KISAH 16:31 - ALLAH NIHYET MEM TUNGWATU NYA

³¹ Paulus kin Silas ibuhup “Ma angon jo kep Tuhan Yesus leu api Noni miteu na leu sisar biyai niyaijo nijep bina kin ade ig bei nsi nya cem jahagom.”

KISAH 16:31 ပူးပေါင်းရင်းမြစ်များ

NITRITI 17:7

Dani midiyai bipek kep gi preu po di dipreu ei bit nani kin ade nintun him yamti di bram yam nya cem ba, gima ne gi preu di ngkiem bibor bijo ninno bijo kikau ri. Midinok ade Allah kin yo di intun nani him cem ide Allah.

NITRITI 18:19

Sidimig noni leu binhyepo noni micuk nimunggwom bat nya kin nide nintun him yamti di bram yam nya leu binhyepo ibit sihyet ba, igyai mun di igbit cem ingon sren cem. Gino igyai gima hagom nok lene misiyai bit leu nok gi sipreu ei mem noniti pima ri.”

YESAYA 45:22

Je di tungwatu dihyeisi dini e, ma jingkwei hanyen ndam Da leu binhyepo diteu je bijingwes ngun! Dangkom ngat he rino Allah ba, allah hiter ningat rin bi.

YEREMIA 32:39

Midibindei ba, ikos tut ingon kanti gom ngat. Ingon kanti gom ngat di ikos tut dima rino ibou cut bak Dani bijo ninno bijo kikau. Ide nikos tutti dima mibindei ba, mun di kei mipek kep mem yonti kin ide nintun him yamti di bram yam nya yo.

HABAKUK 2:4

Ma apas kep ‘Yo di imbuk bibor mingwes ngun bi noro yo di ingon sren nya migyai niyaijo drek dip ide ningon gom tut Allahti.’ ”

MARKUS 16:16

Yo iba ingon com Noni bi mitug ndei hukum. Noro yo di iba ingon com Noni di itur yok ei minyeiti migyai niteu leu sisarti kin niyaijo nijep.

YOHANES 1:12

Lo, tungwatu nya bihi igya um Noni leu api iba ingon com Noni. Gima rino Noni bindei ba, idem mem gima inok Allah nimunggwom bat nya.

YOHANES 20:31

Noro hi pas kep mindur dini yok hagom leu binhyepo jingon jo kep bipia Yesus ne Nibou Ndig di teu tungwatu nya biyai niyaijo nijep biyok cem Allah Nipmot cem ri. Tug hon nisinati dima jiyai niyaijo nijep tug hon jide niba ningon com Noti.

YOHANES 3:36

No di ba ningon com Allah Nipmot yai niyaijo nijep di jo kikau ei ningonti tu. No di ba ningon com Allah Nipmot bi yai niyaijo nijep bi. Noro noni tug ndei hukum leu Allah bijo ninno bijo kikau.”

YOHANES 6:40

Lewo Dicig joi sut gima tungwatu nya yahagom ingat igbit Allah Nipmot leu api iba ingon com Noni apino yo dima igyai niyaijo nijep di jo kikau lene diwin yok hanyen leu imai eisi ei Njap Ningwig Honti.”

YOHANES 6:47

Ma jingon jo kep bipia bikwop no di ba ningon com Da yai niyaijo nijep di jo kikau ei ningonti tu.

KISAH 15:11

Ningat ne nyeni ingon jo kep bigyai niteu leu sisarti kin niyaijo nijep cem tug hon Tuhan Yesus di singat tut nye. Lene nok gima tut yoni cem.”

KISAH 16:15

Noni kin nide ig bei nsi nya yahagom igyai nitur yok ei minyeiti leu api cigit nye kui nide ig bipai binyeni “Gino jikan mungkun tut bipia dingon jo kep Yesus nijit-jau tu lene ma jikwei bong bit nye.” Cigit nye kui nide ig nok rino nice tut hak.

KISAH 16:32

Lene Paulus kin Silas itri tut Tuhan nihyet binoni kin nide ig bei nsi nya cem yahagom.

KISAH 18:8

Noro Krispus di nibou mbusyamei Yahudi bitut nide bat nya yahagom cem ingon jo kep Tuhan Yesus. Timiei minu ndig Korintus nindigsi cem imang bibor imiap kep nihyet di Paulus tri tut biyok lene ingon jo kep Yesus leu api itur yok ei minyeiti.

KISAH 4:12

Tungwatu nya igyai niteu leu sisarti kin niyaijo nijep tug hon Yesus Nongkom he. Lewo tungwa hi leu tungwatu nya ikieti ei dihyeisi dini nisurti-nipekti hagom gi yai nisindemti leu Allah mem gima teu nye leu sisar kan bi.”

KISAH 8:36

Yo cin dima imbut kak puig sinon biyuug krau minyei utti gom. Andigpoi pai “Angat i, minyei ut rimo! Mindei bu ribindei dino ma atur da ei minyei ut dimati bi i?” [

ROMA 11:16

Gino tungwagom yai roti ninggop gi nigom bak Allah lene gima noyam kin gi noni yai roti nitindak titut yam bak Allah tu. Ba, gino Allah nyeng tut biei nigau lene gima bindo bipia ninggrupti cem Nide ri.

GALATIA 3:14

Kristus niyai munti dima bindei ba, mun di kei di Allah preu ei mem Abraham kwei pek kep mem ngkiai nya cem. Tug hon nisinati dima lene nye di iba ingon com Allah igyai Ninnei di Noni preu ei mem nye.

GALATIA 3:22

Noro bit leu nok gi ipas ei Allah nihyetti bipia tungwatu dihyeisi dini hagom ide sisar om kep yok. Gima rino yo di ingon jo kep Allah iba yo kep mun di Noni preu ei mem yok tug hon ide niba ningon com Yesus Kristusti.

GALATIA 3:26

Ba, jahagom jinok gom kin Kristus Yesus drek dip jide niba ningon com Noti. Gima rino jinok Allah nimunggwom bat nya.