KISAH 18:5 - ALLAH NIHYET MEM TUNGWATU NYA

⁵ Niabiati Silas kin Timotius ikwei leu hanjop Makedonia tu lene Paulus ta nibou ei nitri tut Allah nihyetti bikwop njap ngwa hagom. Noni tri tut bak mben Yahudi bipia Yesus ne Nibou Ndig di teu tungwatu biyai niyaijo nijep biyok di Allah preu ei mem yok ri.

KISAH 18:5 ပူးပေါင်းရင်းမြစ်များ

YEREMIA 20:9

Ne gino dikan “Nna ba misingon prion ser tuhan hak ug ba, sitri tut nihyet tug hon Nonti ninyeng bu bi.” Noro ahyet noyam kin hum mbom di drit ei dingon bei. Dibingon mem gima diku ahyet ei dingonti noro dindei bi.

YEREMIA 6:11

tuhan e, Ade nigga yokti dima tit hum ei dingonti. Nggruk mem gima doom dingonti tut a.” Leu api tuhan pai bida “Asiber ningon sibuisi dima ug ei munggwom di ingat rin ei puig ndigsi nya kin pilei di idem yam ei gom nya dip. Siceu nya mikat pinai nya kin sop nya ug ei ingkiaisi. Yo di ide njap ug ninno tu cem mingwes ngun leu bi.

YEHEZKIEL 3:14

tuhan de nisindemti coi kwei ei dingonti sindem bibor ba, Ninnei kon da bittei da apino dingon mpo-mpam ba, wam cem.

MIKHA 3:8

Noro tut danti ne tuhan kes ninnei kin Nide nisindemti ei dingonti bipingok dingonti tut nisren-srausi. Noni bindei ba, mimbri kui dingkek leu binhyepo dindo mben Israel igyai munti di mbuk bibor brei biyok.

LUKAS 12:50

Ninghuisi wei nindig bibor micut igkep Da ei nidipti bu bidingon buhun tut kikau bibou cut igkep Da bingwig ug e!

LUKAS 16:28

ndam dikinjoi bat nya ibou muhwi ei sirima leu binhyepo sok kep yok ser nhyema icut bisar ei mpia di ditug ndei ninghuisi wei eisi dini bi.’

YOHANES 1:41

Noni ug nggok ser nikindig Simon haninyai bipai bak “Nyeni nuum Nibou Ndig di teu tungwatu nya biyai niyaijo nijep biyok di tungwatu nya ijem ninyeng Kristus tu.”

YOHANES 10:24

mpe dino tungwatu nya ingwig kep Noni bihig ser Noni “Akes hon gino abiti ninda ei njap pig bu i? Gino Nani ne Nibou Ndig di teu tungwatu nya biyai niyaijo nijep biyok rin lene ma apai mungkun leu binhyepo nikan tut hak ug.”

YOHANES 15:27

Jeni cem ma jitri tut Da lewo jiya kui Da leu nimbie him kwei bipek ammani kep tu.”

YOHANES 3:28

Jingon dorti tut mun di dipai sut Noni pima bipia dani ne Nibou Ndig di teu tungwatu nya biyai niyaijo nijep biyok rin bi noro Allah cuk da kwei bibie mem Noni.

KISAH 10:42

Lene Noni cuk nye bipia nuug tri tut Nihyet Di Kei bak tungwatu nya ba, nisimbot dat bipia Allah ndo Yesus Nongkom nok Nikei di mbus yo di igyaijo nya kin yo di imai su nya ingonti.

KISAH 15:22

Yo di igya kui Yesus kin nibou nya kin yo di inggre kin mbusyamei yahagom ikos tut bipia idimig ibou can leu ikieti bipinak yok ug ei minu ndig Antiokhia bit Paulus kin Barnabas. Gima rino idimig Silas kin Yudas di Sabas nipmot. Yo di mbusyamei nye ei minu ndig Yerusalem ijoi sut yo cin dini nindig bibor.

KISAH 16:1

Paulus binut nimbutti buug ei minu ndig Derbe kikau ug ei minu ndig Listra cem. Timotius di ningon jo kep Yesus bong ei minu ndig dima. Nipmem ne sop Yahudi ba, ningon jo kep Yesus. Noro nicig mben Yunani.

KISAH 16:12

Nijo leu minu ndig dima binimbut nimig ug ei minu ndig Filipi. Minu ndig dima ne bon ninyeng ei hanjop Makedonia lewo nibou ndig minu Roma ninyeng tak kep timiei minu ndig Filipi nya yahagom. Nibong ei minu ndig dima mem njap poi.

KISAH 16:9

Himmun di ingat rin ei Troas lene Paulus ngat-hi-ngat bingat lo, timiei hanjop Makedonia gom tau hak biya ei Paulus noho bei lene hara noni “Akwei ei Makedonia ba, ampu nye o!”

KISAH 17:3

Noni mbot kep tut Allah nihyet brei biyok tug hon nibokti di bindo bipia suar Nibou Ndig di teu tungwatu biyai niyaijo nijep biyok di Allah preu ei mem yok yai ninghuisi wei leu api kiju hanyen leu nimaisi. Noni tri tut biyok “Yesus di ditri tut bije dini ne Nibou Ndig di teu tungwatu biyai niyaijo nijep biyok di Allah preu ei mem je ri.”

KISAH 18:28

Lewo noni ba niji di nghai bibrim ningkek kep mben Yahudi di iba ighyet bidahat noni. Apolos bindei ba, icut bak noni bou tungwatu igyai him. Noni kwop srat bokti leu Allah nihyet nok mun di bindo tut Yesus di nok Nibou Ndig di teu tungwatu biyai niyaijo nijep biyok di Allah preu ei mem yok pima.

KISAH 2:36

Gima rino suar mben Israel yahagom igyok ngon kep mungkun kei bipia Allah bindei ba, Yesus di jipek kin biei salib ninyeng Tuhan kin Nibou Ndig di teu tungwatu nya biyai niyai niyaijo nijep biyok cem ri!”

KISAH 20:21

Disok kep mben Yahudi kin ngkiai nya ngkiem leu binhyepo ittin ser ide sisar bikiek bak Allah ba, ingon jo kep Tuhan Yesus cem.

KISAH 20:23

Noro dikan tut bipia tirigi diya bidem minu ndig nya ne Allah Ninnei sok kep da ngkiem bipia midisima ei ig bui nsi ba, ninghuisi wei micut igkep da cem.

KISAH 20:24

Noro dinyohou diyaisi bi lewo diyaisi bon ninyeng mem da bi. Noro diyai kep midyai di Tuhan Yesus ba ningon com da tut nya biput lene gima bon ninyeng mem da gino diba dingon gom bitri tut Nihyet Di Kei tut Allah di singat tut nye kikau ug bipek diyaijo ningwig honti.

KISAH 4:20

Lewo bit bon nikimut nuhui leu mun di ningat bou niyai him binimiap ei nitingou nsi cem kan bi.”

KISAH 9:22

Noro Saulus kum ei nimbrap nihyet sindemti bu ba, ndo bindo di sindem nya tut Yesus bipia Noni ne Nibou Ndig di teu tungwatu biyai niyaijo nijep biyok ri. Apino bit bon mben Yahudi ei minu ndig Damsyik itte tut nihyet dima kan bi.

KORINTUS GI NICAN 1:19

Lewo Allah Nipmot Yesus Kristus di dani kin Silas kin Timotius nitri tut bije nipaisi “I” kin nipaisi “Bi” biluei-luei nyen ningonti bi. Noro noni ne Allah nibuhupti “I” nongkom ri.

KORINTUS GI NICAN 11:9

Tirigi dingat rin bit je ne disuar mun di bahati tut da noro ditindei kep jindati tut munkwas hi bi sren. Disut bat yo di ingon jo kep nya di ikwei leu hanjop Makedonia ipwoi mun di disuar nya hagom kwei bida. Ditindei kep jindati tut munkwas ei nimbie him dima bi lene nogindini ditindei jindati tut munkwas bi sren. Lene nok gima kikau.

KORINTUS GI NICAN 5:14

Kristus ningon ngakei nyeti ninyeng tak kep niyai munti nya. Ba, nikan tut bipia tungwagom ngat mai biya luei nindigsi nya yahagom. Gini ndo bipia yahagom imai ei ide sisarti tu.

FILIPI 1:23

Lewo dingon kanti can brim da. Dimpig bou sut gima dikes diyaisi ei ba, duug gwam bit Yesus lewo gini kei bibor mem da.

TESALONIKA GI NIGOM 3:2

nipinak nisut Timotius di yai midyai nok awak mem Allah noyam kin nye di nitri tut Nihyet Di Kei tut Kristus. Nipinak noni bingkwei hanyen hwou mem gima biwin kep jingonti bibindei ba, jide niba ningon com Yesus Kristusti kum eisi bu,

TESALONIKA GI NIGOM 3:6

Noro noni sindi kwei krau hanyen tu bipui binye tut jide niba ningon com Yesus Kristusti kin jide ningon ngakei yamti cem. Noni pai binye bipia jingon kwes kin nye kikau ba, jijoi sut gi jikwei ngat nye dem kep nok gi nyeni nijoi sut nihwou ngat je hanyen bu.

PETRUS GI NIGOM 5:12

Disut Silas mpu da bipas kep srat dini. Dikan tut bipia noni ne no di Kresten di ningon gom ri. Dibiwin kep jingonti bidipai jit bipia mun di nipas kep ei srat diniti ndo tut Allah nisingat tut nyeti di nijit. Ma jikrop jinda ei Allah nisingat tut nyeti kikau.