KISAH 2:11 - ALLAH NIHYET MEM TUNGWATU NYA

¹¹ Ibihi ne mben Yahudi lo, ibihi nok ngkiai nya di itti kin puig Yahudi ba, ibihi ikwei leu Mios Kreta kin minu Arab cem. Ba, bikwop nyeni yahagom imiap igbit nyenti ighyet di tibim tut Allah de mindur nya ei yo dima yuhui him.”

KISAH 2:11 ပူးပေါင်းရင်းမြစ်များ

NIBOU NDIG NYA GI NIGOM 10:15

Gima ter leu belasten di noni tug ndei leu nitri-nipek mun cig nya kin nibou ndig ngkiai di mben Arab nya kin nibou nya di inyeng tak kep mben Israel de hanjop nsi nya yahagom ikwas tut noni.

NIBOHON MBEN ISRAEL GI NICAN 17:11

Yosafat tug ndei perak kin ndigban di kei nindig bibor mikui-kausi leu mben Filistin. Lene tug ndei domba ningut sribu muhwindacan sratus muhwindacan kin kambir sribu muhwindacan sratus muhwindacan leu mben Arab.

NIBOHON MBEN ISRAEL GI NICAN 26:7

Allah mpu noni bihwen mben Filistin kin Arab nya di ibong ei Gur-Baal kin mben Meunim yo dima yahagom bicut binoni.

AYUB 9:10

Bit bon ingon dorti tut Nide mun di bon bou ninda him nya ba, isindem mem gima ikwop kep Nide mindur di bon nya cem kan bi.

MAZMUR 107:15

Suar ipai sigyo hanyen bak tuhan tut ningon ngakei yokti di ug hon nohonti bi sren kin mindur nya di Noni bon mem yok cem.

MAZMUR 107:21

Suar ipai sigyo hanyen bak tuhan tut ningon ngakei yokti di ug hon nohonti bi sren kin mindur nya di Noni bon mem yok cem.

MAZMUR 107:8

Suar yoni ipai sigyo hanyen bak tuhan tut ningon ngakei yokti di ug hon nohonti bi sren kin mindur nya di Noni bon mem yoni cem.

MAZMUR 111:4

tuhan ngondut nye ba, ningon ngakei nye cem. Niyai munti nya bibon ninggap leusi leu binhyepo igyok ngon kep kikau.

MAZMUR 136:4

Nongkom he rino bon mindur di bibon ninggap leusi nya. Nide ningon ngakeisi jo ninghig-niker.

MAZMUR 26:7

Dipai doia nibipai sigyo ba, dibitri tut Ade nibon munti di bibon ninggap leusi.

MAZMUR 40:5

Yo di iba ingon com tuhan ingon nggei-hi-nggei. Lewo iba yoho rok kwar binjei bit yo di ikuk yok bak kwar nya bi.

MAZMUR 71:17

Angginau da habiei dipilei kwei tu. Ba, dipui sut Ade nibon munti nya di bibon ninggap leusi kwei bipek ammani kep.

MAZMUR 77:11

Apino dipai “Gi tuk kep dingon rino Allah Di Ninyeng Jei yai nibou tut nye bu bi.”

MAZMUR 78:4

Niku gima bijo nding leu nimunggwom bat nya bi. Minitri tut tuhan nisindemti kin Nide midyai di nindig bibor nya kin Nide mindur di bon nya hagom bak nintun nye him gi nidipti bu nya.

MAZMUR 89:5

‘Midibindei ba, anyeng tak kep limwa nyati mijo ninghig-niker eisi ri. Ade nintun him yamti nya migya luei ahoti nok nibou ndig bu sindam bijo ninno bijo kikau.’ ”

MAZMUR 96:3

Itri tut Nide nikei-kau-keisi bak ngkiai nya kin Nide mindur di nindig bibor nya bak tungwatu nya yahagom.

NEHEI LEUSI 15:11

Bit bon ibinai sut Nani kin kwar di tungwatu nya ikuk yok bak nya kan bi. Lewo Nangkom rino tuhan Di Kei Bibor Kei ba, Nangkom Akwes-Kwau Kei. Tou risindem mem gima bon mindur kin bindo nya noyam kin gi tuhan bon pima i?

YESAYA 13:20

Tungwagom ngat cem mibong ei sirigima bu bi. Mben Arab di ibong-bong nyen ei iggum ndigsi hi di mohok nide prak meng ei mpia dima ba, gembala hi di mijem nide domba nya bikes yok kep minta di igyem ei mpia dima bu bi.

YESAYA 21:13

Gini ne nisok nihyetti tut minu Arab ri. Je di mben Dedan e, jide nimpung nitri-nipek mun cig nya yohok ide prak meng yati ei dihyei Arab de war nggig-nggwenti.

YESAYA 25:1

tuhan e, Nani ne ditde Allah rin ba, dikon anyeng bidinggei sut anyeng cem. Lewo Ade midyai di ayai nya bindei ninggap leusi. Aba angon di gom bindei mbut angon kanti di atin ei habiei leu nimbie him kwei su ba, ug kikau.

YESAYA 28:29

Ningon ki tut niyaisi dima kwei leu tuhan Di Ninyeng Jei Bibor. tuhan ba nikan bidem nibon munti bitin ei ningon kanti mem mun di hagom bidem kei. Ba, ningat ntun him Nide ningon kanti di tin ei nya hagom.

YEREMIA 25:24

kin nibou ndig Arab yahagom kin nibou ndig yahagom di imbier kim keret di ibong srig yamti ei iggum ndigsi,

YEREMIA 3:2

Jikon jibou bijimian kui ug ei mbigdip ninggram him nya! Ba, jingat mpia di tou rino juug ei di jicut ei sisar nikrar kep yamti bigyo i? Jiyai munti dima dem kep mben Arab ei iggum ndigsi. Jigwam sir puig ninghas bijimem kep ser no di kwei yem njita tut sop di nikrar jut. Jibindei ba, map kui minu dini tug hon jide nicut ei sisar niyem njita tut sop hiterti kin jide nibon mun di kinei biborti cem.

KISAH 2:10

Frigia kin Pamfilia kin Mesir kin Libia nite di ndam Kirene ba, ibihi ikwei leu minu ndig Roma cem.

KISAH 2:12

Yahagom inggap leu tut ba, ingon kiowi tut cem lene ihig kikep yam “Mindei rinontini i?”

KISAH 27:12

Lo, muk nuhuisi dima dem mem ide kibar piar nyahan ei minyei ngwa dip kikau mem bed di biang hou bi. Gima rino timiei kibarti nindigsi nya ijoi sut iba kibar bitot minyei ngwa dip ug ei minu ndig Feniks leu binhyepo kibar piar nyahan ei sirima bibou bed di biang hou ntus leu ug e. Feniks ne muk nuhuisi ei Mios Kreta di birok kik mpia nicutti ei ninda com kin ninda prak cem.

KISAH 27:13

Mpe dima lene hou kindi kui nyahan leu nite bei mpia nibiho ba, timiei kibarti nya ikan bipia bon nikwesti mem kibar mbut bit leu ingon kanti ri. Gima rino ibrim kimuntu kwei ei kibar nsi leu ba, kibar mbut nyahan sir Mios Kreta nitta.

KISAH 27:7

Kibar nyohou mbut mem njap poi noro nggruk bibor kikau bipek kibar piar dideu minu ndig Knidus. Noro hou di nimig ten bibor dima bindei ba, bit bon kibar mbut hallu ndam nipekti bit leu kiten kibar ningon kanti kan bi. Gima rino kibar mbut sir Mios Kreta nitta kikau binjiriek Ninging Yenti Salmone di srin ser muk mpoti.

KORINTUS GI NIGOM 12:10

Allah Ninnei yai nisindemti hi bak tungwa hiter leu binhyepo tungwa hiter dima bibon mindur. Noni yai nisindemti hi bak tungwa hiter leu binhyepo tungwa hiter dima bitri tut Allah ningon kanti. Noni yai nisindemti hi bak tungwa hiter leu binhyepo tungwa hiter dima bimig mbus nisindemti nya di ntun Allah Ninnei him leu nisindemti di ntun Allah Ninnei him bi nya. Noni yai nisindemti hi bak tungwa hiter leu binhyepo tungwa hiter dima ba nihyet mindur nya bimbrap. Noni yai nisindemti hi bak tungwa hiter leu binhyepo tungwa hiter dima biluei nihyet mindur dima hanyen brei bak tungwatu nya.

KORINTUS GI NIGOM 12:28

Nok gima cem Allah ta nimbumbati hagom bintun mbusyamei nya him bit leu ningon kanti. Noni ta yo di igya kui Yesus bigya bibie. Leu api ta yo di imbot kep tut Allah ningon kanti abia kep yok bu. Leu api ta guru nya abia kep yok bu. Leu api ta yo di ibon mindur nya kin yo di ibindei yo inggwen nya ikei hanyen kin yo di ingondut nuhui mbum nya kin yo di ibie tut tungwatu nya kin yo di iba nihyet mindur bimbrap nya cem yahagom ei mbusyameisi.

GALATIA 1:17

Duug nggok yo di igya kui Yesus habiei ei nimbie him nya ei minu ndig Yerusalem cem bi. Noro duug bong ei hanjop Arab leu api dingkwei hanyen ug ei minu ndig Damsyik.

GALATIA 4:25

Gima rino Hagar ne Nungug Sinai ei minu Arab ri. Hagar ndo tut minu ndig Yerusalem bitut timiei minu ndig Yerusalem nya yahagom di inok awak.

TITUS 1:12

Ba, nabi di timiei Kreta gom pai sut yok “Mben Kreta ibicum cem inok mindhe di niten-pos cem inghen cem inghop bou cem bijo ninno.”

TITUS 1:5

Dikes na ei Mios Kreta leu binhyepo aprios kep bram mun di niken bu ba, ata nibou mbusyamei nggi minu di yo di mbusyamei nya ingat rin eisi. Ma ayok ngon kep dipingok nati nya.

IBRANI 2:4

Mpe dima lene Allah sindem tut nihyet di tibim ei yo dima yuhui him ba, bon bindo kin mindur leu api kwas nisindemti nya di kwei leu Nonti Ninnei tut tungwatu nya bit leu ningon kanti.