KISAH 17:4 - ALLAH NIHYET MEM TUNGWATU NYA

⁴ Leu api tungwatu nya ibou poi bitut mben Yunani imang ndig di ikuk yok bak Allah kin sop di inyeng jei nya imang bibor cem yahagom ingon jo kep Yesus leu api itti kin Paulus kin Silas.

KISAH 17:4 ပူးပေါင်းရင်းမြစ်များ

NIPINGOK NINGONTI 13:20

Gino ahig asut bit yo di ingon ki nya lene jei bi nani cem angon ki. Gino ahig asut bit yo di ingkek ndok nya ne abindei ba, mun di buhun micut igkep na.

NIPINGOK NINGONTI 9:6

Ma jikes hon jide ningon mbumti leu binhyepo jiyai ningon nggei-hi-nggeisi. Ma jibit yo di ingon ki nya ide puig di imbut a.”

DIUN MIMUN 6:1

“Na di sop ubbu ngat e, no di angon ngakei ug ei tiritou i? Ninyan ubbu e, no di angon ngakei ug ei tiritou i? Apai binye leu binhyepo nimpu na bininggok ser.”

ZAKHARIA 2:11

Ei nijam dima lene ngkiai nya imang bibor mikwei ndam tuhan bikuk yok bak binok Nide limwa nya. Noni migwam ei jikieti lene mijikan tut bipia tuhan rino cuk da hwou ndam je a.

YOHANES 7:35

Lene nibou mben Yahudi nya ihig yam ser “Noni tin ei mem gima mbut ug ei siritou apino ingat Noni bu bi i? Mpaba Noni muug bong bit mben Yahudi di ibong ei mben Yunani ikieti bingginau mben Yunani ei itimieisi e?

KISAH 13:43

Niabiati tungwatu pima yok yahagom intek gimahap bingwig leu lene mben Yahudi imang bibor kin ngkiai nya di itti kin puig Yahudi ibit yok. Gima rino Paulus kin Barnabas imbrap bit yok bibiwin kep ingonti leu binhyepo iba ingon com Allah nisingat tut yokti.

KISAH 13:50

Noro mben Yahudi ikes ingon bak andigpoi di inyeng jei nya ei minu ndig dima kin sindig di inggre kin nimpung di inyeng jei nya di ikuk yok bak Allah cem. Yo dini ikes ingon kanti bak tungwatu nya bibindei ba, ihwen bit Paulus kin Barnabas bijji yok leu ide minu ndig dima.

KISAH 14:1

Mun pima yok hagom cut igkep Paulus kin Barnabas ei minu ndig Ikonium cem. Icoi ug ei mben Yahudi ide ig mbusyamei lene iba iji ngkiem bitri tut nihyet biyok apino mben Yahudi kin ngkiai nya imang bibor ingon jo kep Yesus.

KISAH 14:4

Noro timiei minu ndig dima isrep tut yam ba, bihi itti kin mben Yahudi lo, bihi itti kin Paulus kin Barnabas.

KISAH 15:22

Yo di igya kui Yesus kin nibou nya kin yo di inggre kin mbusyamei yahagom ikos tut bipia idimig ibou can leu ikieti bipinak yok ug ei minu ndig Antiokhia bit Paulus kin Barnabas. Gima rino idimig Silas kin Yudas di Sabas nipmot. Yo di mbusyamei nye ei minu ndig Yerusalem ijoi sut yo cin dini nindig bibor.

KISAH 15:27

Gima rino nipinak Silas kin Yudas hwou. Nihyet di yoni mitri tut bije dima noyam kin srat bokti di nipas ei sratti mem je.

KISAH 15:32

Yudas Silas nya ne nabi rin ba, yuhuk ighyet bibiwin kep yo di ingon jo kep nya ei minu ndig Antiokhia ingonti bibindei ba, yo dima igyai ningon di ngkiem kin nisindemti cem.

KISAH 15:40

Paulus buwak Silas ba, yo di mbusyamei ei minu ndig Antiokhia ingat nadi kep yok leu binhyepo Tuhan singat tut yok kikau bidem imbutti.

KISAH 16:3

Paulus kos tut ningon kanti bak Timotius leu binhyepo noni cem bit yok. Gima rino noni bindei ba, Timotius yai midut sunat lewo mben Yahudi yahagom ei hanjop nsi dima ikan tut bipia Timotius nicig ne mben Yunani ri.

KISAH 17:10

Yo di ingon jo kep nya ei minu ndig Tesalonika ipinak Paulus kin Silas ug ei minu ndig Berea mem himmun ndia. Tirigi yuug krau lene icoi ug ei mben Yahudi ide ig mbusyamei.

KISAH 17:12

Timiei minu ndig Berea imang bibor bitut sop nya kin pinai nya di mben Yunani di inyeng jei nya imang bibor cem yahagom ingon jo kep Yesus.

KISAH 17:14

Yo di ingon jo kep nya ei minu ndig Berea ibipbur bibuwak Paulus ug ei mukti noro Silas kin Timotius igwam nyahan.

KISAH 17:17

Gima rino noni kin mben Yahudi kin ngkiai nya di ikuk yok bak Allah yahagom iba ighyet bidahat yam ei mben Yahudi ide ig mbusyamei. Noni mbrap bit tungwatu nya ei biyati bikwop njap-njap.

KISAH 17:34

Noro ibou poi di isrig yo dima ikieti itti kin Paulus ba, ingon jo kep Yesus. Yo dini inyeng Dionisius di nggre kin dewan Areopagus nya kin no di sop di ninyeng Damaris kin nindigsi nya ibou poi cem.

KISAH 18:4

Noro Paulus ba no bikum mben Yahudi kin timiei minu Yunani nya ei ide ig mbusyamei bikwop ide Njap Nigwam Kep Ninghuisi. Noni simbot kep tut Yesus bit yok bibrim ningkek kep yok leu binhyepo ingon jo kep.

KISAH 19:10

Noni yai midyai dima kikau mem ari bingwam can apino Allah nihyet tibim ei mben Yahudi kin ngkiai nya di ibong ei hanjop Asia yahagom itingou nsi.

KISAH 2:44

Yo di ingon jo kep Yesus yahagom inok gom ba, ingon ce yam bi lene ibippiet mun di inyeng tut nya biyam.

KISAH 21:28

leu api iba ighyet di ten bipai “Je di mben Israel e, jikwei mpu nye o! No dini ya bidem dihyeisi dini nisurti-nipekti bipingok tungwatu nya ingonti tug hon ningginausi di srep tut nye di mben Israel kin Puig Yahudi nicukti nya kin Tuhan De Ig dini. Nogindi pa noni buwak ngkiai nya kwei ei Tuhan De Ig bibindei ba, nirom kui mpia di dia-diau dini o!” (

KISAH 28:24

Leu api ibou poi ingon jo kep Paulus nihyet noro ibou poi isrep tut.

KISAH 4:23

Niabiati Nikei Puig Yahudi Nya ikes yok leu lene Petrus kin Yohanes ingkwei hanyen bingat isut bat yo di inggre kin mbusyamei nya bipui sut mun di imam kin nibou kintrorti nya icug yok tut.

KORINTUS GI NICAN 8:5

Lene ikwas munkwas bidor tunggwei niba ningon com yok tutti. Nimbie him ne idimig yonti njem ei mem Allah leu api ice tut bibit nipingok yokti bit leu Allah ningon kanti mem yok.