KISAH 2:10 - ALLAH NIHYET MEM TUNGWATU NYA

¹⁰ Frigia kin Pamfilia kin Mesir kin Libia nite di ndam Kirene ba, ibihi ikwei leu minu ndig Roma cem.

KISAH 2:10 ပူးပေါင်းရင်းမြစ်များ

NITRITI 12:10

Mpe dima lene ninggum nindig bibor hwen minu Kanaan hagom apino Abram nya yuug ei nite bei mpia nibiho kikau ug ei minu Mesir bibong ei sirima bibou ninggum pima kes leu ug e.

ESTER 8:17

Mben Yahudi di ibong ser minu ndig kin hanjop nsi di ikwop nibou ndig de srat nibicukti dima eisi nya yahagom ingon nggei-hi-nggei ba, ingon llei bibor lene ibon pesta kep cem. Gima yok bindei ba, timiei hanjop nsi nya imang bibor iluei ingonti bicoi bit limwa Yahudi ide ningon di jo kep Allahti lewo tini bu ne idigit tut mben Yahudi di ibong srig yoti.

YEREMIA 46:9

Kuda e, ma jidor sindem! Kroba pran e, ma jiyai je ba, jinggan! Je di pinjoi ndig di mimbri kui jingkek bijikon mun di jibipukep tibor ninggwenti ba, jitimieisi leu minu Sudan kin Libia bitut je di pinjoi ndig Lidia di jikri tibor kan e, ma jibrim jingkek!’ ”

YEHEZKIEL 30:5

Tentara ningot kep yokti nya di leu minu Sudan kin Lidia kin Libia kin Arab kin Kub kin Ditde mben nya mitug ndei nimai ei pranti dima ug ri o.”

DANIEL 11:43

Noni pos mben Mesir ide ndigban di iba mas kin perak bibon kin ndigban nindigsi di nibok kak bibor nya cem. Noni bindei timek mben Libia kin mben Sudan cem.

HOSEA 11:1

tuhan pai a “Dingondut Israel habiei nimien yo ba, dihig dimunggwom dima kwei leu minu Mesir.

ZAKHARIA 8:20

tuhan Di Sindem Bibor pai “Nijam midem leu api timiei minu ndig mang bibor minduk yam kwei ei minu ndig Yerusalem.

ZAKHARIA 8:23

Njap dima dem ne ngkiai nya ibou simnai mikwei ngat mben Yahudi gom ngat bipai bak ‘Nyeni cem nijoi sut ningat ningat di kei noyam kin nani lewo nimiap tut bipia Allah ningat rin ei jikieti.’ ” tuhan Di Sindem Bibor simbot dat tu.

MATIUS 2:15

Ibong ei minu dima kikau bibou Herodes mai leu ug e. Mun dini pek kep mem yok leu binhyepo Allah nipaisi tug hon nabi midem ug e. Noni pai “Dihig Dipmot kwei leu minu Mesir.”

MATIUS 23:15

Aye! Notou mem je di guru Puig Yahudi nicukti nya kin je di Farisi nya i? Jingon can yo! Lewo jimbut bidem dihyei nisurti-nipekti ba, jisigon minyei mang bibor leu binhyepo jinggok tungwagom ngat di mitti kin je bibit jide puig timiei leu api jipingok ningonti bijibindei ba, ningon wer mui mbican bram yam dor njiriek je di juug dor humti jingon di mui!

MATIUS 27:32

Tirigi ibuwak Yesus biyuug cut puig sinon lene yuum Simon leu Kirene. Ikat noni bikes Yesus de biei salib ei ninghat dip bittei.

MARKUS 15:21

Imbut biyuum Simon leu minu ndig Kirene tirigi noni jo leu ngoi dumti kwei. Ikat noni bikes Yesus de biei salib ei ninghat dip bittei. (Simon nitimieisi leu minu ndig Kirene ba, nipmot bat cin inyeng rino Aleksander kin Rufus.)

KISAH 11:20

Noro andigpoi di ingon jo kep nya ibou poi itimieisi leu Mios Siprus kin minu ndig Kirene ikwei ei minu ndig Antiokhia bitri tut Nihyet Di Kei tut Yesus bak ngkiai nya cem ei minu ndig dima.

KISAH 13:1

Nabi nya kin guru nya ibou poi yo rinaha ei yo di mbusyamei minu ndig Antiokhia nya ikieti. Yo dini ne Barnabas kin Simeon di ijem ninyeng hi Motrom kin Lukius leu minu ndig Kirene kin Menahem ndig bit Nibou Ndig Herodes ba, ningon kieti noni tirigi inok munggwom yo kin Saulus.

KISAH 13:13

Lo bi lene Paulus kin nisut bat nya ibri kibar minyei ei minu ndig Pafos bibitot minyei ngwa dip ug ei minu ndig Perga ei hanjop Pamfilia. Yoni yuug krau lene Yohanes-Markus kes yok bingkwei hanyen ug ei minu ndig Yerusalem.

KISAH 13:43

Niabiati tungwatu pima yok yahagom intek gimahap bingwig leu lene mben Yahudi imang bibor kin ngkiai nya di itti kin puig Yahudi ibit yok. Gima rino Paulus kin Barnabas imbrap bit yok bibiwin kep ingonti leu binhyepo iba ingon com Allah nisingat tut yokti.

KISAH 14:24

Niabiati Paulus kin Barnabas imbut bigya bidem hanjop Pisidia leu lene ingkwei hanyen ug ei hanjop Pamfilia.

KISAH 15:38

Noro Paulus ce tut bi lewo Yohanes-Markus yai midyai bit yok bimbut kikau nipou pima bi noro kes yok ei hanjop Pamfilia bingkwei hanyen.

KISAH 16:6

Allah Ninnei sindui sut gima Paulus kin Silas itri tut Allah nihyet ei hanjop Asia bi. Gima rino igya bidem hanjop Frigia kin Galatia.

KISAH 17:21

Ipai nok lewo timiei minu ndig Atena kin ngkiai nya di ibong ei minu ndig dima yahagom ita ibou ei nipui kep nihyet mindurti bigyok itta kep nihyet nijep-jau cem. Igyai munti dini yem jam bingwig leu yok bikwop njap ngwa hagom.)

KISAH 18:2

Noni um Akwila di mben Yahudi di nitimieisi leu hanjop Pontus ei minu ndig dima. Akwila kin nitnem Priskila sindi ijo leu minu Italia bikwei krau minu ndig Korintus drek dip Kaisar Klaudius di jji mben Yahudi yahagom leu minu ndig Roma. Paulus ug cem kep yok,

KISAH 18:23

Niabiati noni bong ei sirima mem bed poi leu api noni mbut hanyen buug cem kep yo di ingon jo kep nya ei hanjop Galatia kin Frigia ba, biwin kep ingonti.

KISAH 2:11

Ibihi ne mben Yahudi lo, ibihi nok ngkiai nya di itti kin puig Yahudi ba, ibihi ikwei leu Mios Kreta kin minu Arab cem. Ba, bikwop nyeni yahagom imiap igbit nyenti ighyet di tibim tut Allah de mindur nya ei yo dima yuhui him.”

KISAH 23:11

Himmun di gwam dip bu lene Tuhan Yesus kwei ya simiak Paulus bipai binoni “Ma ata abou ei ade ningon ngkiemti. Atri tut Dani ei minu ndig Yerusalem tu. Noro ma atri tut Dani ei minu ndig Roma bu.”

KISAH 27:5

Leu api kibar mbut bu bibitot minyei ngwa dip ug ei hanjop Kilikia kin Pamfilia nibiho kikau ug ei minu ndig Mira di jo ei hanjop Likia leu api nikinyon leu kibar ei sirima.

KISAH 28:15

Ninghapti tibim kikau ug ei yo di ingon jo kep Yesus ei minu ndig Roma itingou nsi. Gima rino ikwei ya um nye ei Pasar Apius kin Ig Losmen Niningai. Tirigi Paulus ngat yok lene noni pai sigyo hanyen bak Allah lewo ikweisi dima biwin kep ningonti.

KISAH 6:5

Yo di ibit Yesus yahagom ice tut yo di igya kui Yesus ingon kanti dima. Lene idimig Stefanus di ba ningon gom bicom Yesus bibor di Allah Ninnei de nisindemti srek kwei ei ningonti cem. Idimig Filipus kin Prokhorus kin Nikanor kin Timon kin Parmenas kin Nikolaus leu Antiokhia. Ba, Nikolaus ne ngkiai noro tti kin puig Yahudi.

KISAH 6:9

Noro andigpoi nya di inggre kin Mbusyamei Di Igyati Kwes Nya bihi itte tut Stepanus nihyet. Yo dini ne mben Yahudi di itimieisi leu minu ndig Kirene kin Aleksandria ri. Yo dini kin mben Yahudi ibou poi di itimieisi leu hanjop Kilikia kin Asia iba ighyet bidahat Stefanus nihyet.

ROMA 1:15

Gima rino dingon bisau sut gima ditri tut Nihyet Di Kei bak je di jibong ei minu ndig Roma cem.

ROMA 1:7

Gima rino dipas kep srat dini mem je. Nnaba Icig Allah kin Tuhan Yesus Kristus isingat tut je ba, igyai jingon jo nyahan.

2 TIMOTIUS GI NICAN 1:17

Tirigi noni kwei krau minu ndig Roma lene nggok ser da bikwop mmun-njap bibou tau kep da ug e.

NINGAT-HI-NGAT NYA 11:8

imai leu api ingut mijo sinsiou kak simpak ei minu ndig di ide Tuhan mai ei biei salibti nipou su. Minu ndig dima ninyeng nibiti nindati ne minu ndig Sodom kin Mesir.