KISAH 16:12 - ALLAH NIHYET MEM TUNGWATU NYA

¹² Nijo leu minu ndig dima binimbut nimig ug ei minu ndig Filipi. Minu ndig dima ne bon ninyeng ei hanjop Makedonia lewo nibou ndig minu Roma ninyeng tak kep timiei minu ndig Filipi nya yahagom. Nibong ei minu ndig dima mem njap poi.

KISAH 16:12 ပူးပေါင်းရင်းမြစ်များ

KISAH 16:10

Niabiati Paulus ngat ningat-hi-ngat dima lene nitin ei mem nimbut ug ei hanjop Makedonia lewo ningon jo kep bipia Allah cuk nye ug ei hanjop dima leu binhyepo nitri tut Nihyet Di Kei.

KISAH 16:21

Yoni ingginau nye tut igyai kepti nya di srep tut nibou ndig Roma niggai serti. Nyeni ne timiei minu ndig Roma rin ba, bit bon nice tut binibit yo dini igyai kepti dima kan bi.”

KISAH 16:9

Himmun di ingat rin ei Troas lene Paulus ngat-hi-ngat bingat lo, timiei hanjop Makedonia gom tau hak biya ei Paulus noho bei lene hara noni “Akwei ei Makedonia ba, ampu nye o!”

KISAH 18:5

Niabiati Silas kin Timotius ikwei leu hanjop Makedonia tu lene Paulus ta nibou ei nitri tut Allah nihyetti bikwop njap ngwa hagom. Noni tri tut bak mben Yahudi bipia Yesus ne Nibou Ndig di teu tungwatu biyai niyaijo nijep biyok di Allah preu ei mem yok ri.

KISAH 19:21

Gima ngwig leu lene Paulus kos tut bipia mbut ug ei hanjop Makedonia kin Akhaya mbigom kin bu leu api ngkwei hanyen ug ei minu ndig Yerusalem. Noni yongon kep “Niabiati singkwei hanyen ei minu ndig Yerusalem leu lene suug ngat minu ndig Roma cem.”

KISAH 19:29

Timiei minu ndig dima yahagom imiap ighyet di kui yam dima leu api nimpung di ingon sibui pima ibicom yam ba, ikat Gayus kin Aristarkhus di mben Makedonia di ibit-bit nyen Paulus bidem minu bikri yahacem ug ei mpia ttou nsi gom di tungwatu inen bilen mang bibor eisi.

KISAH 20:1

Niabiati mpia mbum-bra ei minu ndig Efesus hanyen tu lene Paulus nduk yo di ingon jo kep nya kwei biwin kep ingonti. Njap poi bu lene noni pigo yok bikes yok leu api mbut buug ei hanjop Makedonia.

KISAH 20:3

Paulus bong ei hanjop dima mem bed ningai. Tirigi noni tin ei bingkwei hanyen ug ei minu Siria lene hi mbot kep binoni bipia mben Yahudi igyok ingon gom mem gima ihwen noni. Gima rino noni kos tut bipia kriau ug ei hanjop Makedonia.

KISAH 20:6

Niabiati Njap Ndig Midut Roti Dwoi Bi tun tu lene nibri kibar minyei ei minu ndig Filipi ba, nibitot minyei ngwa dip. Njap muhwi bu lene nikwei um yok ei minu ndig Troas leu api nibong ari nitindur gom ei minu ndig dima.

KISAH 27:2

Nibri kibar minyei di kwei leu minu ndig Adramitium lewo timiei kibarti dini itin ei mem iba kibar bitot minyei ngwa dip ug ei muk nuhuisi nya kikau ug ei hanjop Asia. Aristarkhus di nitimieisi leu minu ndig Tesalonika ei hanjop Makedonia cem bit nye.

ROMA 15:26

Lewo mbusyamei nya ei hanjop Makedonia kin Akhaya ice tut yam hyet tut mitiei di ikwas tut isut bat di Allah de limwa nya di yuhui mbum ei minu ndig Yerusalem.

FILIPI 1:1

Srat dini leu da di Paulus kin Timotius ba, nyeni ne Kristus Yesus De awak nya ri. Srat dini mem Allah De limwa nya di inok gom kin Kristus Yesus ei minu ndig Filipi bitut nibou mbusyamei nya kin yo di igya kui yok.

FILIPI 1:5

dipai sigyo bak Allah lewo jimpu da tut midyai nitri tut Nihyet Di Kei habiei ei nimbie him kikau kwei bipek ammani kep.

TESALONIKA GI NIGOM 2:2

Ba, jikan tut bipia nipou tirigi nihwou ngat je ei minu ndig Tesalonika bigyo ne timiei minu ndig Filipi ihwen bit nye bikucang nye cem. Mbro nok gino tungwatu nya itte tut nye nindig bibor lo, ide Allah bindei ba, nibrim ningkek kep je binitri tut Nihyet Di Kei di kwei leu Nonti bije.