KISAH 18:2 - ALLAH NIHYET MEM TUNGWATU NYA

² Noni um Akwila di mben Yahudi di nitimieisi leu hanjop Pontus ei minu ndig dima. Akwila kin nitnem Priskila sindi ijo leu minu Italia bikwei krau minu ndig Korintus drek dip Kaisar Klaudius di jji mben Yahudi yahagom leu minu ndig Roma. Paulus ug cem kep yok,

KISAH 18:2 ပူးပေါင်းရင်းမြစ်များ

KISAH 11:28

Nabi Agabus cem ningat rin bit yok. Noni kiju biya lene ba nisindemti leu Allah Ninnei bimbot kep tut ninggum nindig bibor di mikieng kep dihyei nisurti-nipekti. (Ba, nimbot kepti dima cut igkep tungwatu nya ei mpe dino Klaudius nok nibou ndig mem yok.)

KISAH 18:18

Gima ngwig lene Paulus bong ei minu ndig Korintus mem bed poi. Leu api noni kes yo di ingon jo kep nya leu lene bri kibar minyei bit Priskila kin Akwila nya biba kibar bitot minyei ngwa dip bingkwei hanyen ug ei hanjop Siria. Noro nipou tirigi noni bri kibar minyei ei minu mien Kengkrea bigyo lene noni kak nibou nta di bet bijei drek dip nipreu mun ei mem Allahti.

KISAH 18:26

Noni kindi tri nihyet bibrim ningkek kep tungwatu nya ei mben Yahudi ide ig mbusyamei. Tirigi Priskila Akwila nya imiap Apolos ningginau tungwatuti lene ibuwak noni kwei ei ide ig bei leu api ipingok ningonti igbit tut Allah ningon kanti dima teu tungwatu biyai niyaijo nijep biyok tug hon Yesus.

KISAH 2:9

Lewo nyeni itimieisi leu hanjop Partia kin Media kin Elam kin Mesopotamia kin Yudea kin Kapadokia kin Pontus kin Asia kin,

KISAH 27:1

Niabiati nibou nya ikos tut bipia ipinak nye ug ei minu Italia lene ikes Paulus kin yo di isima nya ibou poi ei kompi Yulius nindati. No dini ne tentara Roma gom di nggre kin “Nimpung Kaisar” ri.

KISAH 27:6

Lene Kompi ngat kibar hiter bu di kwei leu minu ndig Aleksandria ba, mbigom mbut kikau ug ei minu Italia. Gima rino noni buwak nye binibri kibar dima.

KORINTUS GI NIGOM 16:19

Mbusyamei nya ei hanjop Asia hagom ipigo je. Akwila kin Priskila kin yo di mbusyamei ei ide ig bei cem yahagom ipigo je bibor ei Ninjei Bit Krestenti.

2 TIMOTIUS GI NICAN 4:19

Dipigo Priskila kin Akwila kin Onesiforus de ig bei nsi nya.

IBRANI 13:24

Nipigo jide nibou nya kin Allah de limwa nya jahagom. Yo di inggre kin mbusyamei ei Italia cem ipigo je.

PETRUS GI NIGOM 1:1

Srat dini leu da di Petrus di diya kui Yesus Kristus. Srat dini mem Allah de limwa nya di intek gimahap bibong bidem ingkiaisi ei hanjop Pontus kin Galatia kin Kapadokia kin Asia kin Bitinia.