KISAH 16:36 - ALLAH NIHYET MEM TUNGWATU NYA

³⁶ Gima rino nibou ig bui pai bak Paulus “Andigpoi e, nibou nya isok ighyet kwei leu binhyepo nikau dimbou ig bui leu je leu binhyepo jehei ba, jimbut hak. Gima rino ma jimbris nyahan bijimbut hak ug.”

KISAH 16:36 ပူးပေါင်းရင်းမြစ်များ

NIBOU NDIG NYA GI NICAN 5:19

Elisa buhup “Aba angon di jo nyahan bimbut ug!” Lene Naaman kes noni bimbut. Tirigi noni mbut ba, jei bigyo lene,

NEHEI LEUSI 4:18

Lene Musa ngkwei hanyen buug ngat nipmang Yitro bipai binoni “Gino ace tut lene midingkwei hanyen ug ei minu Mesir leu binhyepo diyok diyai kep dide bat nya.” Lene Yitro ce bipai “Acem ambut.”

MARKUS 5:34

Gima rino Yesus pai binoni “He dikwohop ndia ug o, akei hanyen tug hon ade niba ningon com Dati. Dikes na ba, aba angon di jo nyahan bingkwei hanyen hak ug lewo akei hanyen tu!”

YOHANES 14:27

Diyai ningon di jo nyahan bije. Ningon di jo nyahan dima ne Ditde rin ba, dikwas ndrim hi tut je. Ningon di jo nyahan di diyai bije noyam kin ningon di jo nyahan di tungwatu dihyeisi dini igyai bije bi. Ma jingon bos-bos nyen ba, jingon digit cem au.

KISAH 15:33

Niabiati yo cin dima ibong ei minu ndig Antiokhia mem ari poi bu lene yo di inggre kin mbusyamei nya ipinak yok bingkwei hanyen ba, isok gi ipigo yok ei yoni dip bak yo di ipinak yok kwei. [

KISAH 16:23

Imbas yok kinei-kinau leu api inggam yok ei ig bui nsi. Nibou pima yok isok kep nibou ig bui ngkiem bipia ma noni nggam yok bingkiem.

KISAH 16:27

Nibou ig bui drui sut niiman bingat lo, dimbou nya ei ig bui dima hagom kau su. Gima rino noni hit nide simeda lene pi bidat nonti bimai lewo kan bigya yo di isima nya yahagom inang bingwig leu ig bui nsi tu.

KISAH 16:35

Njapti kui bu lene nibou pemerinta Roma isok ighyet ei ide yo di igya ser nya dip bak nibou ig bui bipai “Ma akau dimbou ig bui leu yo cin pima leu binhyepo yehei bimbut hak ug.”

NIJAM NIKEI NYA 18:6

Lene imam dima buhup “Dwai! Jingon ku jenti tut au. tuhan ce tut jimbutti dini tu.”

SAMUEL GI NIGOM 1:17

Lene Eli buhup “Gi nok lene ma aba angon di kwes bingkwei hanyen ug ei atimieisi. Handei kon ba, mben Israel ide Allah mibuhup ahyet bit leu angon kanti.”

SAMUEL GI NIGOM 20:42

Lene Yonatan pai bak Daud “Handei kon ba, Allah misindem tut na. Noni minyohou tou kep sa kin side nintun him yamti di bram yam nya ser nhyema singon kin yoni ingon mingkwei leu gi preu di sipreu ei mem yamti pima bi bijo ninno bijo kikau.” Lene Daud kes noni ei bimbut leu api Yonatan ngkwei hanyen ug ei nide minu ndig.

SAMUEL GI NIGOM 25:35

Lene Daud yai mun di Abigail ttei kwei mem noni leu nindati bipai bak “Dwai! Angkwei hanyen ug ei ade ig hak ug lene ma angon mbut-mbut nyen tut au. Midiyai igbit mun di ahara da tut pima hagom binani yo.”

SAMUEL GI NIGOM 29:7

Gima rino ma aba angon di jo nyahan ba, anyohou ngkwei hanyen ug ei ade minu mien pima hak ug. Ma abon mun di biyai nibou ndig dima yok ingon di sibui sut nani au.”