KISAH 15:9 - ALLAH NIHYET MEM TUNGWATU NYA

⁹ Allah mig mbus nyeni kin yoni ter leu yam bi. Noni yai ingon kwes kei tug hon ide niba ningon com Noniti.

KISAH 15:9 ပူးပေါင်းရင်းမြစ်များ

MAZMUR 51:10

Asindui sut ba, nihyet di bindei di dingon llei bibor hanyen tibim kwei ei ditingou nsi. Lene mbro nok gino aco kep da tu lo, dingon minggan-triot kei hanyen bu.

YEHEZKIEL 47:22

dihyei dima nok jide dihyei ninda rom bijo ninno bijo kikau. Ma ngkiai nya di ibong timiei bigyai imunggwom bat nya srig jikieti cem igyai hanjop nsi hi ei jide dihyei ninda rom nok ide dihyei ninda rom. Ma jibibon yok nok limwa ningat-ngat nya nya noyam kin je di mben Israel cem. Yoni mibit niko-nibinggok tutti bitug ndei ide hanjop nsi ei mpe di jikwas dihyei tut yam.

KISAH 10:15

Noro nihyet dima tibim hanyen kwei bipai “Tut mun di Allah pai sut bipia dia-diau ne ma ajem nok mun di nirom kuisi au.”

KISAH 10:28

Lene noni pai biyok “Jo nibreisi mem je bipia mben Yahudi ide nicukti ggai ser nye bipai bipia harin dima nuug cem kep ngkiai nya ide ig ba, nisrig ikieti cem a. Noro Allah pingok dingonti leu binhyepo dimbus nggok tungwatu nya ba, dingat bihi nok yo di nirom kuisi au.

KISAH 10:34

Lene Petrus pai biyok “Nogindini dikan tut mungkun bipia Allah mbus nggok tungwatu nya bi.

KISAH 11:12

Lene Allah Ninnei cuk da bipia ma dihig dingon eisi tut gino dibit yok au. Gima rino disut bat yo di ingon jo kep nya ibou muhwindagom leu minu ndig Yope cem ibit da ba, nuug ei minu ndig Kaisaria. Ba, nahagom nicoi ug ei Kornelius de ig bei ei minu ndig dima.

KISAH 14:1

Mun pima yok hagom cut igkep Paulus kin Barnabas ei minu ndig Ikonium cem. Icoi ug ei mben Yahudi ide ig mbusyamei lene iba iji ngkiem bitri tut nihyet biyok apino mben Yahudi kin ngkiai nya imang bibor ingon jo kep Yesus.

KISAH 14:27

Tirigi ikwei krau minu ndig Antiokhia ei hanjop Siria hanyen tu lene induk yo di inggre kin mbusyamei kwei bipui kep midyai di Allah bibon tug hon yoni kin notou Allah tin puig mem gima ngkiai nya cem ingon jo kep Yesus.

ROMA 3:22

Allah bindei tungwatu nya ingon kwes kin Noni drek dip ide niba ningon com Yesus Kristusti. Allah yai nok gima mem yo di ingon jo kep Kristus yahagom lewo mben Yahudi kin ngkiai nya ter leu yam bi.

ROMA 3:9

Gi nok lene nye di mben Yahudi igyaijoti kei dor njiriek ngkiai nya igyaijoti e? E bi! Dipai brei bije tu bipia sisar om kep mben Yahudi kin ngkiai nya yahagom ingonti noyam.

ROMA 9:24

Nyeni ne yo di Noni hig nye ei su nya rin noro hig leu mben Yahudi nya ikieti he bi noro hig leu ngkiai nya cem ikieti.

KORINTUS GI NIGOM 1:2

Nipigo Allah de mbusyamei ei minu ndig Korintus. Allah hig jeni bijinok Nide limwa di ingon kwes-kwau nya tug hon jide ninok gom kin Kristus Yesusti. Ba, gima noyam kin yo di mbusyamei nya di ikuk yok bak Yesus Kristus bidem minu. Noni ne Tuhan mem yoni kin nyeni cem ri.

KORINTUS GI NIGOM 7:18

Gino hi yai midut sunat nipou tirigi Allah hig no dima bigyo lene ma noni bingon mem dip tut bindo sunat dima au. Gino hi yai midut sunat bigyo leu api Allah hig no dima ne ma noni coi bit midut sunat au.

GALATIA 3:28

Gima rino mben Yahudi kin ngkiai nya cem awak nya kin yo di igyati kwes cem pinai nya kin sop nya cem jahagom titer leu yam bu bi noro jahagom jinok gom kin Kristus Yesus.

GALATIA 5:6

Leu gino inok gom kin Kristus Yesus lene midut sunat di igyai e, he igyai bi e, lene gima bon ninyeng bi. Ide niba ningon com Kristusti he rino bon ninyeng ba, ibindei mbut gima tug hon ide ningon ngakei yamti.

EFESUS 3:6

Nimimun dima mbot kep tut gini. Tug hon Nihyet Di Kei lene ngkiai nya iba yo kep Allah de mun di kei nya di Noni tin ei nipou su mem mben Yahudi he yo pima. Ngkiai nya inggre kin ningut gom ngat bit mben Yahudi bipriet kin mun di Allah preu ei mem nye tug hon Kristus Yesus.

KOLOSE 3:11

Gi ntun mun dima him ne tungwatu nya ter leu yam bu bi ri. Mben Yahudi kin ngkiai nya titer leu yam bu bi. Yo di icoi bit midut sunat kin yo di icoi bit midut sunat bi kin ngkiai nya kin yo di isingat bi nya kin awak nya kin yo di igyati kwes cem yahagom titer leu yam bu bi. Kristus Nongkom bon ninyeng dor njiriek mun nyeng hagom ba, Noni nok gom kin nyeni yahagom!

PETRUS GI NIGOM 1:22

Jibit Nihyet Di Kei nicuk jeti tu. Gima rino Allah kos ser jide sisar bijingon kwes tu. Jiba ningon di gom bingon ngakei jisut bat yo di ingon jo kep nya. Ma jiba jingon titut yam bikum ei jide ningon ngakei yamti.