KISAH 19:22 - ALLAH NIHYET MEM TUNGWATU NYA

²² Gima rino noni pinak nisut bat cin di igya kui noni di Timotius kin Erastus ug ei hanjop Makedonia leu lene noni bong ei hanjop Asia mem ari poi bu.

KISAH 19:22 ပူးပေါင်းရင်းမြစ်များ

2 TIMOTIUS GI NICAN 4:20

Erastus gwam ei minu ndig Korintus bidikes Trofimus ei minu ndig Miletus lewo noni nggwen ser.

ROMA 16:23

Gayus cem pigo je. Dibong bit noni ba, yo di mbusyamei induk yam ei nide ig bei cem. Erastus di nyohou dimig mitiei pemerinta de ei minu ndig dini cem pigo je ba, isut Kwartus cem pigo je bu. [

KISAH 19:29

Timiei minu ndig dima yahagom imiap ighyet di kui yam dima leu api nimpung di ingon sibui pima ibicom yam ba, ikat Gayus kin Aristarkhus di mben Makedonia di ibit-bit nyen Paulus bidem minu bikri yahacem ug ei mpia ttou nsi gom di tungwatu inen bilen mang bibor eisi.

KISAH 19:10

Noni yai midyai dima kikau mem ari bingwam can apino Allah nihyet tibim ei mben Yahudi kin ngkiai nya di ibong ei hanjop Asia yahagom itingou nsi.

KISAH 18:5

Niabiati Silas kin Timotius ikwei leu hanjop Makedonia tu lene Paulus ta nibou ei nitri tut Allah nihyetti bikwop njap ngwa hagom. Noni tri tut bak mben Yahudi bipia Yesus ne Nibou Ndig di teu tungwatu biyai niyaijo nijep biyok di Allah preu ei mem yok ri.

KISAH 16:3

Paulus kos tut ningon kanti bak Timotius leu binhyepo noni cem bit yok. Gima rino noni bindei ba, Timotius yai midut sunat lewo mben Yahudi yahagom ei hanjop nsi dima ikan tut bipia Timotius nicig ne mben Yunani ri.

KISAH 16:1

Paulus binut nimbutti buug ei minu ndig Derbe kikau ug ei minu ndig Listra cem. Timotius di ningon jo kep Yesus bong ei minu ndig dima. Nipmem ne sop Yahudi ba, ningon jo kep Yesus. Noro nicig mben Yunani.

KISAH 13:5

Tirigi ikwei krau minu ndig Salamis lene itri tut Allah nihyet bikwop ei mben Yahudi ide ig mbusyamei nya. Yohanes-Markus cem ningat rin bit yok bimpu yok.

TESALONIKA GI NIGOM 1:8

Lewo Nihyet Di Kei tut Tuhan bon nibousi ei jikieti leu api tibim kikau ug ei hanjop Makedonia kin Akhaya. Lene tut gima he bi lewo jinghapti tibim tut jide niba ningon com Yesus Kristusti bidem minu apino nisuar nitri tut gima bak tungwatu nya bi.

KORINTUS GI NICAN 8:1

Disut bat jen e, handei kon ba, jingon dorti tut Allah nisingat tut tungwatuti di yai bak yo di mbusyamei ei hanjop Makedonia.

KORINTUS GI NICAN 1:16

Dikos tut bije bipia dihwou ngat je sindam tirigi duug ei hanjop Makedonia lene tirigi dingkwei hanyen leu hanjop dima cem. Mpe dima lene jibon nituti mem jimpu da tut dimbutti ug ei hanjop Yudea.

KISAH 20:1

Niabiati mpia mbum-bra ei minu ndig Efesus hanyen tu lene Paulus nduk yo di ingon jo kep nya kwei biwin kep ingonti. Njap poi bu lene noni pigo yok bikes yok leu api mbut buug ei hanjop Makedonia.

KORINTUS GI NICAN 11:9

Tirigi dingat rin bit je ne disuar mun di bahati tut da noro ditindei kep jindati tut munkwas hi bi sren. Disut bat yo di ingon jo kep nya di ikwei leu hanjop Makedonia ipwoi mun di disuar nya hagom kwei bida. Ditindei kep jindati tut munkwas ei nimbie him dima bi lene nogindini ditindei jindati tut munkwas bi sren. Lene nok gima kikau.

KORINTUS GI NICAN 2:13

Noro dikrau dingon tut isut Titus lewo dingat ningat bi. Gima rino dipigo Allah de limwa nya bidikes yok ei leu api dimbut kikau ug ei hanjop Makedonia.

KISAH 19:21

Gima ngwig leu lene Paulus kos tut bipia mbut ug ei hanjop Makedonia kin Akhaya mbigom kin bu leu api ngkwei hanyen ug ei minu ndig Yerusalem. Noni yongon kep “Niabiati singkwei hanyen ei minu ndig Yerusalem leu lene suug ngat minu ndig Roma cem.”

KISAH 20:34

Jikan tut bipia ditri mun di dibon bou dinda him ba, dibipek mitiei leu binhyepo dibahati tut danti kin yo di igya kui da.

KORINTUS GI NICAN 8:19

Gima cem mbusyamei nya icom ighyet tut noni bidimig noni ei leu binhyepo ba no bikum nye kak nimbutti. Lewo jei bi ne nimbut tut munkwas mem nuhui mbum nya ri. Tug hon nisinati dima ne nibinggei sut Tuhan binindo brei bije bipia ninggok biken tiri ningondut yam cem.