KISAH 2:2 - ALLAH NIHYET MEM TUNGWATU NYA

² Idrui sut lo, imiap nibimbi gom nok sigau di tibim kros kwei leu mpia-bbed him bimpung ei ig bei di yahagom idem yam eisi.

KISAH 2:2 ပူးပေါင်းရင်းမြစ်များ

NIBOU NDIG NYA GI NIGOM 19:11

Lene tuhan buhup “Ma ahei ug ei nisai ba, aya ei Doho bei ei mbigdip dini.” Lene tuhan mbut njiriek mpia dima leu api pinak hou di nimig ten bibor di bindei ba, nungug nya sra hacan ba, bor ngug nya ki binnir-wap bibie. Noro tuhan ndo Nonti tug hon hou dima bi. Tirigi hou kes hon bintus hak lene dihyei ugwa-kwei noro tuhan ndo Nonti tug hon dihyei di ugwa-kwei dima cem bi.

MAZMUR 18:10

Noni bindei kki mpia-bbed him leu api juk kwei bico bumbuhui di dindi-kai dip.

DIUN MIMUN 4:16

“Hou di cut kwei leu mpia nijjai e, ma akiju, hou di cut kwei leu mpia nibiho e, ma akwei! Jicut bijikui ditde miaiti leu binhyepo nuui tun bikieng kep mpia. Nnaba no di dingon ngakei kwei ei nide miaisi biyem biei ngat di nyop kei nya ug.”

YESAYA 65:24

Nipou tirigi ingat nadi bingwig bigyo lene midibuhup ighyet. Nipou tirigi ikes ighyet hon ba, ingat nadi bingwig bigyo lene midibirop hanyen biyok.

MALEAKHI 3:1

tuhan Di Sindem Bibor buhup “Midicuk tungwagom di tri tut dihyet bibie leu binhyepo tin puig mem Da. Leu api tuhan di jipai bipia jingon mem kep ser dima mitau kros ei Nide Ig. No di dipinak di jipai bipia jinggei ngwig sut mikwei tri tut Ditde gi preu.”

LUKAS 2:13

Leu api malaikati nimpung nindig gom ittau kros bigya kui noni lene ipai doia bibinggei sut Allah bipai,

YOHANES 3:8

Bit leu nok hou di kui nyeti leu nima kwei-nima kwei ba, amiap nibimbi noro akan tut nikwei leusi kin nuug eisi bi. Nok gima cem tut yo di Allah Ninnei srek tut yok nya.”

KISAH 2:3

Lene ingat mun di nok hum di srei nidwep pimo sror kwei biteu ei bikwob tungwagom-gom dip.

KISAH 2:6

Tirigi imiap nibimbi dima lene tungwatu ningot ndig induk yam kwei. Yahagom idrui sut lewo bikwop tungwagom-gom miap igbit nonti nihyet di tibim ei yo di ingon jo kep nya yuhui him.

KISAH 4:31

Tirigi ingat nadi bingwig leu lene ig di imbus yam eisi ugwa-kwei. Allah Ninnei srek kwei ei yahagom dip bisindem tut yok apino ibrim ingkek tut Allah nihyet kep tungwatu nya.

PETRUS GI NIGOM 1:12

Allah mbot kep tut bak nabi dima yok bipia mun di itri tut dima mem yonti bi noro mem jeni. Mun di itri tut habiei dima tibim kwei leu yo di itri tut Nihyet Di Kei yuhui him. Ba, yo dini itri tut Nihyet Di Kei bije tug hon Allah Ninnei di Allah pinak kwei leu gwamti nisindemti. Gino malaikati nya ingon dorti tut mun di yo dima itri tut nipek kepti ne ingon llei bibor.