KISAH 18:27 - ALLAH NIHYET MEM TUNGWATU NYA

²⁷ Jei bi lene Apolos kos tut bipia mbut ug ei hanjop Akhaya. Gima rino yo di ingon jo kep Yesus ei ninu ndig Efesus impu noni bipas srat bak isut bat yo di ingon jo kep nya ei hanjop Akhaya leu binhyepo igya um Apolos. Tirigi noni ug krau hanjop Akhaya lene noni mpu yo di ingon jo kep Yesus tug hon Allah nisingat tut yokti dima nindig bibor.

KISAH 18:27 ပူးပေါင်းရင်းမြစ်များ

KISAH 1:15

Njap poi ser lene yo di ingon jo kep nya ibou sratus gom ningot can idem yam lene Petrus kiju bitri tut nihyet. Noni pai biyok,

KISAH 11:26

Niabiati Barnabas um Saulus lene noni buwak noni bingkwei hanyen kwei ei minu ndig Antiokhia leu api ibong bit yo di inggre kin mbusyamei mem ari bingwam nitindur gom bingginau tungwatu imang bibor. Mpe dima cem tungwatu nya kindi ijem yo di ingon jo kep nya ei minu ndig Antiokhia inyeng Kresten.

KISAH 15:34

Noro Silas kos tut bipia bong ei minu ndig Antiokhia bimbut bi.]

KISAH 18:12

Tirigi Galio yai ninyeng nibou hanjop Akhaya lene mben Yahudi ikes ingon mem yam ba, ikat Paulus bibuwak noni ug ei nikei noho bei.

KISAH 18:18

Gima ngwig lene Paulus bong ei minu ndig Korintus mem bed poi. Leu api noni kes yo di ingon jo kep nya leu lene bri kibar minyei bit Priskila kin Akwila nya biba kibar bitot minyei ngwa dip bingkwei hanyen ug ei hanjop Siria. Noro nipou tirigi noni bri kibar minyei ei minu mien Kengkrea bigyo lene noni kak nibou nta di bet bijei drek dip nipreu mun ei mem Allahti.

KISAH 19:1

Mpe dima lene Apolos ningat rin ei minu ndig Korintus ba, Paulus ya bidem hanjop dima buug krau Efesus buum tungwatu ibou poi di ingon jo kep Yesus.

KISAH 9:27

Noro Barnabas ngondut Saulus bibuwak noni kwei ei yo di igya kui Yesus ikieti biya hacan mem noni. Barnabas pui sut Saulus nuum Tuhan ei puig sinon dideu minu ndig Damsyik bipui sut Tuhan nimbrap bit noniti kin niba niji ngkiem bibrim ningkek mem Yesus ei minu ndig Damsyik cem hagom biyok.

ROMA 1:5

Allah bindei ba, Yesus Kristus singat tut da bikon dinyeng nok no di ya kui Noni bidinok awak mem Noni cem leu binhyepo dibuwak mben dihyeisi dini hagom ndam Yesus leu api iba ingon com Noni bibit nihyet.

KORINTUS GI NIGOM 15:10

Noro nogindini diya diyati nok no di ya kui Yesus tug hon Allah nisingat tut dati. Diyai nisingat tut dati mikuisi bi. Ningat ne dita dibou ei Allah de midyaiti dor njiriek yo di igya kui Yesus nindigsi nya yahagom. Nisindemti di bindei bidita dibou ei midyai dimati kwei leu danti bi noro kwei leu Allah nisingat tut dati lene ba No bikum da mem midyai dima.

KORINTUS GI NIGOM 16:3

Tirigi dihwou ngat jeni ne midicuk ibou poi di jindo yok ei su nya bidiyai srat nibie tut yokti biyok leu binhyepo yuug sut mitiei di jimbus ei su ug ei minu ndig Yerusalem.

KORINTUS GI NIGOM 3:6

Da di Paulus dindim ningan leu api Apolos prok nikioi noro Allah ribindei di nikioi hei bijei bu.

KORINTUS GI NICAN 1:24

Diwit huk je tut mun di suar jingon jo kep nya bi. Lewo nikan tut bipia jingon nddong kei sut jide niba ningon com Kristusti. Noro diyai midyai ei jikieti leu binhyepo dibiyai jingon llei bibor.

FILIPI 1:25

Dingon ngkiem tut dingon kanti gom ndia. Gima rino dikan tut bipia midigwam bit je leu binhyepo dibimpu je. Tug hon nisinati dima dibindei mbut jide nisindemti kin jide ningon llei biborti drek dip jingon jo kepti.

FILIPI 1:29

Lewo Noni singat tut je ba, ubon je nok awak mem Kristus leu binhyepo jiba jingon com Noni he bi noro jiyai ninghuisi wei drek dip Noni.

KOLOSE 2:12

Lewo mpe di itur je ei minyeti lene jibicom yam bit Kristus tereu nok nitig je ei jui nsi bit Kristusti leu api jiba nitur je dima biyai nikiju hanyen leu nimai eisi bit Kristus lewo jiba jingon com Allah di ba Nide nisindemti biwin Kristus hanyen leu nimai eisi.

KOLOSE 4:10

Aristarkhus cem no sima ei ig bui nsi bit da ba, pigo je. Markus dino Barnabas nittom cem pigo je. (Gino Markus hwou ngat je lene ma jicigit noni kui jide ig lewo jiyai srat nicuk jeti di nipinak hwou di bitut noni tu.)