KISAH 15:32 - ALLAH NIHYET MEM TUNGWATU NYA

³² Yudas Silas nya ne nabi rin ba, yuhuk ighyet bibiwin kep yo di ingon jo kep nya ei minu ndig Antiokhia ingonti bibindei ba, yo dima igyai ningon di ngkiem kin nisindemti cem.

KISAH 15:32 ပူးပေါင်းရင်းမြစ်များ

DANIEL 11:1

Noni rino tug ndei midyai nimpu dati kin niya srak ko hagau dati cem ei ari bingwam gi nimbie him di Darius ninyeng tak kep a. Darius ne nibou ndig minu Media ri.

MATIUS 23:34

Gima rino ma jiyok ngon kep bipia midicuk nabi nya kin yo di ingon ki nya kin guru nya yahagom ndam je noro jikimukep bihi bijipek bihi ei biei salibti cem. Jimbas bihi ei jide ig mbusyameisi bijuhuk yok leu minu ttou nsi hi ug ei minu ttou nsi hi kin bu.

LUKAS 11:49

Gima rino Allah Di Ningon Ki pai ‘Midicuk nabi nya kin yo di itri nihyet ndam yok noro mikimukep bihi lene mihwen bit bihi kin bu.’

KISAH 11:23

Tirigi noni kwei krau bingat lo, Allah singat tut yok lene ningon llei bibor. Lene noni pingok yo dima ingonti leu binhyepo iba ingon titut yam bingon gom tut Tuhan.

KISAH 11:27

Mpe dima cem nabi nya ibou poi ijo leu minu ndig Yerusalem bikwei ei minu ndig Antiokhia.

KISAH 13:1

Nabi nya kin guru nya ibou poi yo rinaha ei yo di mbusyamei minu ndig Antiokhia nya ikieti. Yo dini ne Barnabas kin Simeon di ijem ninyeng hi Motrom kin Lukius leu minu ndig Kirene kin Menahem ndig bit Nibou Ndig Herodes ba, ningon kieti noni tirigi inok munggwom yo kin Saulus.

KISAH 14:22

Yoni ibiwin kep yo di ingon jo kep nya ingonti ei minu ndig dima yok leu binhyepo igya ngkiem ba, iba ingon com Yesus kikau. Yoni ingginau timiei nya ei minu ndig dima yok bit leu nok Yesus nipaisi “Mun di buhun mang bibor cut igkep nye di ikak puig di bie ug ei Allah Ninyeng Tak Kepti.”

KISAH 15:1

Mpe dima lene tungwatu ibou poi ijo leu hanjop Yudea biyuug ei minu ndig Antiokhia ba, itri tut bak yo di inggre kin mbusyamei nya bipia gino igyai midut sunat bit leu nok Puig Yahudi nicuk yokti bi ne bit bon igyai niteu leu sisarti kin niyaijo nijep cem kan bi.

KISAH 15:22

Yo di igya kui Yesus kin nibou nya kin yo di inggre kin mbusyamei yahagom ikos tut bipia idimig ibou can leu ikieti bipinak yok ug ei minu ndig Antiokhia bit Paulus kin Barnabas. Gima rino idimig Silas kin Yudas di Sabas nipmot. Yo di mbusyamei nye ei minu ndig Yerusalem ijoi sut yo cin dini nindig bibor.

KISAH 15:27

Gima rino nipinak Silas kin Yudas hwou. Nihyet di yoni mitri tut bije dima noyam kin srat bokti di nipas ei sratti mem je.

KISAH 15:3

Yo di inggre kin mbusyamei nya yehei sut Paulus nya ug ei minu ndig dima nisai. Leu api Paulus nya igya bidem hanjop Fenisia kin Samaria bitri tut bak tungwatu nya bipia ngkiai nya ingon jo kep Allah tu. Ighyet di itri tut dima bindei ba, yo di inggre kin mbusyamei nggi minu dima ingon llei bibor.

KISAH 15:31

Tirigi yo di mbusyamei nya ikwop srat bokti dima lene ingon nggan-triot kei lewo srat bokti dima tibim tut nihyet di biwin kep ingonti.

KISAH 15:41

Yoni igya bidem hanjop Siria kin Kilikia bibiwin kep yo di mbusyamei nya ingonti.

KISAH 18:23

Niabiati noni bong ei sirima mem bed poi leu api noni mbut hanyen buug cem kep yo di ingon jo kep nya ei hanjop Galatia kin Frigia ba, biwin kep ingonti.

KISAH 2:40

Nok gima lene Petrus mbot kep tut biyok leu api huk nihyet kikau bisok kep yok “Ma jibrim jingkek leu binhyepo jingwes ngun leu hukum dino Allah mikes ei yo di isibut dini yok dip.”

KISAH 20:2

Noni ya bidem minu dima hagom bipingok yo di ingon jo kep Yesus ingonti bibiwin kep ingonti cem. Lene noni kwei ei hanjop Akhaya.

ROMA 12:6

Bikwop nyeni imbun nisindemti di ter leu yam. Allah kwas nisindemti dima tut nye tug hon nisingat tut nyeti. Gima rino ma ikrau kep nisindemti dima mem midyai di igyai nya. Gino igyai nisindemti mem itri tut Allah nihyet lene ma itri tut nihyet bit leu ide niba ningon comti.

ROMA 12:8

Suar no di yai nisindemti mem gima biwin kep yo di hiter ingonti biwin kep ingonti hak ug. Suar no di yai nisindemti mem gima kwas mun di ma nya tut hiter ngondut yok bikwas mun di ma nya tut yok. Suar no di yai nisindemti mem gima bie tut tungwatu nya ta nibou ei nibie tut yokti. Suar no di yai nisindemti mem gima ngondut hiter ba ningon di llei bingondut yok.

KORINTUS GI NIGOM 1:8

Noni nyohou je biyai jingon nddong kikau bije bipek njap ningwig honti leu binhyepo jingon nddong mem ide Tuhan Yesus Kristus De Njap nitekti.

KORINTUS GI NIGOM 14:29

Gino jibou poi jitri tut Allah nihyet lene ma jibou can jibou ningai he ba, jimbrap kikep sindam lene yo di mbusyamei nya iba ingon srip huk nihyet di itri tut dima ug e.

KORINTUS GI NIGOM 14:3

Noro no di tri tut Allah nihyet tri tut bak tungwatu nya leu binhyepo biyai sindem yok ba, ibrim ingkek lene biwin kep ingonti cem.

KORINTUS GI NIGOM 14:32

Ma no di tri tut Allah nihyet nyohou pingok nisindemti di Allah Ninnei yai binoni.

EFESUS 3:5

Nipou ne hi mbot kep tut nimimun dima bak tungwatu nya bi. Noro tini bu ne Allah Ninnei mbot kep tut nimimun dima bak yo di igya kui Yesus kin Nide nabi nya.

TESALONIKA GI NIGOM 2:11

Jo nibreisi mem je bipia ninyohou je dem kep nok andigpoi di nyohou nimunggwom bat ninti de nya.

TESALONIKA GI NIGOM 3:2

nipinak nisut Timotius di yai midyai nok awak mem Allah noyam kin nye di nitri tut Nihyet Di Kei tut Kristus. Nipinak noni bingkwei hanyen hwou mem gima biwin kep jingonti bibindei ba, jide niba ningon com Yesus Kristusti kum eisi bu,

TESALONIKA GI NIGOM 4:1

Disut bat jen, ningat ne nindo bindo di kei bije tut notou jide niyaijoti bindei ba, Allah joi sut je. Jo nibreisi bipia jiyaijo nok gima tu. Nogindini nitigtai je binipingok jingonti tug hon nisindemti di kwei leu Tuhan Yesus leu binhyepo jibikum nut bu.

TESALONIKA GI NIGOM 5:14

Disut bat jen, nitigtai je leu binhyepo jiba jingon di kwes bisok kep yo di inghen nya ba, jibiwin kep yo di ingwes mien ingonti. Ma jimpu yo di isindem bi nya ba, jingon jo nyahan tut yahagom.

TESALONIKA GI NIGOM 5:20

Ma jingwes pri gau nihyet di kwei leu Allah Ninnei au.

TESALONIKA GI NICAN 3:12

Niba Tuhan Yesus Kristus ninyeng bicuk yo dima leu binhyepo idimig ide niyaijoti bikimus ba, inda jo kep ide midyai hak tut inghopti cem.

TIMOTIUS GI NIGOM 2:1

Nimbie him lene ditigtai na leu binhyepo yo di mbusyamei nya ingat nadi mem tungwatu nya yahagom ba, ijem sigyo cem bak Allah.

2 TIMOTIUS GI NICAN 4:2

ma atri tut Allah nihyet ba, abidip huk yok leu binhyepo intu kep ahyet mem mpe di ijoi sut e, he ijoi sut bi e, cem. Aba angon di jo nyahan binyohou ngginau yok leu binhyepo abiyai bingon nddong. Ma ando itunggweisi biyok ba, abiwin kep ingonti cem.

PETRUS GI NIGOM 5:1

Je di nibou mbusyamei nya e, dani cem nibou mbusyamei. Dingat Kristus bou diyai him tirigi Noni yai ninghuisi wei. Midipriet kin Kristus nikei-kau-keisi tirigi Noni ndo Nonti brei ei tungwatu nya igyai him. Gima rino dipingok jingonti leu binhyepo jiyok ngon kep ditde nipingok jeti nya.

PETRUS GI NIGOM 5:10

Noro niabiati jiyai ninghuisi wei di jo jei bi leu su lene Allah di singat tut je mipindi je hanyen bu. Noni miyai jingon nddong cem misindem tut je cem mibindei bijiba jingon com Noni kikau cem. Lewo Noni dimig je leu binhyepo jipriet kin Nide nikei-kau-keisi drek dip gi jinok gom kin Kristus.

PETRUS GI NIGOM 5:12

Disut Silas mpu da bipas kep srat dini. Dikan tut bipia noni ne no di Kresten di ningon gom ri. Dibiwin kep jingonti bidipai jit bipia mun di nipas kep ei srat diniti ndo tut Allah nisingat tut nyeti di nijit. Ma jikrop jinda ei Allah nisingat tut nyeti kikau.