KISAH 19:21 - ALLAH NIHYET MEM TUNGWATU NYA

²¹ Gima ngwig leu lene Paulus kos tut bipia mbut ug ei hanjop Makedonia kin Akhaya mbigom kin bu leu api ngkwei hanyen ug ei minu ndig Yerusalem. Noni yongon kep “Niabiati singkwei hanyen ei minu ndig Yerusalem leu lene suug ngat minu ndig Roma cem.”

KISAH 19:21 ပူးပေါင်းရင်းမြစ်များ

NIBWOS-BWOS NYENTI 3:37

Gino tuhan kos tut ningon kanti tut mun nyeng hi bi lene bit bon tungwatu nya igyai mun di njiriek ningon kanti dima kan bi.

KISAH 16:12

Nijo leu minu ndig dima binimbut nimig ug ei minu ndig Filipi. Minu ndig dima ne bon ninyeng ei hanjop Makedonia lewo nibou ndig minu Roma ninyeng tak kep timiei minu ndig Filipi nya yahagom. Nibong ei minu ndig dima mem njap poi.

KISAH 18:12

Tirigi Galio yai ninyeng nibou hanjop Akhaya lene mben Yahudi ikes ingon mem yam ba, ikat Paulus bibuwak noni ug ei nikei noho bei.

KISAH 18:21

Mbro nok gima lo, tirigi noni kes yok bimbut leu yok bigyo lene noni pai biyok “Gino Allah sindui sut da ne midikwei ngat je hanyen bu.” Pai nok lene noni bri kibar minyei bijo leu minu ndig Efesus.

KISAH 19:22

Gima rino noni pinak nisut bat cin di igya kui noni di Timotius kin Erastus ug ei hanjop Makedonia leu lene noni bong ei hanjop Asia mem ari poi bu.

KISAH 19:29

Timiei minu ndig dima yahagom imiap ighyet di kui yam dima leu api nimpung di ingon sibui pima ibicom yam ba, ikat Gayus kin Aristarkhus di mben Makedonia di ibit-bit nyen Paulus bidem minu bikri yahacem ug ei mpia ttou nsi gom di tungwatu inen bilen mang bibor eisi.

KISAH 20:16

Paulus kos tut bipia kriau minu ndig Efesus leu binhyepo nimbutti yem nijam di jei ei hanjop Asia bi. Lewo noni bipbur buug ei minu ndig Yerusalem nipou leu api Njap Ndig Pentakosta nicunti dem.

KISAH 20:22

Nogindini dibit leu Allah Ninnei nicuk dati ba, duug ei minu ndig Yerusalem lo, dikan tut mun di micut igkep da ei minu ndig dima bi.

KISAH 21:17

Tirigi nyeni nuug krau minu ndig Yerusalem lene yo di ingon jo kep nya iba ingon di llei bibor biya um nye.

KISAH 21:4

Nuug cem kep yo di ingon jo kep Yesus ei minu ttou nsi dima binibong bit yok mem ari nitindur gom. Allah Ninnei bie tut yo dini bisok kep Paulus ngkiem ser nhyema noni ug ei minu ndig Yerusalem au.

KISAH 23:11

Himmun di gwam dip bu lene Tuhan Yesus kwei ya simiak Paulus bipai binoni “Ma ata abou ei ade ningon ngkiemti. Atri tut Dani ei minu ndig Yerusalem tu. Noro ma atri tut Dani ei minu ndig Roma bu.”

KISAH 27:1

Niabiati nibou nya ikos tut bipia ipinak nye ug ei minu Italia lene ikes Paulus kin yo di isima nya ibou poi ei kompi Yulius nindati. No dini ne tentara Roma gom di nggre kin “Nimpung Kaisar” ri.

KISAH 27:24

pai bida ‘Paulus e, ma angon digit tut au! Mporo ma aya ei Kaisar Roma noho bei. Allah nisingat tut nati mibindei ba, yo di kibar nsi yahagom ingwes ngun drek dip nani yo.’

KISAH 28:16

Tirigi nikwei krau minu ndig Roma lene nibou pemerinta nya isindui sut ba, Paulus bong ei ig di noni go ninsi tu ba, tentara gom bong ser noni.

ROMA 1:11

Lewo dingon bisau sut gi dingat je bou diyai him leu binhyepo dibippiet mun di kei di kwei leu Allah Ninnei bije ba, mun dima mibiyai jingon nddong kei.

ROMA 1:13

Disut bat jen, ma jiyok ngon kep bipia dipi bidihwou ngat je mbirimang tu noro mun nyeng hi bigen ser da. Midihwou ngat je leu binhyepo diyai midyai ei jikieti bibindei ningat ntun him noyam kin midyai di diyai ei ngkiai nya ikieti dima di ningat ntun him ei minu hi ter tu.

ROMA 1:15

Gima rino dingon bisau sut gima ditri tut Nihyet Di Kei bak je di jibong ei minu ndig Roma cem.

KORINTUS GI NIGOM 16:5

Midihwou ttau kep je sindam niabiati diya bidem hanjop Makedonia leu su lewo dikos tut mem diya bidem minu dima.

KORINTUS GI NIGOM 4:19

Noro gino Tuhan joi sut ne midihwou ngat je leu binhyepo diyok diyai kep yo di ingon jei nya. Mpe dima lene dipigot bram igyai munti nya ba, dintu kep mun di tibim leu yuhui him he bi.

KORINTUS GI NICAN 10:16

Gi nok gima ne nitri tut Nihyet Di Kei kikau ug ei ngkiai nya ikieti. Tug hon nisinati dima ne ningon jei sut midyai di hiter yai ei hanjop nsi dima bi.

GALATIA 2:1

Ari bingwam simnaibrimigtai ngwig leu lene dani kin Barnabas ningkwei hanyen ug ei minu ndig Yerusalem binibuwak Titus bit nye.

TESALONIKA GI NIGOM 1:7

Tug hon nisinati dima lene jiyai munti dima rinok bindo bak yo di ingon jo kep nya ei hanjop Makedonia kin Akhaya.