KISAH 17:23 - ALLAH NIHYET MEM TUNGWATU NYA

²³ Lewo tirigi dimbut-mbut nyen ei jide minu ndig dini lene dingat mpia ttou nsi di jikuk je bak jide kwar eisi nya bidittau kep nimbar hum dok mem midut gom di srat bokti joti. Ipas eisi ‘Mem Allah Di Nikan Tut Bi.’ Mbro nok gino jingon kiowi tut Allah di jikuk je bak dima lo, nogindini dindo Noni brei bije.

KISAH 17:23 ပူးပေါင်းရင်းမြစ်များ

MAZMUR 147:20

Noni bibon ngkiai nya hi nok gima bi sren. Yo dima ikan tut Nide niggai serti nya bi. Ma inggei sut tuhan!

MAZMUR 50:21

Jiyai kep gima yok hagom lo, digwam nyahan leu. Gima rino jikan bipia Dani dinoyam kin jeni. Noro tini bu ne dinjei kep jeni ba, dibindei mun dima yok hagom bijo nibreisi mem je.

YESAYA 45:4

Mbro nok gino akan tut Da haigtu bi lo, dihig anyeng ba, dikon na nok nibou ndig. Dicuk na leu binhyepo ahati tut Ditde awak di mben Israel di didimig yok ei ba, inok Ditde limwa nya.

MATIUS 15:9

Ikuk yok biDa mikui-kausi lewo ipingok yam tut tungwatu nya ide nidimig sutti bipai biyok ‘Gima ne Allah nidimig sutti ri.’ ”

YOHANES 17:25

Arig di ningon sren-srau e! Tungwatu dihyeisi dini ikan tut Na bi sren noro dikan tut Na ninno tu. Yo dini ikan mungkun tut bipia acuk Da kwei.

YOHANES 17:3

Gino tungwatu nya iba ingon com bipia Nani ne Allah gom ngat di nijit rin ba, iba ingon com Yesus Kristus di acuk kwei lene igyai niyaijo nijep di jo kikau.

YOHANES 4:22

Je di mben Samaria jikan igbit tut mun di jikuk je bak bi. Noro nye di mben Yahudi nikan igbit tut No di nikuk nye bak. Lewo niyai niteu leu sisarti kin niyaijo nijep tug hon mben Yahudi.

YOHANES 8:54

Yesus buhup “Gino dibingon mem gima dikon dinyeng ne dinyeng jeisi dima bon ninyeng bi. Noro gi kon dinyeng ne Dicig di jipai sut Noni bipia jide Allah rin lo,

KISAH 17:30

Allah ba niyai ngat nijam ndi po tungwatu nya ingon mbum pima. Noro tini bu ne Noni cuk tungwatu nya ‘Ma yahagom ittin ser ide sisar bikiek ndam Allah hak.’

ROMA 1:28

Allah sindui sut yok ba, ingon kanti di mpiei bibor bindei ba, igyai kepti nya tunggwei sut Allah ningon kanti mem yok lewo ikou sut gima ipwoi nimbot kepti di nijit-jau tut Noni ei ingonti.

KORINTUS GI NIGOM 1:21

Lewo Allah di ningon ki bindei ba, bit bon tungwatu nya ingon jo kep Noni tug hon ide ningon kiti kan bi. Noro Noni kos tut bipia Noni miteu yo di ingon jo kep Noni leu sisar biyai niyaijo nijep biyok tug hon nihyet di nyeni nitri tut biyok lo, tungwatu nya ikan bipia nihyet dima ne nihyet minyei he ri.

KORINTUS GI NIGOM 8:5

Tungwatu nya ijem mun nyeng mang bibor di jo ei mpia-bbed him kin gi jo ei dihyeisi dini inyeng allah cem tuhan cem. Noro ningat ne mun dima ne allah kin tuhan nijit nya rin bi.

EFESUS 2:12

Mpe dima lene jinok gom kin Kristus bi. Jeni ne ngkiai nya di inggre kin Allah de limwa nya bi ri. Jipriet kin gi preu di Allah ba neheng bipreu ei mem Nide limwa nya cem bi. Leu gi po jiyaijo ei dihyeisi dini lo, jingon cut leu mun di jiyok jingon mem bijiba jingon srip huk tut Allah bi.

TESALONIKA GI NICAN 2:4

No dima mitte tut mun di tungwatu nya ibikuk yok bak kin nung nya di ikuk yok bak hagom leu api mikon ninyeng jei dor njiriek ninyeng hagom bigwam jug ei Tuhan De Ig bitri tut bipia noni ne Allah ri.

TIMOTIUS GI NIGOM 1:17

Dem mem gima inggei sut Allah Nongkom di Nibou Ndig bidem nijam hagom. Niyaijo kikau ba, bit bon tungwatu nya ingat Noni bou igyai him kan bi. Ma ikon ninyeng kikau buug hon nohonti bi! Igbit ri.

YOHANES GI NIGOM 5:20

Ba, ingon dorti tut bipia Allah Nipmot kwei bibindei ingon ki leu binhyepo ikan tut Allah di nijit. Igyaijo nok gom kin Allah di nijit ba, igyaijo nok gom kin Nipmot Yesus Kristus cem. Noni ne Allah di nijit di bindei ba, igyai niyaijo nijep di jo kikau ri.