KISAH 17:11 - ALLAH NIHYET MEM TUNGWATU NYA

¹¹ Timiei minu ndig Berea nya igyok ingon mem Paulus nihyet dor njiriek timiei minu ndig Tesalonika. Ingig itingou mem nihyet tut Yesus lene ikieng leu Allah nihyet ba, iba srat bokti dima binai nihyet di Paulus tri tut biyok bikwop njap-njap.

KISAH 17:11 ပူးပေါင်းရင်းမြစ်များ

AYUB 23:12

Dibit Allah nicuk dati nya bikwop mmun-njap. Digibit mun di diyok dingon mem nya bi leu binhyepo dibit Nonti ningon kanti nya.

MAZMUR 119:100

Dingon ki dor njiriek andig-ndau nya lewo dibit Ade nikos tutti nya.

MAZMUR 119:148

Dibong mai mem mmun jei bi leu binhyepo diba dingon bisrip huk Ade ningginausi nya.

MAZMUR 119:97

Dingon ngakei Ade nicukti nindig bibor. Dikan-kan nyen tut bikwop mmun-njap hagom.

NIPINGOK NINGONTI 1:5

Tug hon nipingok tungwatuti nya dini yok mibindei ba, yo di ingon ki nya mikum ei ide ningon kiti lene bie tut yo di ipikor nya cem.

NIPINGOK NINGONTI 8:10

Ma jingat jingwes ei ditde nipingok jeti nindig bibor dor njiriek gi jingat jingwes ei perakti. Ma jingat jingwes ei ningon kiti nindig bibor dor njiriek gi jingat jingwes ei masti.

NIPINGOK NINGONTI 9:9

Gino apingok no di ningon ki ningonti lene nide ningon kiti mikum eisi bibor. Gino angginau no di bit Allah nihyet lene nide nintin kimboti mikum eisi bu.

YESAYA 34:16

Ma jinggok ser ba, jikwop ei tuhan de sratti leu api mijingat lo, mindhe ninyeng gom mipror leu mindhe-ndhe pima yok hagom ikieti bi. Niwek mipror leu nikre bi ba, hagom jo hon yam. Lewo tuhan Nonti rino cuk yok lene Nonti rino ba yok bicom yam ei dima.

YESAYA 8:20

Noro ma jibuhup biyok, “Ma jimiap kep tuhan nipingok jeti! Yo di ipai mun tunggwei sut nipingok jeti dima ibon ide mun di igyok ingon mem hi bi.”

YEREMIA 2:21

Dita je bijinok ba anggur nikioi di kei bibor. Noro tini bu ne jinok ba anggur di ngoi-nga di bit bon ngat ningat kan bi.

MATIUS 13:23

Ba, njita ngan di cut ug ei dihyei suti bindo tut yo di intu kep nihyet bimiap ba, ningat ntun him. Ningat sratus gom ntun bihi him lene ningat ningot muhwindagom ntun bihi him lene ningat ningot ningai ntun bihi him bibikwop nok.”

LUKAS 1:2

Yo dima ipas kep mun di tungwatu nya ingat bou igyai him habiei leu nimbie him di ipui kep binye leu api itri tut hanyen bu.

LUKAS 11:3

Ma akwas njita di nisuar mem njap di ammani tut nye.

LUKAS 16:29

Abraham buhup ‘Allah niggai serti di tug hon Musa kin nipas kepti di tug hon nabi nya hagom jo bak akinjoi bat nya tu. Nnaba igyai igbit leu nok srat dima yok nicuk yoti!’

LUKAS 24:44

Yem njita tu lene Noni pai biyok “Mun po dipai bije nipou tirigi dingat rin bit je pima suar dem igbit. Gima ne mun di ipas ei Puig Yahudi nicukti nya kin nabi nya ide srat nyati kin srat Mazmurti tut Da hagom suar dem igbit.”

YOHANES 3:21

Noro no di yai igbit Allah ningon kanti kwei ndam nipigati leu binhyepo nipigati piga digai nide niyai igbit Allah ningon kanti.”

YOHANES 5:39

Jipikor tut Allah nihyet bokti ninno tu lewo jikan bipia jibiyai niyaijo nijep di jo kikau. Noro Allah nihyet bokti dima ndo tut Da.

KISAH 10:33

Gima rino disok dihyet haninyai hwou ndam na di Andigpoi a. Jo nibreisi bipia angon nggriu sut nye jit-jau lewo akwei su. Nogindia nahagom ninduk yam kwei ei Allah niyai him biningon ya mem nihyet di Allah mipai tug hon na di Andigpoi ahui him.”

KISAH 11:1

Lene yo di igya kui Yesus kin nindigsi di ingon jo kep nya bidem hanjop Yudea nisurti-nipekti imiap tut ngkiai nya inghapti bipia ijoi sut ibit Allah nihyet.

KISAH 17:1

Paulus kin Silas imbut imig bu bigya bidem hanjop Amfipolis kin Apolonia kikau biyuug krau minu ndig Tesalonika. Mben Yahudi ide ig mbusyamei gom jo ei minu ndig dima.

KISAH 2:41

Tungwatu ningot ndig ingon jo kep Petrus nihyet leu api igyai nitur yok ei minyeiti. Yo dini imangti ibou sribu ningai ba, iba yo bikum yo di ingon jo kep nya ei njap gom ndia.

NINDAT KEP TUHAN NICUKTI NYA 29:29

Ide tuhan Allah ku mimun tut mun nyeng poi noro Noni ndo Nikos Tutti Nya bak nyeni tu. Gima rino suar nyeni kin ide nintun him yamti di bram yam nya ibit nihyet bijo ninno bijo kikau hak ug.”

TESALONIKA GI NIGOM 1:6

Jiyai bram nyeni niyaisi kin Tuhan cem niyaisi. Mbro nok gino tungwatu nya ihwen bit je lo, jiba jingon di llei biya um Nihyet Di Kei di nitri tut bije. Ningon di llei dima nibousi rino Allah Ninnei di pingok ei jingonti.

TESALONIKA GI NIGOM 2:13

Mun nyeng gom kin bu di bindei dino nijem sigyo bak Allah rinok gini. Tirigi nitri tut Nihyet Di Kei leu Allah bije lene jimiap ba, jice tut nihyet dima tereu nok mun di tibim leu tungwatu nya yuhui him bi noro nok mun di nijit-jau di kwei leu Allah Nonti. Noni yai midyai ei je di jingon jo kep Kristus jingonti.

TESALONIKA GI NICAN 2:10

Noni miba ninda di dut biris yo di yuug dor humti. Yo dima misar ei hum njengti drek dip gi ingkek ndok bipwoi nihyet di nijit ei ingonti bi ba, ikan bipia nihyet di sindem mem gima teu yok leu sisar biyai niyaijo nijep biyok bon ninyeng bi.

YAKOBUS 1:21

Gima rino ma jicom mun di biyai jingon rom kin mun di kinei di rap je nya. Ma jiba jibou coi sut Allah kin nihyet di Noni ndim ei jingonti lewo nihyet dima sindem mem gima teu je leu sisar biyai niyaijo nijep bije.

PETRUS GI NIGOM 2:2

Ma jibingon nok munggwom ngwoi di sindi srek ba, jingon rai Allah nihyet di nok do ngei di pimbai kei. Tug hon nisinati dima rino jimahan bijiyai niteu leu sisarti kin niyaijo nijep.