KISAH 18:9 - ALLAH NIHYET MEM TUNGWATU NYA

⁹ Mpe di gom ne Paulus ngat-hi-ngat mem mmun bingat lo, Tuhan pai binoni “Ma adigit tut tungwatu nya au. Ma atri tut nihyet kikau lene ma akes ahyet hon au.

KISAH 18:9 ပူးပေါင်းရင်းမြစ်များ

YESAYA 58:1

tuhan pai “Ma ambrua Ditde limwa nya tignam ba, ando ide sisar brei biyok!

YEREMIA 1:17

Yeremia e, ma atin ei! Aug ngat yok ba, atri tut dicuk nati nya hagom biyok. Ma attin tut yok au. Leu binhyepo dibindei ba, attin yok nindig bibor bu tirigi aya ei yoho bei bi.

NIBWOS-BWOS NYENTI 3:57

Lene amiap ditde nadi leu api akwei dideu da ba, apai ‘Adigit tut au.’

YUNUS 3:2

bipai binoni “Akiju ba, aug ei minu ndig Niniwe lene ma aba acot pai bak timiei nya tut mun di dicuk na tut nya hagom.”

MIKHA 3:8

Noro tut danti ne tuhan kes ninnei kin Nide nisindemti ei dingonti bipingok dingonti tut nisren-srausi. Noni bindei ba, mimbri kui dingkek leu binhyepo dindo mben Israel igyai munti di mbuk bibor brei biyok.

KISAH 16:9

Himmun di ingat rin ei Troas lene Paulus ngat-hi-ngat bingat lo, timiei hanjop Makedonia gom tau hak biya ei Paulus noho bei lene hara noni “Akwei ei Makedonia ba, ampu nye o!”

KISAH 18:10

Lewo Dingat rin bit na. Bit bon tungwatu imbuk tut na kan bi. Lewo dinyeng tak kep timiei minu ndig dini imang bibor.”

KISAH 22:18

bidingat lo, Tuhan ya ei doho bei bipai ‘Abrim amig ba, anang leu minu ndig Yerusalem haninyai lewo timiei minu ndig dini ingon jo kep ahyet di atri tut Da biyok bi.’

KISAH 23:11

Himmun di gwam dip bu lene Tuhan Yesus kwei ya simiak Paulus bipai binoni “Ma ata abou ei ade ningon ngkiemti. Atri tut Dani ei minu ndig Yerusalem tu. Noro ma atri tut Dani ei minu ndig Roma bu.”

KISAH 9:10

Mpe dima lene Ananias di bit Tuhan Yesus no rima ei minu ndig Damsyik. Noni ngat-hi-ngat bimiap Tuhan nihyet di tibim kwei bihig noni “Ananias e?” Ananias miap “Tuhan e, da rini.”

KORINTUS GI NIGOM 9:1

Diyati kwas bidiya kui Tuhan Yesus ba, dingat Noni bou diyai him tu. Jeni ne ningat di kei di ntun da him tug hon midyai di diyai mem Tuhan ri.

TESALONIKA GI NIGOM 2:2

Ba, jikan tut bipia nipou tirigi nihwou ngat je ei minu ndig Tesalonika bigyo ne timiei minu ndig Filipi ihwen bit nye bikucang nye cem. Mbro nok gino tungwatu nya itte tut nye nindig bibor lo, ide Allah bindei ba, nibrim ningkek kep je binitri tut Nihyet Di Kei di kwei leu Nonti bije.