KISAH 16:25 - ALLAH NIHYET MEM TUNGWATU NYA

²⁵ Ug ei himmun mau rino Paulus kin Silas ingat nadi bipai doia lene inggei sut Allah. Yo di nindigsi di isima nya intu kep ide doia.

KISAH 16:25 ပူးပေါင်းရင်းမြစ်များ

AYUB 35:10

Noro yahara bak Allah di pai tes yok cem di bindei ba, iba ingon com Noni ei mpe dino mun buhun cut igkep yok dima bi.

MAZMUR 119:55

tuhan e, diyok ngon kep Na bidikrau kep Ade nicukti nya mem mpia mmun.

MAZMUR 119:62

Dikiju mem mmun mmau bidikon anyeng drek dip Ade nikos tutti nya di sren-srau.

MAZMUR 22:2

Ditde Allah e, akes da ei leu binggon i? Anggon rino ambres Nanti ei minu ting ba, angkek ndok tut da lene angig atingou mem dihyet cem bi i?

MAZMUR 34:1

Doia Daud mpe di bisinggre nok no di mirei kipon noti ei Abimelekh noho bei bibindei ba, ijji noni bimbut hak ug.

MAZMUR 42:8

Mun di buhun cut igkep da dem kep nok minyei di su kin minyei ninyei di biam kwei leu Nungug Hermon kin Nungug Mizar bicom Yordan nyai.

MAZMUR 50:15

Mpe di juum mun di buhun tak je lene ma jahara Da leu api midikwek je leu mun di ngot kep je nya apino mijikon dinyeng.

MAZMUR 71:7

Diyai munti nya ndo bindo di kei bibor bak yo di imang bibor. Lewo aya srak ko hagau dati sindem bibor.

MAZMUR 77:2

Diba dihyet nindig bahara Allah. Diba dihyet nindig bahara leu api Noni miap kep dihyet.

MAZMUR 77:6

Dikan-kan nyen tut njap gi nipou mu kwei bidiyok ngon kep leu api dibisrip tut ari bingwam gi nipou pimu kwei.

MAZMUR 91:15

Tirigi yahara Da lene dibuhup ighyet. Tirigi mun di buhun cut igkep yok lene Dingat rin bit yok biditeu yok bingwes ngun ba, dikon inyeng cem.”

YESAYA 30:29

Noro Ditde limwa jen e, jingon minggei-hi-nggei ba, jipai doia cem noyam kin mmun midut di jibon mem jibikuk je bak Noni. Mporo jiyai nillei noyam kin yo di iba porei di imiep nya biyai nillei bimbut ndam tuhan di ya srak ko hagau mben Israel De Ig.

ZAKHARIA 3:8

Imam Nibou Ndig Yosua kin je di imam nya di jiya kui noni e, ma jingig jitingou mem dihyet. Jahagom jinok bindo tut nijam di kei ei nidipti bu ri. Midihig Ditde awak di ninyeng ‘Biei Biop’ kwei.

LUKAS 22:44

Yesus ningon bei buhun bibor bita nibou ei naditi ba, nahanggwap di mbilen nok ninggrom bitinim ug ei dihyeisi.]

KISAH 15:22

Yo di igya kui Yesus kin nibou nya kin yo di inggre kin mbusyamei yahagom ikos tut bipia idimig ibou can leu ikieti bipinak yok ug ei minu ndig Antiokhia bit Paulus kin Barnabas. Gima rino idimig Silas kin Yudas di Sabas nipmot. Yo di mbusyamei nye ei minu ndig Yerusalem ijoi sut yo cin dini nindig bibor.

KISAH 16:19

Tirigi jo nibreisi mem niceu bat nya bipia nituti mem iba misop dima bibrim mitiei nindig bibor pror leu yok tu lene ikat Paulus kin Silas bikri yok ug ei biyati bigya ei nibou nya yoho bei.

KISAH 16:33

Himmun ndia nibou ig bui buwak yok leu isima eisi bipiap ibok hagom leu lene noni kin nide ig bei nsi nya yahagom igyai nitur yok ei minyeiti.

KISAH 5:41

Petrus kin Yohanes iba ingon di llei bibor behei leu Nikei Puig Yahudi ikieti lewo ingat bipia Allah ba ningon com yok tut gima igyai ninghuisi wei drek dip Yesus tu.

ROMA 12:12

Ma jiba jingon di llei bibor biyok jingon mem Tuhan lene ma jingon nddong tut mun di cut igkep je bijita jibou ei naditi cem.

ROMA 5:3

Lene gima he bi. Ingon llei bibor drek dip mun di bindei nyeni inghuisi wei lewo ikan tut bipia ninghuisi wei di cut igkep nye dima bindei ba, iba ibou coi mem mun nyeng hagom.

KORINTUS GI NICAN 6:10

Mbro nok gino mun-mun hi bindei ba, ningon buhun lo, ningon llei sutti ntun nye him kikau. Nuhui mbum tut mun di mipror yon noro nibindei ba, yo di hiter inyeng tut mun di jo gingga. Mbro nok gino tungwatu nya ikan bipia nimbun mun nyeng hi bi lo, ningat ne nimbun mun nyeng hagom.

EFESUS 5:19

Ma jiba srat mazmur kin doia nya bisimbot kep tut jihyet biyam. Ma jiba jingon di llei bibor bikon doia kin mazmur ba, jibinggei sut Tuhan.

FILIPI 2:17

Mpaba tungwatu nya mibui da bidinggrom siber noyam kin ninggrom di imam nya isiber ei mindhe di ibui ei nimbar hum dokti dip. Mindhe dima tereu nok mun di jiyai bak Allah drek dip jide niba ningon com Kristusti. Gino mun dima micut igkep da ne dipai sigyo bidillei ngwig sut je.

KOLOSE 1:24

Nogindini ninghuisi wei di diyai drek dip je biyai dingon llei. Diyai munti nya bindei ba, ninghuisi wei di ug hon nohonti bigyo di Kristus de awak nya igyai drek dip nimaisi ei biei salibti dima ngwig sindam. Diyai ninghuisi wei drek dip mbusyamei di ijem ninyeng Kristus ningut.

IBRANI 5:7

Tirigi Yesus ningat rin ei dihyeisi dini lene Noni ba nihyet nindig bibor kin niyai nggwei di kibor bingat nadi bak Allah di sindem mem gima nyohou Noni leu binhyepo mai bi. Allah ngig nitingou mem nihyet lewo Yesus ba ningon di gom bikuk No bak Allah.

YAKOBUS 1:2

Disut bat jen, gino mun di buhun di ter leu yam hi gom hi gom cut igkep je lene ma jingon llei sut,

YAKOBUS 5:13

Gino jigom ningon buhun lene ma noni ngat nadi. Gino jigom ningon llei lene ma noni pai doia binggei sut Allah.

PETRUS GI NIGOM 4:14

Gino hi pai je kinei drek dip gi jibit Kristus lene ma jingon nggei-hi-nggei lewo jikan tut bipia Allah Ninnei di kei-kau-kei ningat rin ei jingonti drek dip.