KISAH 17:32 - ALLAH NIHYET MEM TUNGWATU NYA

³² Tirigi yo dima imiap Paulus tri tut tungwagom di kiju hanyen leu nimai eisi tu lene ibou poi ipa ndip noni lo, hiter ipai binoni “Ningon ya mem nituti tirigi akwei tri tut nihyet dini hanyen binye.”

KISAH 17:32 ပူးပေါင်းရင်းမြစ်များ

NITRITI 19:14

Gima rino Lot bisau buug ngat pinai cin di igyok wa kep nipmisop bat cin lene bidip huk yok bipai “Suar jibipbur ba, jinang leu sirini lewo tuhan micok tut hagom ug ri.” Noro ikan bigya noni cat eisi he.

NIBOHON MBEN ISRAEL GI NICAN 36:16

Noro iba tungwatu nya di tuhan pinak yok kwei nya bikek ba, ipa tut Nide nabi nya bico kep nihyet cem. Apino bitig di tuhan gga yok dino bitbon puig hi mem gima ingwes ngun leu hukum di Noni mikes ei yokti dima bi a.

LUKAS 14:18

Noro yahagom ijem sigyo sindam biyoom yok leu pesta di noni ngei mem yok. Gi nigom pai bak awak dima ‘Sindi dipek dihyei hanjop nsi gom ba, suar duug yok diyai kep nipou ug e. Gima rino doom da leu.’

LUKAS 22:63

Yo di ikat Yesus iba Yesus bikek bibui Noni.

LUKAS 23:11

Herodes kin nide tentara nya iba Yesus bikek ba, iba ighyet bicig Noni cem. Ijuk sinsun ndok di jei di nibok kak ei Noniti leu api Herodes pinak Noni bingkwei hanyen ug ei Pilatus noho bei.

LUKAS 23:36

Tentara nya cem iba ighyet bicig Noni. Ikwei su biei ngat ningei di hyenha biNoni bidut,

KISAH 13:41

‘Je di jihyet wer mpi hi tut Allah e, ma jiyok ngon kep gini. Mijinggap leu sut bijisar hak ug. Mbro nok gino tungwagom mbot kep tut brei bije lo, jingon jo kep Ditde midyai di diyai nya mem nijam dini bi.’ ”

KISAH 17:18

Guru nya ibou poi leu nimpung Epikuros kin ibou poi leu nimpung Stoa cem iba ighyet bidahat Paulus ba, ibou poi ihig yam “Guru di ningon mbum dini huk nihyet tut mindei ngan i?” Leu api hiter ibuhup “He ma noni tri tut ngkiai nya ide mun di ikuk yo bak e?” Ibuhup biyam nok lewo Paulus tri tut Yesus kin nikiju hanyen leu nimai eisi.

KISAH 17:31

Lewo Noni kos tut bitto bou dima Noni ba ningon di sren-srau bibirop hanyen bak tungwatu dihyeisi dini yahagom tug hon tungwagom di Noni dimig ei dima. Noni ndo bindo bak tungwatu yahagom tirigi Noni win no dima leu nimai eisi.”

KISAH 17:33

Lene Paulus kes yok bimbut leu yok.

KISAH 2:13

Noro ibou poi iba ighyet bicig yo di ingon jo kep nya bipai “Yo dini idut mun di pu yok!”

KISAH 24:25

Noro Paulus huk nihyet kikau bitri tut ningon srenti kin noom ningonti kin hukum di micut igkep tungwatu nya mem Njap Ningwig Honti cem. Feliks ningon ttin bibor bimbrua Paulus drek dip bipai “Cobi! Nogindini disindui sut ba, ambut hak ug. Mpe hi bu tirigi bon nikwesti mem da lene midihig na hanyen kwei.”

KISAH 25:19

Noro Paulus kin yoni iba ighyet bidahat yam tut mun di ikuk yok bak kin No di ninyeng Yesus di mai su lo, Paulus kon nihyet tut bipai bipia kiju hanyen leu nimai eisi tu.

KISAH 26:8

Nggon rino disut bat di mben Yahudi di isrig ikieti ikan bipia bit bon Allah win nimai hanyen leu jui nsi kan bi i?

KORINTUS GI NIGOM 1:23

Noro tut nyeni ne nitri tut Kristus nimai ei biei salibti. Mben Yahudi ingon mpo tut nihyet dima ba, ngkiai nya ikan bipia nihyet dima ne nihyet minyei he ri. Lene ngkiai nya ikan bipia nihyet dima ne nihyet pei mbum ri.

KORINTUS GI NIGOM 15:12

Gino nitri tut bipia Allah win Kristus hanyen leu nimai eisi tu lene nggon rino jibou poi jisimbot dat bipia Allah win yo di imai nya hanyen leu imai eisi bi i?

KORINTUS GI NIGOM 4:10

Nyeni ningon mbum ei tungwatu nya igyai him drek dip Kristus lo, jingon ki ei tungwatu nya igyai him tug hon jide ninok gom kin Kristusti! Niwei bibor noro jisindem bibor! Tungwatu nya ingwes pri gau nye noro inggei-nggwang tut je!

KORINTUS GI NICAN 6:2

Bit leu nok ipas ei Allah nihyetti Allah pai, “Tirigi tto bou dem mem dingondut je ne dimiap jihyet. Tirigi njap niteu je leu sisar biyai niyaijo nijep bijeti dem ne dimpu je.” Jimiap e, nogindini bon nituti di kei mem Allah ngondut je. Njap di ammani ne njap di kei mem Allah teu je leu sisar biyai niyaijo nijep bije ri!

IBRANI 11:36

Yo di isibut nya iba ighyet bicig yok cem imbas yok cem iba lante biteu yok ug ei ig bui nsi cem.

IBRANI 13:13

Ma jikwei ba, yuug ya kin Noni ei minu ndig nisai ma kwei bitug ndei nipai nye kineisi bit Noni.