Allah win Kristus hanyen leu nimai eisi tu. Noro gino Noni win Kristus hanyen leu nimai eisi bi lene Noni miwin nimai nya cem hanyen leu imai eisi bi!

KORINTUS GI NIGOM 15:20

Noro ningat ne Allah win Kristus hanyen leu nimai eisi tu ba, Noni ngot nikiju hanyen leu nimai eisi nimig mem yo di imai su nya.

KORINTUS GI NIGOM 15:4

itig ningut leu api Allah win Noni hanyen leu nimai eisi mem njap gi niningai bit leu nok gi ipas ei Allah nihyetti.

KORINTUS GI NIGOM 6:14

Allah win Tuhan Yesus hanyen leu nimai eisi tu. Ba, Noni miwin nyeni cem hanyen leu imai eisi tug hon Nide nisindemti.

KORINTUS GI NICAN 4:14

Ningon ngkiem tut bipia Allah di win Yesus hanyen leu nimai eisi miwin nyeni cem hanyen noyam kin Yesus leu api mibuwak nyeni bitut jeni cem yahagom ug ei Yesus Noho bei.

GALATIA 1:1

Srat dini leu da di Paulus. Diyai dinyeng no di ya kui Yesus tug hon gino tungwatu nya igya hacan mem da bita da nok no di ya kui Yesus bi. Noro tug hon Yesus Kristus kin Nicig Allah di win Noni hanyen leu nimai eisi.

EFESUS 1:20

di biwin Kristus hanyen leu nimai eisi leu api kes Noni bigwam kui Allah ninda com ei gwamti.

KOLOSE 2:12

Lewo mpe di itur je ei minyeti lene jibicom yam bit Kristus tereu nok nitig je ei jui nsi bit Kristusti leu api jiba nitur je dima biyai nikiju hanyen leu nimai eisi bit Kristus lewo jiba jingon com Allah di ba Nide nisindemti biwin Kristus hanyen leu nimai eisi.

TESALONIKA GI NIGOM 1:10

jimem kep ser Nipmot nikwei hanyenti leu gwamti. Lewo Allah win Nipmot Yesus hanyen leu nimai eisi tu ba, Noni miteu nye leu hukum di mikwei drek dip Allah nigga biborti.

IBRANI 13:20

Allah ne nibousi mem ningon jo nyahanti rin ba, Noni win Yesus hanyen leu nimai eisi bikon Noni nok Gembala Di Kei Bibor mem Nide domba nya tug hon ninggrom di tak buk kep Nide nipreu eisi habiei ei nimbie him bijo kikau buug hon nohonti bi.

IBRANI 2:14

Yo di Noni simbot dat bipia munggwom nya ne tungwatu di itug ndei nimai rin. Gima rino Yesus luei nitta binok tungwatu bibon Nonti nok timiei dihyeisi dini. Noni yai nok gima leu binhyepo ba nimaisi binggek tut Bilis di ninyeng tak kep minu nimai nya ide.

PETRUS GI NIGOM 1:21

Noni ribindei dino jiba jingon com Allah di win Noni hanyen leu nimai eisi biyai nikei-kau-keisi biNoni. Gima rino jiba jingon com Allah bijiyok jingon mem mun di Noni preu ei mem je.

NINGAT-HI-NGAT NYA 1:18

kin No di niyaijo ri. Nipou ne dimai su noro angat i! Nogindini diyaijo kikau buug hon nohonti bi. Dinyeng tak kep yo di imai su kin minu nimai nya ide.