KISAH 15:22 - ALLAH NIHYET MEM TUNGWATU NYA

²² Yo di igya kui Yesus kin nibou nya kin yo di inggre kin mbusyamei yahagom ikos tut bipia idimig ibou can leu ikieti bipinak yok ug ei minu ndig Antiokhia bit Paulus kin Barnabas. Gima rino idimig Silas kin Yudas di Sabas nipmot. Yo di mbusyamei nye ei minu ndig Yerusalem ijoi sut yo cin dini nindig bibor.

KISAH 15:22 ပူးပေါင်းရင်းမြစ်များ

SAMUEL GI NICAN 3:36

Tirigi limwa nya imiap tut Nibou Ndig Daud nibuhupti bingat niyai munti dima lene gima biyai ingon nggan.

NIBOHON MBEN ISRAEL GI NICAN 30:12

Nok gima cem Allah pingok ei timiei Yehuda nya ingonti bibindei ba, yahagom ingon gom tut gi ibit Allah ningon kanti mungkun kei tug hon gi ibit nibou ndig kin yo di igya kui noni icuk yokti dima.

KISAH 1:23

Gima rino yo di idem yam dima idimig ibou can ba, hi ninyeng Yusuf gi ijem ninyeng hi Barsabas (ninyeng hi Yustus cem) kin Matias.

KISAH 11:19

Niabiati Stefanus yai nimai leu lene nibou mben Yahudi nya sindi ihwen bit yo di ingon jo kep nya. Gima rino intek gimahap binang ug ei minu Fenisia kin Mios Siprus kin minu ndig Antiokhia bitri tut Allah nihyet bak mben Yahudi nya he.

KISAH 11:20

Noro andigpoi di ingon jo kep nya ibou poi itimieisi leu Mios Siprus kin minu ndig Kirene ikwei ei minu ndig Antiokhia bitri tut Nihyet Di Kei tut Yesus bak ngkiai nya cem ei minu ndig dima.

KISAH 11:22

Mun di pek kep mem yo dima nibimbiti tibim ug ei yo di inggre kin mbusyamei ei minu ndig Yerusalem itingou nsi. Gima rino ipinak Barnabas ug ei minu ndig Antiokhia.

KISAH 11:27

Mpe dima cem nabi nya ibou poi ijo leu minu ndig Yerusalem bikwei ei minu ndig Antiokhia.

KISAH 15:23

Nibou nya igyai srat gom biyok mem ipwoi biyuug sut. Ba, nipas kepti pai, “Srat dini mem nikinjoi bat di ngkiai nya ei minu ndig Antiokhia kin Siria kin Kilikia jahagom. Nye di niya kui Yesus kin nye di nibou mbusyamei nya di ninok jikindig bat nya nipigo je.

KISAH 15:25

Lewo nahagom nisimbot kep biyam tut munhyet dini binice tut yam hyet mem gima nisok nihyet ei ibou can dip hwou ndam je. Yo dima ibit Paulus kin Barnabas di nyeni ingon kieti.

KISAH 15:27

Gima rino nipinak Silas kin Yudas hwou. Nihyet di yoni mitri tut bije dima noyam kin srat bokti di nipas ei sratti mem je.

KISAH 15:3

Yo di inggre kin mbusyamei nya yehei sut Paulus nya ug ei minu ndig dima nisai. Leu api Paulus nya igya bidem hanjop Fenisia kin Samaria bitri tut bak tungwatu nya bipia ngkiai nya ingon jo kep Allah tu. Ighyet di itri tut dima bindei ba, yo di inggre kin mbusyamei nggi minu dima ingon llei bibor.

KISAH 15:30

Yo di ipwoi srat dima yuug ei minu ndig Antiokhia tu lene induk yo di ingon jo kep nya yahagom kwei leu api ikes srat pima biyok.

KISAH 15:32

Yudas Silas nya ne nabi rin ba, yuhuk ighyet bibiwin kep yo di ingon jo kep nya ei minu ndig Antiokhia ingonti bibindei ba, yo dima igyai ningon di ngkiem kin nisindemti cem.

KISAH 15:40

Paulus buwak Silas ba, yo di mbusyamei ei minu ndig Antiokhia ingat nadi kep yok leu binhyepo Tuhan singat tut yok kikau bidem imbutti.

KISAH 16:19

Tirigi jo nibreisi mem niceu bat nya bipia nituti mem iba misop dima bibrim mitiei nindig bibor pror leu yok tu lene ikat Paulus kin Silas bikri yok ug ei biyati bigya ei nibou nya yoho bei.

KISAH 16:25

Ug ei himmun mau rino Paulus kin Silas ingat nadi bipai doia lene inggei sut Allah. Yo di nindigsi di isima nya intu kep ide doia.

KISAH 16:29

Lene nibou ig bui cuk tungwagom bitin mini njeng kwei lene noni bipbur bicoi ug ei ig bui nsi leu api ba ninghuisi di mpig sut bikuk no ei Paulus kin Silas imig him.

KISAH 17:10

Yo di ingon jo kep nya ei minu ndig Tesalonika ipinak Paulus kin Silas ug ei minu ndig Berea mem himmun ndia. Tirigi yuug krau lene icoi ug ei mben Yahudi ide ig mbusyamei.

KISAH 17:14

Yo di ingon jo kep nya ei minu ndig Berea ibipbur bibuwak Paulus ug ei mukti noro Silas kin Timotius igwam nyahan.

KISAH 17:4

Leu api tungwatu nya ibou poi bitut mben Yunani imang ndig di ikuk yok bak Allah kin sop di inyeng jei nya imang bibor cem yahagom ingon jo kep Yesus leu api itti kin Paulus kin Silas.

KISAH 18:5

Niabiati Silas kin Timotius ikwei leu hanjop Makedonia tu lene Paulus ta nibou ei nitri tut Allah nihyetti bikwop njap ngwa hagom. Noni tri tut bak mben Yahudi bipia Yesus ne Nibou Ndig di teu tungwatu biyai niyaijo nijep biyok di Allah preu ei mem yok ri.

KISAH 8:14

Yo di igya kui Yesus di ingat rin ei minu ndig Yerusalem imiap mben Samaria inghapti tut gi ingon jo kep Allah nihyet tu. Gima rino ipinak Petrus kin Yohanes ug ei minu ndig dima.

KORINTUS GI NICAN 1:19

Lewo Allah Nipmot Yesus Kristus di dani kin Silas kin Timotius nitri tut bije nipaisi “I” kin nipaisi “Bi” biluei-luei nyen ningonti bi. Noro noni ne Allah nibuhupti “I” nongkom ri.

TESALONIKA GI NIGOM 1:1

Srat dini leu da di Paulus kin Silas kin Timotius. Dipinak srat dini bak je di mbusyamei di jinok Icig Allah kin Tuhan Yesus Kristus ide limwa nya ei minu ndig Tesalonika. Handei kon ba, Allah singat tut je biyai jingon jo nyahan.

TESALONIKA GI NICAN 1:1

Srat dini leu da di Paulus kin Silas kin Timotius. Dipinak srat dini bak je di mbusyamei di jinok Icig Allah kin Tuhan Yesus Kristus ide limwa nya ei minu ndig Tesalonika.

PETRUS GI NIGOM 5:12

Disut Silas mpu da bipas kep srat dini. Dikan tut bipia noni ne no di Kresten di ningon gom ri. Dibiwin kep jingonti bidipai jit bipia mun di nipas kep ei srat diniti ndo tut Allah nisingat tut nyeti di nijit. Ma jikrop jinda ei Allah nisingat tut nyeti kikau.