KISAH 19:18 - ALLAH NIHYET MEM TUNGWATU NYA

¹⁸ Yo di ingon jo kep nya imang bibor ikwei pai jit bimbot kep tut nung nya di ikui yok nipou su dima brei bou tungwatu igyai him.

KISAH 19:18 ပူးပေါင်းရင်းမြစ်များ

MAZMUR 32:5

Leu api dipai jit ditde sisar brei biNa bidiku ditde mun di diyai tunggwei nya nyahan bu bi. Dikan “Singkwei ba, sipai jit side sisar bak tuhan. Apino akos ser ditde sisar hagom bidingon mui bu bi.”

NIPINGOK NINGONTI 28:13

Tungwa tou rino ku nide sisar ei ningonti mibong kei migwam kei bi sren. Tungwa tou rino pai jit nide sisar bittin ser nide sisar mibindei ba, tuhan ningon nggriu sut noni.

YEREMIA 3:13

Ma jipai jit bipia jitunggwei ba, jihwen bit jide tuhan Allah tu. Ma jipai jit bipia jikiber jide ningon ngakeisi ei nung di ngkiai nya ikuk yok bak nya cem ei bikwop biei ndig di nimeng nggrou nibehei nya cem ba, jibit Ditde nicuk jeti nya bu bi cem tu. Da di tuhan disimbot dat tu.”

YEHEZKIEL 16:63

Midikos ser ade nitunggweisi nya hagom. Noro bit bon abbwe ser gima yok bi ba, ahap aji ba, apai jit ade nitunggweisi nya cem kan bi. Da di tuhan Di Dinyeng Jei Bibor disimbot dat tu.”

YEHEZKIEL 36:31

Jingon muhukti tut jiyai munti di kinei bibor nya kin mun di jiyai tunggwei di nipou nya leu api jikoi jihwap tut jide sisar kin jiyai kepti di kinei bibor nya.

IMAM NYA IDE MIDYAI 16:21

Lene ma noni yok ninda hacem ei kambir nibou nggram him bipai jit mben Israel ide mun di kinei kin ide sisar kin ide naham nimbuk kep Dati hagom leu binhyepo kes hagom bijo ei kambir dima nibou dip. Gima ngwig lene ma tungwagom di imam ndo nipou su jem kambir dima ug ei nisai bijji kikau ug ei iggum ndigsi.

IMAM NYA IDE MIDYAI 26:40

Noro ei mpe dima lene jide nintun him yamti di bram yam nya mittin ser ide sisar kin idigup bat-idigai bat nya ide sisar. Yo dima isrep tut Da ba, yaham imbuk kep Da cem,

MATIUS 3:6

Yo dini ipai jit ide sisar leu api noni tur yok ei Minyei Yordanti.

KISAH 19:17

Mben Yahudi kin ngkiai nya yahagom di ibong ei minu ndig Efesus imiap yo dima inghapti lene idigit tut. Mun di pek kep dima bindei ba, tungwatu nya inggei sut tuhan Yesus nindig bibor.

KISAH 19:19

Ba, yo di ibindei mbut nung ningginausi nya imang bibor imbus ide srat nya keyam bindig kep hum bou tungwatu yahagom igyai him. Ba, srat dima nimangti hagom sok yam nibok dem mitiei nitig sribu ningot muhwi.

ROMA 10:10

Lewo iba ingon com Allah leu api Noni joi sut nye biyai ingon kwes kin Noni hanyen. Ba, isimbot dat gima ei yuhui him apino Noni teu nye leu sisar biyai niyaijo nijep binye.

YAKOBUS 5:16

Gima rino ma jipai jit jide sisar brei biyam leu api jingat nadi tindei yam leu binhyepo Allah bindei ba, jikei hanyen. Nadi di tibim ei no di ningon sren nuhui him sindem bibor.

YOHANES GI NIGOM 1:9

Gino ipai jit ide sisar bak Allah lene Noni miyai igbit nipreu ei mem nyeti. Noni ba ningon sren biyai nikos ser ide sisarti kin nipiap nye leu igyai munti di suwok nya hagom.