KISAH 16:13 - ALLAH NIHYET MEM TUNGWATU NYA

¹³ Lene nuug ya ei mam bei simiak minyei di biam sur dimbou pmem ei minu ndig dima. Njap dima ne njap di mben Yahudi ide Njap Nigwam Kep Ninghuisi ri. Nikan bipia mben Yahudi induk yam ei mpia ttou nsi dima mem ingat kikep nadi. Leu api nigwam jug binimbrap bit sop nya di induk yam ei su.

KISAH 16:13 ပူးပေါင်းရင်းမြစ်များ

MATIUS 13:2

Yo dima ningot ndig induk yam kwei bingwig ttai Noni. Gima rino Noni bri bigwam ei ut nsi lene tungwatu nya igya igyati ei igpong nipimat.

MARKUS 16:15

Lene Noni cuk yok “Ma jimbut bijuug ei dihyei nisurti-nipekti ba, jitri tut Allah Nihyet Di Kei bak tungwatu nya yahagom.

LUKAS 13:10

Mpe di gom bu lene Yesus ngginau tungwatu nya ei ig mbusyameisi mem Njap Nigwam Kep Ninghuisi.

YOHANES 8:2

Njap bigyoti di hyep bu lene Noni ngkwei hanyen kwei ei Tuhan De Ig. Tirigi tungwatu nya yahagom ingwig kep Noni lene Noni gwam jug ba, sindi ngginau yok.

KISAH 13:14

Ba, yo cin dima ijo leu minu ndig Perga bimbut imig ug ei minu ndig Antiokhia ei hanjop Pisidia leu api icoi ug ei mben Yahudi ide ig mbusyamei mem ide Njap Nigwam Kep Ninghuisi bigwam bit yo di idem yam ei su.

KISAH 13:42

Tirigi Paulus kin Barnabas yehei leu mben Yahudi ide ig mbusyamei lene yo di idem yam dima ihig yok hanyen kwei mem Njap Nigwam Kep Ninghuisi gi nidipti bu leu binhyepo itri tut nihyet bibinut hi kin bu.

KISAH 16:16

Mpe di gom bu tirigi nuug ei mpia ttou nsi di ningat nadi eisi pima hanyen lene nuum awak sop gom. Ninnei rom kui noni ba, mbot kep tut mun di mipek kep ei nidipti bu igkei. Tug hon nisinati dima lene noni bipek mitiei nindig bibor bak niceu bat nya.

KISAH 16:6

Allah Ninnei sindui sut gima Paulus kin Silas itri tut Allah nihyet ei hanjop Asia bi. Gima rino igya bidem hanjop Frigia kin Galatia.

KISAH 17:2

Gima rino Paulus yai nok niyai kepti bicoi ug ei ig mbusyamei dima ba, noni kin mben Yahudi isimbot kep biyam tut Allah nihyet mem ide Njap Nigwam Kep Ninghuisi kikau ei ari ningai di bram yam dima.

KISAH 18:4

Noro Paulus ba no bikum mben Yahudi kin timiei minu Yunani nya ei ide ig mbusyamei bikwop ide Njap Nigwam Kep Ninghuisi. Noni simbot kep tut Yesus bit yok bibrim ningkek kep yok leu binhyepo ingon jo kep.

KISAH 20:7

Nahagom nidem yam mem mben Yahudi ide njap nigwam kep ninghuisi mem mmun leu binhyepo niyem njita bit yam. Paulus tri nihyet biyok buhuk nihyet kikau mmun mau lewo noni kos tut bipia kes yok bimbut leu yok ei njap di hyep bu.

KISAH 21:5

Noro jei bi lene tto bou dem mem nikes yok leu binibinut nimbutti kikau. Gima rino yoni kin itnem bat nya kin imunggwom bat nya yahagom yehei sut nye leu minu ndig dima ba, nuug ei muk nintig dip leu api niba nibiau bicom mpia biningat nadi.

KISAH 9:20

Lene noni bipbur buug ei mben Yahudi ide ig mbusyamei sindam ba, kinyon ei nitri nihyetti bipai biyok “Yesus ne Allah Nipmot ri.”

GALATIA 3:28

Gima rino mben Yahudi kin ngkiai nya cem awak nya kin yo di igyati kwes cem pinai nya kin sop nya cem jahagom titer leu yam bu bi noro jahagom jinok gom kin Kristus Yesus.

KOLOSE 1:23

Ma jiba jingon com Nihyet Di Kei di nddong kei mem je. Ma jitti-tti nyen bijingkwei leu jide niba ningon comti di jiyai tirigi jimiap tut Nihyet Di Kei au. Nihyet Di Kei tibim kikau ug ei tungwatu dihyeisi dini hagom itingou nsi tu ba, da di Paulus dinok awak mem tu.