KISAH 19:10 - ALLAH NIHYET MEM TUNGWATU NYA

¹⁰ Noni yai midyai dima kikau mem ari bingwam can apino Allah nihyet tibim ei mben Yahudi kin ngkiai nya di ibong ei hanjop Asia yahagom itingou nsi.

KISAH 19:10 ပူးပေါင်းရင်းမြစ်များ

KISAH 13:12

Tirigi nibou mios dima ngat mun di cut igkep Elimas bou niyai him lene ningon jo kep Yesus lewo nggap leu tut Tuhan ningginausi nindig bibor.

KISAH 16:6

Allah Ninnei sindui sut gima Paulus kin Silas itri tut Allah nihyet ei hanjop Asia bi. Gima rino igya bidem hanjop Frigia kin Galatia.

KISAH 18:11

Gima rino Paulus bong ei minu ndig Korintus mem ari bingwam gom biniken. Noni ba Allah nihyet bingginau yo dima.

KISAH 18:4

Noro Paulus ba no bikum mben Yahudi kin timiei minu Yunani nya ei ide ig mbusyamei bikwop ide Njap Nigwam Kep Ninghuisi. Noni simbot kep tut Yesus bit yok bibrim ningkek kep yok leu binhyepo ingon jo kep.

KISAH 19:20

Tuhan ninyeng kieng kep minu ndig dima tug hon nisinati di kei ngat kei dima biyai ningat mang bibor bikum eisi bu.

KISAH 19:22

Gima rino noni pinak nisut bat cin di igya kui noni di Timotius kin Erastus ug ei hanjop Makedonia leu lene noni bong ei hanjop Asia mem ari poi bu.

KISAH 19:8

Paulus ug cem kep mben Yahudi ei ide ig mbusyamei lene ba niji nghai bitri tut nihyet biyok mem bed ningai. Noni ba nihyet bidahat yok leu binhyepo ingon huk niti tut Allah ninyeng tak kepti.

KISAH 2:9

Lewo nyeni itimieisi leu hanjop Partia kin Media kin Elam kin Mesopotamia kin Yudea kin Kapadokia kin Pontus kin Asia kin,

KISAH 20:18

Tirigi ikwei su lene Paulus pai biyok “Jikan tut diyai munti nya kin ditde midyai ei nimbie him tirigi dihwou ngat je ei hanjop Asia kikau kwei bipek njap di dimbut leu je pima.

KISAH 20:31

Gima rino ma jiya ser jenti! Ma jiyok ngon kep bipia diba diyai nggwei di kibor bingginau bibikwop jahagom bikwop mmun-njap kikau mem ari bingwam ningai. Dikes dinda tut midyai dime bi sren.

KISAH 6:9

Noro andigpoi nya di inggre kin Mbusyamei Di Igyati Kwes Nya bihi itte tut Stepanus nihyet. Yo dini ne mben Yahudi di itimieisi leu minu ndig Kirene kin Aleksandria ri. Yo dini kin mben Yahudi ibou poi di itimieisi leu hanjop Kilikia kin Asia iba ighyet bidahat Stefanus nihyet.

ROMA 1:16

Diba dingon com Nihyet Di Kei nindig bibor lewo Allah ndo Nide nisindemti tug hon Nihyet Di Kei di bindei yo di iba ingon com Noni igyai niteu leu sisarti kin niyaijo nijepti. Gini mem mben Yahudi nipou leu api mem ngkiai nya cem.

ROMA 10:12

Nipaisi dima dem mem tungwatu yahagom lewo mben Yahudi kin ngkiai nya ter leu yam bi. Allah gom ngat dima ne Tuhan mem yahagom rin binjei mun di kei ninyeng mang bibor bak yo di yahara Noni.

ROMA 10:18

Noro dihig ser je tut mun nyeng gom. Yo dima imiap nihyet bi e? E bi! Imiap nihyet tu! Lewo Allah Nihyet pai “Ighyet tibim kikau ug ei dihyei nisurti-nipekti. Ipaisi tibim bipek minu nohon keti tu.”

GALATIA 3:28

Gima rino mben Yahudi kin ngkiai nya cem awak nya kin yo di igyati kwes cem pinai nya kin sop nya cem jahagom titer leu yam bu bi noro jahagom jinok gom kin Kristus Yesus.

KOLOSE 3:11

Gi ntun mun dima him ne tungwatu nya ter leu yam bu bi ri. Mben Yahudi kin ngkiai nya titer leu yam bu bi. Yo di icoi bit midut sunat kin yo di icoi bit midut sunat bi kin ngkiai nya kin yo di isingat bi nya kin awak nya kin yo di igyati kwes cem yahagom titer leu yam bu bi. Kristus Nongkom bon ninyeng dor njiriek mun nyeng hagom ba, Noni nok gom kin nyeni yahagom!

2 TIMOTIUS GI NICAN 1:15

Akan tut bipia tungwatu nya yahagom ei hanjop Asia bitut Figelus kin Hermogenes ingkek ndok tut da bikes da ei su.

PETRUS GI NIGOM 1:1

Srat dini leu da di Petrus di diya kui Yesus Kristus. Srat dini mem Allah de limwa nya di intek gimahap bibong bidem ingkiaisi ei hanjop Pontus kin Galatia kin Kapadokia kin Asia kin Bitinia.

NINGAT-HI-NGAT NYA 1:11

Nihyet dima cuk da “Ma apas kep mun di angat dini hagom ei srat gomti leu api apinak bak mbusyamei ei minu ndig Efesus kin Smirna kin Pergamus kin Tiatira kin Sardis kin Filadelfia kin Laodikia.”

NINGAT-HI-NGAT NYA 1:4

He disut bat je di jingat rin ei mbusyamei ningat muhwindacan ei hanjop Asia e, dani ne Yohanes ri. Handei kon ba, Allah singat tut je biyai jingon jo nyahan. Nipigo jeti dini leu Allah di ningat rin annani cem ammani cem di mikwei hanyen yo cem kin ninnei muhwindacan di igya ei Allah de banggo mbrei Noho bei,