KISAH 19:19 - ALLAH NIHYET MEM TUNGWATU NYA

¹⁹ Ba, yo di ibindei mbut nung ningginausi nya imang bibor imbus ide srat nya keyam bindig kep hum bou tungwatu yahagom igyai him. Ba, srat dima nimangti hagom sok yam nibok dem mitiei nitig sribu ningot muhwi.

KISAH 19:19 ပူးပေါင်းရင်းမြစ်များ

NITRITI 35:4

Lene yoni ikes ngkiai ide kwar pima yok kin ide mitingou him hagom ei Yakub nindati leu api noni tig hagom ei dihyei jou hammi biei nindig bibor gom nikiou dideu minu ndig Sikhem.

NIBOHON MBEN ISRAEL GI NIGOM 10:13

Saul ba ningon di gom bibit tuhan kin nicukti nya bi. Apino mai drek dip a. Noni hara tuhan leu binhyepo tuhan ndo ningon kanti bak bi. Noro nang ndam nimai nya innei bahara yok bindo ingon kanti bak. Gima rino tuhan kes hukum ei noni dip lene bitug ninyeng di tak kep limwa nya nok nibou ndig leu noni bikes bak Daud di Isai nipmot bu.

NIBOHON MBEN ISRAEL GI NICAN 33:6

Noni bui munggwom nide nya bikes bak kwar nya ei Mbang Briep Hinom dem kep nok mun di ibui bindig titut ei nimbar hum dokti ba, brim ningkek mem nung nya igyai kepti nya kin nipui mun tut nibirop hanyenti tug hon ham mpia-bbed him ba, bikan huk mun di ingat bou igyai him bi nya binggok tut ninnei di sibut nya leu binhyepo indo bindo binoni cem. Manasye bindei ba, tuhan gga bibor tug hon nide sisar nindig bibor di noni bibon tut tuhan.

NEHEI LEUSI 32:20

Lene noni ug yai kwar di nide limwa nya iba mas bibon noyam kin sapi pima bindig kep hum ba, jet bingwig. Api tirigi hem tu lene noni dram hagom bindung-ndiem leu api ba minyei biwir lene cuk mben Israel yahagom bidut minyei dima.

NEHEI LEUSI 7:11

Lene Firaun hig nide limwa di ingon ki nya kin gi hi di nung kui yok kwei leu api yoni cem ibon mindur di noyam kin Harun de tug hon ide nung nya.

NEHEI LEUSI 7:22

Lene Firaun de limwa di nung kui yok cem ibon mindur nok gima bu tug hon inda di dut apino Firaun ningkek ndok kikau. Noni kou sut gima ce tut Musa kin Harun ighyet bit leu nok tuhan nipaisi pima.

YESAYA 30:22

Mijicom jide kwar di jikuk je bak nya di jiba perak kin mas binggai nya hak binok mumpiang. Lene mijibipai biyok “Juug bihigom leu nye!”

YESAYA 8:19

Noro limwa dima yok micuk je ndam yo di nung kui yok kin yo di inda dut nya di yahamui nyahan ba, inggimu-nggimei leu binhyepo indo bindo bije. Yo dima mipai bije “Suar nyeni iko binggok tut nimai ingwes nya tut mun di bitut yo di igyaijo nya.”

DANIEL 2:2

Gima rino noni sok nihyet bak yo di ingon ki kin yo di nung kui yok kin yo di inda dut kin yo di iko mun bibinggok tut ndiyok nya yahagom di igya kui noni ba, suar ikwei mbot kep mumpriem dima ningat bak. Tirigi yahagom idem yam bigya ei noho bei,

IMAM NYA IDE MIDYAI 13:52

Suar noni ndig mun dima kep hum lewo nisgwati mbut nut tu. Gima rino suar hum yem bingwig ug.

LUKAS 14:33

Lene Yesus pai ningwigsi biyok “Nok gima tut jeni cem. Gino jikes mun di jinyeng tut hagom ei bi ne bit bon jiya kui Da kan bi.”

LUKAS 15:8

Gino sindig gom pwoi nide mitiei nitig simnai lo, nitig gom pror leu noni lene noni mibon ndei notou i? Noni mitin mini binjeng lene micok mumpiang bingwig leu nide ig leu api minggok ser mitiei dima bibou ngat ug e.

KISAH 13:6

Lene ijo leu minu ndig Salamis bigya bidem Mios Siprus kikau ba, ikwei krau minu ndig Pafos ei mios dima nohon keti. Leu api yuum Bar-Yesus di mben Yahudi gom ei minu ndig dima. Nung kui no dini bitri tut nonti bipia noni ne nabi ri.

KISAH 13:8

Tungwatu nya iba nihyet Yunani bijem no di nung kui no pima ninyeng hi Elimas. Ba, no dini tte tut Barnabas kin Saulus buhum nibou ninsi ser nhyema noni ba ningon com Yesus au.

KISAH 19:18

Yo di ingon jo kep nya imang bibor ikwei pai jit bimbot kep tut nung nya di ikui yok nipou su dima brei bou tungwatu igyai him.

IBRANI 10:34

Jiyai ninghuisi wei noyam kin yo di isima ei ig bui nsi. Tirigi tungwatu ipos ndigban hagom leu je ne joom jingon bijingon nggan tut lewo jikan tut bipia mun di kei di bit bon pror yon hanyen kan bi no jo mem je.