KISAH 15:8 - ALLAH NIHYET MEM TUNGWATU NYA

⁸ Ba, Allah di kan bidem tut mun di jo ei tungwatu ingon bei ndo brei binye bipia Noni singat tut ngkiai nya tirigi Noni bindei ba, Ninnei srek kwei ei yoni cem ingonti bit leu nok Noni srek kwei ei nyeni cem ingonti nipou su.

KISAH 15:8 ပူးပေါင်းရင်းမြစ်များ

KISAH 1:24

Lene ingat nadi bipai “Tuhan e, akan bidem tut mun di jo ei tungwatu yahagom ingonti. Gima rino ando igbit tungwagom leu ibou can dini igom di adimig ei su,

KISAH 10:47

“Yo dini igyai Allah Ninnei dem kep gi po nyeni niyai Allah Ninnei nipou su. Tou rima bigen ser yok tut gima itur yok ei minyeiti i?”

NINGAT-HI-NGAT NYA 2:23

Leu api midihwen nide limwa nya cem leu binhyepo mbusyamei nya yahagom ikan tut bipia Dani ne No di yok niyai kep tungwatu nya yahagom ikan-kan nyenti kin ingonti ri. Dibirop hanyen bije bit leu nok jiyai munti nya.

IBRANI 4:13

Bit bon mun nyeng gom jo nding leu Allah niyai him kan bi. Noni ngat Nide nipai testi nya hagom brei bou niyai him. Nyeni yahagom mibuhup hanyen bak Noni tut igyai munti nya hagom.

KISAH 14:3

Gima rino Paulus kin Barnabas ibong ei sirima mem ari nitindur poi lene iba iji nghai bitri tut Tuhan. Leu api Tuhan ndo bindo brei bak tungwatu nya bipia nihyet tut Tuhan nisingat tut yokti di Paulus kin Barnabas itri tut dima ne nijit ri. Noni sindem tut Paulus kin Barnabas leu binhyepo ibibon mindur kin bindo.

KISAH 2:4

Allah Ninnei srek kwei ei yahagom ingonti leu api kindi imbrap ngkiai nya ighyet sindam bit leu nok Allah Ninnei sindem tut yokti.

IBRANI 2:4

Mpe dima lene Allah sindem tut nihyet di tibim ei yo dima yuhui him ba, bon bindo kin mindur leu api kwas nisindemti nya di kwei leu Nonti Ninnei tut tungwatu nya bit leu ningon kanti.

KISAH 4:31

Tirigi ingat nadi bingwig leu lene ig di imbus yam eisi ugwa-kwei. Allah Ninnei srek kwei ei yahagom dip bisindem tut yok apino ibrim ingkek tut Allah nihyet kep tungwatu nya.

YOHANES 21:17

Yesus hig ser noni nimbiningai bu “Na di Simon di Yona nipmot e, angon ngakei Da e?” Petrus ningon ngguk drek dip Yesus nipaisi lewo Yesus hig ser noni mbiningai su. Gima rino noni buhup “Tuhan e, akan tut mun nyeng hagom ba, akan tut bipia dingon ngakei Na!” Lene Yesus pai binoni “Ma anyohou Ditde domba nya.

YOHANES 5:37

Dicig di cuk Da kwei cem tri tut Da. Noro jimiap Noni nihyet bijingat Noni bou jiyai him cem bi sren.

YEREMIA 20:12

Noro tuhan Di Sindem Bibor e, aba angon di sren-srau bibingon tungwatu nya lewo akan bidem tut mun di jo ei ingonti kin ibou ngwakti cem. Gima rino ma asindui sut ba, dingat yok bou diyai him tirigi abirop hanyen biyok drek dip igyai munti di mbuk bibor lewo dikes ditde munhyet ei andati tu.

YEREMIA 17:10

Da di tuhan rino diput ser tungwatu ingonti nya. Dibingon mun di jo ingon bei cem. Dibirop bak tungwatu nya bit leu igyaijoti. Dibibon yoni bit leu igyai munti di igyai kep nya.”

YEREMIA 11:20

Leu api dingat nadi bidipai “tuhan Di Sindem Bibor e, Nani ne nikei di ningon gom ri. Nani rino abingon tungwatu nya ikan-kan nyenti kin tungwatu ingonti. Dikes munhyet dini bak Nani. Nnaba abindei ba, dingat Ade nibuhup biyokti drek dip ide nibon munti dima yok bou diyai him.”

MAZMUR 44:21

Gino nikuk nye bak Allah bu bi biningat nadi bak kwar nya,

NIBOHON MBEN ISRAEL GI NIGOM 28:9

Leu api Daud pai bak Salomo “Dipmot na e, ma akon Allah di acig kuk no bak nok ade Allah. Suar aba angon di gom bikuk nanti nok awak mem Noni cem apwoi ningon cem. Lewo Noni kan tut ikan-kan nyenti nya kin ingon priti nya cem hagom. Gino anggok tut Noni lene mporo angat Noni. Noro gino akes Noni ei ba, aba anghim bak lene Noni mirok nani ei bijo ninno bijo kikau.

NIBOU NDIG NYA GI NIGOM 8:39

lene ma angig atingou mem ighyet ei atimieisi ei gwamti. Akos ser ide sisar ba, ampu yok lewo Nangkom akan bidem tut tungwatu nya yahagom ingonti. Lene ma abibon tungwagom-gom bit leu nok niyai munti nya.

SAMUEL GI NIGOM 16:7

Noro tuhan srep bipai “Ma angig ayai kep no dima ningkek dip kin nintig bou di jei au. Dikou sut noni lewo dikos tut dingon kanti bit leu nok tungwatu nya ide nikos tutti nya bi. Lewo tungwatu nya ingig igyai kep tungwatu nya ingkek dip noro Dani dingig diyai kep ingonti.”

NIBOHON MBEN ISRAEL GI NIGOM 29:17

Dikan tut bipia abingon tungwagom-gom ningonti lene angon kei sut yo di ingon sren nya. Diba dingon di sren kin dingon di gom bikwas mun dima yok hagom tut Na. Lene dingat bou diyai him bipia Ade limwa nya di idem yam ei mpia dini iba ingon di kei bittei mun di ikwas tut Nani tu.

KISAH 15:28

Allah Ninnei kin nyeni nahagom nice tut yam hyet ba, minikes nicukti di buhun nindigsi nya ei jinghat dip bi noro nisok kep je tut nicukti di bon ninyeng.