KISAH 16:1 - ALLAH NIHYET MEM TUNGWATU NYA

¹ Paulus binut nimbutti buug ei minu ndig Derbe kikau ug ei minu ndig Listra cem. Timotius di ningon jo kep Yesus bong ei minu ndig dima. Nipmem ne sop Yahudi ba, ningon jo kep Yesus. Noro nicig mben Yunani.

KISAH 16:1 ပူးပေါင်းရင်းမြစ်များ

EZRA 9:2

Pinai Yahudi nya iwak sop mben ngkiai apino map kui tuhan de limwa pijum nya tu. Yo di ibon mun dima nimbie him ngat hak rino nibou mben Israel kin yo di inyeng jei nya.

KISAH 14:1

Mun pima yok hagom cut igkep Paulus kin Barnabas ei minu ndig Ikonium cem. Icoi ug ei mben Yahudi ide ig mbusyamei lene iba iji ngkiem bitri tut nihyet biyok apino mben Yahudi kin ngkiai nya imang bibor ingon jo kep Yesus.

KISAH 14:21

Paulus kin Barnabas itri tut Nihyet Di Kei ei minu ndig Derbe leu api tungwatu imang bibor ingon jo kep Yesus. Gima ngwig leu lene ingkwei hanyen ug ei minu ndig Listra kin Ikonium kin Antiokhia ei hanjop Pisidia.

KISAH 14:6

Noro hi mbot kep tut ingon kanti dima bak Paulus nya. Gima rino inang bingwes ngun ug ei minu ndig Listra kin Derbe ei hanjop Likaonia kin minu mien di gahai nya cem.

KISAH 17:14

Yo di ingon jo kep nya ei minu ndig Berea ibipbur bibuwak Paulus ug ei mukti noro Silas kin Timotius igwam nyahan.

KISAH 18:5

Niabiati Silas kin Timotius ikwei leu hanjop Makedonia tu lene Paulus ta nibou ei nitri tut Allah nihyetti bikwop njap ngwa hagom. Noni tri tut bak mben Yahudi bipia Yesus ne Nibou Ndig di teu tungwatu biyai niyaijo nijep biyok di Allah preu ei mem yok ri.

KISAH 19:22

Gima rino noni pinak nisut bat cin di igya kui noni di Timotius kin Erastus ug ei hanjop Makedonia leu lene noni bong ei hanjop Asia mem ari poi bu.

ROMA 16:21

Timotius di dingon kieti pigo jahagom ba, Lukius kin Yason kin Sosipater di intun mben Yahudi him ipigo jahagom.

KORINTUS GI NIGOM 16:10

Gino Timotius hwou ngat je lene ma jiba jingon di nggriu biya um noni leu binhyepo gwam bit je kin ningon di kei lewo noni yai kep Tuhan de midyai nya noyam kin da.

KORINTUS GI NIGOM 4:17

Gima rino dicuk Timotius hwou ndam je. Noni ne dipmot ndia rin ba, ba ningon di gom bibit Kristus. Ma jiba jingon com noni. Lewo noni mibindei ba, jiyok ngon kep nisinati di ntun niyaijo nok gom kin Kristus him. Dibit nisinati dima ba, dingginau mbusyamei nya hagom tut bidem minu.

KORINTUS GI NIGOM 7:14

Lewo Allah bindei nijjep di ningon jo kep bi dima dem mem nggre kin Allah de limwa nya tug hon gi noni bong bit nitnem di Allah ninyeng tak kep. Nok gima cem tut nitnem. Allah bindei nitnem di ningon jo kep bi dima dem mem nggre kin Allah de limwa nya tug hon gi noni bong bit nijjep di Allah ninyeng tak kep tu. Gi bi ne imunggwom bat nya inok munggwom di intun yo di ingon tindur nya him. Noro Allah bindei yoni cem dem mem inggre kin Allah de limwa nya.

KORINTUS GI NICAN 1:1

Srat dini leu da di Paulus ba, diya kui Kristus Yesus tug hon Allah ningon kanti mem da. Dipas srat dini bak Allah de mbusyamei ei minu ndig Korintus kin Nide limwa nya yahagom ei hanjop Akhaya nisurti-nipekti. Da di Paulus kin isut Timotius ningat nadi leu binhyepo,

KORINTUS GI NICAN 1:19

Lewo Allah Nipmot Yesus Kristus di dani kin Silas kin Timotius nitri tut bije nipaisi “I” kin nipaisi “Bi” biluei-luei nyen ningonti bi. Noro noni ne Allah nibuhupti “I” nongkom ri.

FILIPI 1:1

Srat dini leu da di Paulus kin Timotius ba, nyeni ne Kristus Yesus De awak nya ri. Srat dini mem Allah De limwa nya di inok gom kin Kristus Yesus ei minu ndig Filipi bitut nibou mbusyamei nya kin yo di igya kui yok.

FILIPI 2:19

Diyok dingon mem nituti tirigi dicuk Timotius bihwou ngat je gino Tuhan Yesus ce tut, leu binhyepo noni bindei bidimiap tut jinghapti di biwin kep dingonti hanyen bu.

KOLOSE 1:1

Srat dini leu da di Paulus ba, diya kui Kristus Yesus bit leu Allah ningon kanti mem da. Disut Timotius ba no bikum da ba, nipas kep srat dini,

TESALONIKA GI NIGOM 1:1

Srat dini leu da di Paulus kin Silas kin Timotius. Dipinak srat dini bak je di mbusyamei di jinok Icig Allah kin Tuhan Yesus Kristus ide limwa nya ei minu ndig Tesalonika. Handei kon ba, Allah singat tut je biyai jingon jo nyahan.

TESALONIKA GI NIGOM 3:2

nipinak nisut Timotius di yai midyai nok awak mem Allah noyam kin nye di nitri tut Nihyet Di Kei tut Kristus. Nipinak noni bingkwei hanyen hwou mem gima biwin kep jingonti bibindei ba, jide niba ningon com Yesus Kristusti kum eisi bu,

TESALONIKA GI NIGOM 3:6

Noro noni sindi kwei krau hanyen tu bipui binye tut jide niba ningon com Yesus Kristusti kin jide ningon ngakei yamti cem. Noni pai binye bipia jingon kwes kin nye kikau ba, jijoi sut gi jikwei ngat nye dem kep nok gi nyeni nijoi sut nihwou ngat je hanyen bu.

TESALONIKA GI NICAN 1:1

Srat dini leu da di Paulus kin Silas kin Timotius. Dipinak srat dini bak je di mbusyamei di jinok Icig Allah kin Tuhan Yesus Kristus ide limwa nya ei minu ndig Tesalonika.

TIMOTIUS GI NIGOM 1:18

Dipmot Timotius ug o! Disok dihyet dini mem na bidibiwin kep angonti tut nihyet di nabi nya itri di bitut na nipou su. Ma aba nihyet di itri tut di bitut nani dima bitindei ser dem kep nok tentara di dem mem pran.

TIMOTIUS GI NIGOM 1:2

Srat dini mem na di Timotius ba, anok dipmot ningat tug hon side niba ningon com Tuhanti. Handei kon ba, Sicig Allah kin side Tuhan Yesus Kristus isingat tut na bingondut na cem ba, ibiyai angon jo nyahan.

2 TIMOTIUS GI NICAN 1:2

Srat dini mem Timotius di nok dipmot di dingon kieti. Handei kon ba, Icig Allah kin ide Tuhan Yesus Kristus isingat tut na ba, ingondut na cem ba, ibiyai angon jo nyahan.

2 TIMOTIUS GI NICAN 1:5

Diyok ngon kep ade niba ningon com Kristusti di mungkun kei ba, dem kep nok adrot Lois kin apmem Eunike ide niba ningon com Kristusti. Lene dikan tut bipia nani cem aba angon com Kristus noyam kin yoni.

2 TIMOTIUS GI NICAN 3:11

kin tungwatu nya di ihwen bit da kin ninghuisi wei di hwen da hagom tu. Akan tut mun di cut igkep da ei minu ndig Antiokhia kin Ikonium kin Listra tug hon tungwatu nya di ihwen bit da bibor! Noro Allah teu da bidingwes ngun leu hagom tu.

FILEMON 1:1

Srat dini leu da di Paulus kin sisut Timotius ba, disima ei ig bui nsi drek dip gi dinok awak mem Kristus Yesus. Dipinak srat dini bak na di Filemon lewo nani ne disut rin ba, ayai midyai mem Kristus noyam kin nyeni.

IBRANI 13:23

Dipai bije bijikan tut bipia nibou pemerinta kes isut Timotius leu ig bui nsi ba, niyati kwes tu. Gino noni kwei hatap da lene midibuwak noni bidihwou sut ei mpe di dihwou cem kep je.