KISAH 19:9 - ALLAH NIHYET MEM TUNGWATU NYA

⁹ Noro yo dima ibou poi ingon jo kep bi lewo ingon tindak. Ipai bipia Paulus ningginau yokti tut Allah ningon kanti di teu tungwatu biyai niyaijo nijep biyok tug hon Yesus dima kinei. Gima rino Paulus kes yok ei bibuwak yo di ingon jo kep nya kwei ei ig di bon ninsi nindig bibor gom di Tiranus pikor tungwatu nya eisi. Ba, Paulus kin tungwatu nya iba ighyet bidahat yam ei sirima bikwop njap-njap.

KISAH 19:9 ပူးပေါင်းရင်းမြစ်များ

NIBOU NDIG NYA GI NICAN 17:14

Noro limwa Israel kin timiei Yehuda nya itingou ndok ser nihyet. Ingkek ndok noyam kin idigup bat-idigai bat nya di iba ingon com ide tuhan Allah bi.

NIBOHON MBEN ISRAEL GI NICAN 30:8

Ma jingkek ndok noyam kin yoni au. Noro ma jibit tuhan nihyet. Ma jinduk yam kwei ei minu ndig Yerusalem ba, jicoi ug ei tuhan De Ig di Noni dimig pijum ei mem Nonti bijo ninno bijo kikau. Ma jikwei ba, jikuk je bak Noni leu binhyepo ningon cut leu Nide nigga jeti.

NIBOHON MBEN ISRAEL GI NICAN 36:16

Noro iba tungwatu nya di tuhan pinak yok kwei nya bikek ba, ipa tut Nide nabi nya bico kep nihyet cem. Apino bitig di tuhan gga yok dino bitbon puig hi mem gima ingwes ngun leu hukum di Noni mikes ei yokti dima bi a.

NEHEMIA 9:29

Asok kep yok leu binhyepo ibit Ade nipingok yoti. Mbro nok gino ikan tut bipia yo di ibit Ade nicukti nya migyai niyaijo lo, ingon jei ba, ikou sut Ade nicukti nya. Isem tut ahyet lewo ingkek ndok cem ighyet prinder cem.

MAZMUR 95:8

“Ma jingkek ndok dem kep nok jidigup bat-jidigai bat nya di yuug ei Meriba bingat rin ei iggum ndigsi Masa au.

NIPINGOK NINGONTI 8:34

No di ngig nitingou mem dihyet bikwei ya kui dimbou hui ei ditde ig bibet ningon mem Da cem biniyai ngkiem ser Da ei ditde dimbou hui bikwop njap cem ningon nggei-hi-nggei.

YESAYA 8:14

Dingon kwes-kwausi rinok tig mma nindig di bindei ba, timiei Yehuda nya kin mben Israel indrat bicut. Dinok bon di timiei minu ndig Yerusalem nya ibiam.

YEREMIA 19:15

tuhan Di Sindem Bibor di nok mben Israel ide Allah pai bije “Dibindei ba, hukum di buhun bibor micut igkep minu ndig dini bitut minu mien di gahai nya cem hagom bit leu nok dipreu ei mem jeti lewo jahagom jingkek ndok ba, jingig jitingou mem dihyet bi.”

YEREMIA 7:26

Noro jingig jitingou mem ighyet bijiyok ngon kep ide nicuk jeti nya bi. Jengkom dini jingkek ndok ba, jaham jimbuk kep Da nindig bibor dor njiriek jidigup bat-jidigai bat nya.”

MATIUS 15:14

Nok ug e. Ma jingon pri tut yok au. Lewo iba igyai di tu bibie tut yo di igyai tu nya. Gino no di niyai tu cen hiter di niyai tu lene mporo yahacem icut ei jui nsi ug ri.”

MATIUS 16:4

“Ei nijam dini ne tungwatu nya ingon rom bingkek ndok bibor cem. Jahara Da tut mindur e? Midibon mindur hi ter di ter leu mindur di Nabi Yunus bibon mem je bi.” Yesus pai biyok nok leu api kes yok bimbut leu yok.

MATIUS 26:55

Lene Yesus hig ser yo di ningot ndig dima “Jiba jide simeda kin biap tindak kwei bikat Da bit leu nok jikat no di sibut e? Apo digwam ei Tuhan De Ig biditri tut dihyet bikwop njap lo, jikat Da bi e?

YOHANES 12:40

‘Ditak igyai ba, tu tu. Dikes ningon ndok serti ei yokti ser nhyema iba igyai bingat ba, ingon dor niti au. Diyai nok gima leu binhyepo ingkwei hanyen ndam Da bidibindei ba, ikei hanyen bi.’ ”

KISAH 11:26

Niabiati Barnabas um Saulus lene noni buwak noni bingkwei hanyen kwei ei minu ndig Antiokhia leu api ibong bit yo di inggre kin mbusyamei mem ari bingwam nitindur gom bingginau tungwatu imang bibor. Mpe dima cem tungwatu nya kindi ijem yo di ingon jo kep nya ei minu ndig Antiokhia inyeng Kresten.

KISAH 14:4

Noro timiei minu ndig dima isrep tut yam ba, bihi itti kin mben Yahudi lo, bihi itti kin Paulus kin Barnabas.

KISAH 17:4

Leu api tungwatu nya ibou poi bitut mben Yunani imang ndig di ikuk yok bak Allah kin sop di inyeng jei nya imang bibor cem yahagom ingon jo kep Yesus leu api itti kin Paulus kin Silas.

KISAH 19:23

Ei nijam dima ne timiei minu ndig Efesus nya isibui ighyet ei yamti drek dip ningginausi tut Yesus.

KISAH 19:30

Paulus cem pi bibit yok ug ei mpia ttou nsi dima bitri tut nihyet bak yo di ighyet ngwig kep yam dima noro yo di ingon jo kep nya icuon ser noni.

KISAH 20:31

Gima rino ma jiya ser jenti! Ma jiyok ngon kep bipia diba diyai nggwei di kibor bingginau bibikwop jahagom bikwop mmun-njap kikau mem ari bingwam ningai. Dikes dinda tut midyai dime bi sren.

KISAH 22:4

Dihwen bit yo di itti kin Ninjei Bit Krestenti bidibindei bimai. Dikat pinai nya kin sop nya bidinggam yok ei ig bui nsi.

KISAH 24:21

Au e ba, ikan tut tirigi diya ei yo dima yoho bei lene ditri tut dihyet gom ngat bidipai ‘Jimbus dingonti njap di ammani drek dip gi dingon jo kep bipia Allah miwin nimai nya hanyen leu imai eisi.’ ”

KISAH 28:22

Noro nijoi sut bipia asimbot kep tut angon jo kepti nya binye lewo nahagom nikan tut bipia tungwatu isrep tut nimpung dino anggre kin dima.”

KISAH 7:51

Disut bat jen, jingkek ndok bibor! Nggruk bibor mem gima jibit Allah nihyet cem! Jitingou nam ser Allah nihyet! Jeni kin jide pung di jintun him nya jahagom jisrep tut Allah Ninnei ninno tu!

KISAH 9:2

bahara noni tut srat nisindemti mem noni pwoi buug sut ei minu ndig Damsyik leu binhyepo nibou mbusyamei Yahudi nya ei minu ndig dima ice tut gi noni nggok ser yo di ingon jo kep Yesus bikat pinai nya kin sop nya cem bibuwak yok hanyen kwei ei minu ndig Yerusalem.

ROMA 11:7

Notou mem yo i? Mun di mben Israel inggok ser wer ninno dima ne ingat bi sren. Noro nimpung mien di Noni dimig yok habiei su nya he imbun nisingat tut yokti. Nindigsi nya imiap Allah nihig yokti bi lewo ingon ndok.

ROMA 9:18

Gima rino Allah ngondut igom bit leu ningon kanti bibindei igom ningon tindak bit leu ningon kanti.

KORINTUS GI NIGOM 16:9

Mbro nok gino tungwatu nya imang bibor itte tut da ei minu ndig dini lo, diyai nituti kin nikwesti mang bibor mem gima diyai kep Tuhan de midyai di ningat nindig mintun him.

TIMOTIUS GI NIGOM 6:5

isibui ighyet ei yamti kikau buug hon nohonti bi cem. Yo dini intin kiek bikrau kep nihyet di nijit bu bi. Ikan bipia gino iba ingon com Kristus lene gima bindei ba, inyeng bibor.

2 TIMOTIUS GI NICAN 1:15

Akan tut bipia tungwatu nya yahagom ei hanjop Asia bitut Figelus kin Hermogenes ingkek ndok tut da bikes da ei su.

2 TIMOTIUS GI NICAN 3:5

Mbro nok gino ipai sut yonti bipia ingon jo kep tu lo, igyai munti nya srep tut ba, ide ningon jo kepti dima ne ningon jo kepti di nitrowai he ri. Ma ambres nanti leu yo dima.

2 TIMOTIUS GI NICAN 4:2

ma atri tut Allah nihyet ba, abidip huk yok leu binhyepo intu kep ahyet mem mpe di ijoi sut e, he ijoi sut bi e, cem. Aba angon di jo nyahan binyohou ngginau yok leu binhyepo abiyai bingon nddong. Ma ando itunggweisi biyok ba, abiwin kep ingonti cem.

IBRANI 3:13

Noro ma jipingok yam ngonti bikwop mmun-njap kikau tirigi jiyaijo mem nijam di Allah nihyet pai “Njap di Ammani” leu binhyepo sisar ris je bijingkek ndok au.

PETRUS GI NICAN 2:12

Mbenjen! Guru dima yok inok mindhe-ndhe di niten-pos nya di tungwatu nya yuhuk bibui nok mikwau. Ikan-kan nyen kan bi ba, irom ighyet kui mun nyeng hagom di ingon dorti tut bi. Yoni mitug ndei nimai noyam kin mindhe-ndhe di tungwatu nya ipijuk kan bi di ibui hak.

PETRUS GI NICAN 2:2

Mbro nok gima lo, yo di ingon jo kep nya imang bibor mitti kin guru nitrowai nya bigyai bram igyai kepti di ntun yonti ingut kanti di kinei him nya bisrou yok. Igyai kepti dima bindei ba, tungwatu nya irom ighyet kui Puig Di Nijit.

YUDAS 1:10

Noro yo dini ighyet kinei sut mun di ingon kiowi tut nya hagom. Inok mindhe-ndhe di niten-pos nya di ibit leu ingut kanti niyai kepti lo, ingut kanti dima bindei cut yonti ba, isar bingwig.