KISAH 18:4 - ALLAH NIHYET MEM TUNGWATU NYA

⁴ Noro Paulus ba no bikum mben Yahudi kin timiei minu Yunani nya ei ide ig mbusyamei bikwop ide Njap Nigwam Kep Ninghuisi. Noni simbot kep tut Yesus bit yok bibrim ningkek kep yok leu binhyepo ingon jo kep.

KISAH 18:4 ပူးပေါင်းရင်းမြစ်များ

NITRITI 9:27

Nna ba Allah bindei ba, Yafet de nintun him yamti di bram yam nya idigek bibor ba, ibong bit yo di intun Sem him. Kanaan minok awak mem Yafet.”

NIBOHON MBEN ISRAEL GI NICAN 32:11

Apo Hizkia pai bije bipia jide tuhan Allah miteu je leu nyende nisindemti e? Ma jiba jingon com noni au lewo ris mun bije hak ug. Noni misindui sut je ba, jimai jinggum kin jinggobiau cem.

LUKAS 16:31

Noro Abraham buhup ‘Gino ibit Musa kin nabi nya ide nicukti nya bi lene mice tut bibit no di kiju hanyen leu nimai eisi nihyet cem bi.’ ”

LUKAS 4:16

Lene Noni ngkwei hanyen ug ei nitimieisi ei minu ndig Nazaret leu api coi ug ei mben Yahudi ide ig mbusyameisi mem Njap Nigwam Kep Ninghuisi bit leu nok niyai kepti. Noni kiju leu binhyepo kwop leu Allah Nihyet.

YOHANES 7:35

Lene nibou mben Yahudi nya ihig yam ser “Noni tin ei mem gima mbut ug ei siritou apino ingat Noni bu bi i? Mpaba Noni muug bong bit mben Yahudi di ibong ei mben Yunani ikieti bingginau mben Yunani ei itimieisi e?

KISAH 13:14

Ba, yo cin dima ijo leu minu ndig Perga bimbut imig ug ei minu ndig Antiokhia ei hanjop Pisidia leu api icoi ug ei mben Yahudi ide ig mbusyamei mem ide Njap Nigwam Kep Ninghuisi bigwam bit yo di idem yam ei su.

KISAH 14:1

Mun pima yok hagom cut igkep Paulus kin Barnabas ei minu ndig Ikonium cem. Icoi ug ei mben Yahudi ide ig mbusyamei lene iba iji ngkiem bitri tut nihyet biyok apino mben Yahudi kin ngkiai nya imang bibor ingon jo kep Yesus.

KISAH 17:11

Timiei minu ndig Berea nya igyok ingon mem Paulus nihyet dor njiriek timiei minu ndig Tesalonika. Ingig itingou mem nihyet tut Yesus lene ikieng leu Allah nihyet ba, iba srat bokti dima binai nihyet di Paulus tri tut biyok bikwop njap-njap.

KISAH 17:17

Gima rino noni kin mben Yahudi kin ngkiai nya di ikuk yok bak Allah yahagom iba ighyet bidahat yam ei mben Yahudi ide ig mbusyamei. Noni mbrap bit tungwatu nya ei biyati bikwop njap-njap.

KISAH 18:13

Ipai kep Paulus bak nikei dima bipia “No dini hum tungwatu nya insi leu binhyepo iba nisinati di noyam kin Puig Yahudi nicukti bi bibikuk yok bak Allah!”

KISAH 18:19

Tirigi ikwei krau minu ndig Efesus lene Paulus kes Priskila kin Akwila leu lene coi ug ei mben Yahudi ide ig mbusyamei leu api noni kin mben Yahudi isimbot kep biyam.

KISAH 19:26

Nogindia jingat bou jiyai him bijimiap ei jitingou nsi cem tut no di Paulus bitut ningginau tungwatuti. Noni tri tut bipia kwar di ikuk yo bak di tungwatu ibon bou inda him dima ne nitrowai he. Ba, noni pingok timiei minu ndig Efesus dini he ingonti bi noro pingok timiei hanjop Asia nisurti-nipekti ingonti cem ba, imang bibor itti kin noni.

KISAH 19:8

Paulus ug cem kep mben Yahudi ei ide ig mbusyamei lene ba niji nghai bitri tut nihyet biyok mem bed ningai. Noni ba nihyet bidahat yok leu binhyepo ingon huk niti tut Allah ninyeng tak kepti.

KISAH 26:28

Lene Agripa pai bak Paulus “Ambrap mbigom dini he leu api akan bipia abindei bidinok no di Kresten e?”

KISAH 28:23

Gima rino Paulus kin yoni ipreu ei mem yam tut njap gom dima imbus yam ei. Tirigi tto bou dima dem lene imang bibor induk yam kwei ei nide ig bei. Ba, noni nyohou tri tut nihyet biyok bimbot kep tut Allah Ninyeng Tak Kepti biyok mem mpia nipriti kikau ug bipek mpia nicutti kep. Noni ba ayat di kus leu Puig Yahudi nicukti nya kin Nabi nya ide srat nya cem bipingok yok lene biyai ba, yoni ingon jo kep Yesus.

KISAH 9:20

Lene noni bipbur buug ei mben Yahudi ide ig mbusyamei sindam ba, kinyon ei nitri nihyetti bipai biyok “Yesus ne Allah Nipmot ri.”

KORINTUS GI NICAN 5:11

Nyeni ningon dorti tut nittin tut Tuhanti. Gima rino nibrim ningkek kep tungwatu nya leu binhyepo ikan tut bipia ningon gom. Allah kan tut mun di jo ei nyeni ningon bei. Lene diyok dingon mem gima jeni cem jikan tut da bit leu Allah nikan tut dati.