KISAH 15:20 - ALLAH NIHYET MEM TUNGWATU NYA

²⁰ Noro ma ipas srat di bisok kep yok ser nhyema imbres yok leu mikwau di tungwatu ipigig ser di ibui bak kwar di ikuk yok bak nya kin mindhe di iba kuk bikri kep nikimam di ninggrom huisi kin niyem ninggromti kin nicut tut yamti cem.

KISAH 15:20 ပူးပေါင်းရင်းမြစ်များ

NITRITI 35:2

Lene Yakub sok kep nide bat nya kin nide limwa nya yahagom bipai biyok “Ma jicom ngkiai ide kwar di ikuk yok bak di jipwoi-pwoi nyen leu ba, jibon midut di bindo bipia jingon kwes hanyen leu api ma jijuk sinsun di pwoi kei.

NITRITI 9:4

Noro harin dima jiyem mikwau di ninggrom huisi a. Lewo niyaisi no jo ninggromti.

NEHEI LEUSI 20:23

Ma jiba perak kin mas bibon kwar nya mem gima jibikuk je bak njiriek Da au.

YEHEZKIEL 33:25

Da di tuhan Di Dinyeng Jei Bibor disok dihyet ei na dip bak yo dima, “Jiyem mikwau di ninggrom huisi cem jikuk je bak kwar nya cem jihwen mun cem kikau. Nggon rino jikan bipia dihyei dini nok jide dihyei ninda rom i?

YEHEZKIEL 4:14

Noro dibuhup “Ayo, tuhan Di Ninyeng Jei e! Leu dimien yo kikau bipek ammani kep dibindei ba, map kui da drek dip gi diyem mindhe di mai hak ninghui kin ninghui di mindhe di niten-pos yem di niken jo ei bigyo ba, dibiyem njita di ipigig ser cem hi bigyo sren.”

DANIEL 1:8

Daniel ningon nddong bikos tut bipia noni mibindei ba, map kui noniti tug hon gi yem njita kin gi dut ba anggur ngei di nibou ndig de ig bei nsi nya igyem kep bikwop njap bi. Gima rino noni bidip huk Aspenas tut njita hiter.

IMAM NYA IDE MIDYAI 18:6

Lene tuhan tri tut nicukti dini. Harin dima ayem njita tut tungwagom leu ade adig-ajoi nya a.

IMAM NYA IDE MIDYAI 19:26

Harin dima jiyem kep mikwau di ninggrom hugsi a. Harin dima jikrau kep yo di inda dut nya ingon kanti a.

IMAM NYA IDE MIDYAI 3:17

Harin dima mben Israel igyem kep mindhe dima nimmau kin ninggrom a. Suar yoni kin yo di intun yok him ibit dicuk yokti dini bidem ibongti igwamti bijo ninno bijo kikau.

MBEN ISRAEL IMBUT-MBUT NYEN 25:2

Sop dima yok icigit yok ndam ide pesta di ibon kep mun di ikuk yok bak nya. Mpe dima ne mben Israel cem igyem mikwau di ibui bak kwar di mben Moab nya ikuk yok bak.

KISAH 15:29

Nicukti di bon ninyeng dima rino ma jimbres jenti leu mikwau di tungwatu ipigig ser di ibui bak kwar di ikuk yok bak nya kin niyem ninggromti kin mindhe di iba kuk bikri kep nikimam di ninggrom huisi kin nicut tut yamti. Gino jimbres jenti leu jiyai kepti di kinei dini yok hagom lene gini kei bibor mem je. Jicem o!”

KISAH 21:25

Noro tut ngkiai nya di sindi ingon jo kep Yesus ne nipas srat ba, nibisok kep yok ser nhyema imbres yok leu mikwau di tungwatu ipigig ser di ibui bak kwar di ikuk yok bak nya kin niyem ninggromti kin mindhe di iba kuk bikri nikimam di ninggrom huisi kin nicut tut yamti cem.”

KORINTUS GI NIGOM 5:11

Noro dingon kanti rinok gini. Ma jimbres jenti leu jisut no di kon ninyeng no di Kresten lo, cut tut sop cem drui bou ngwak cem kuk no bak kwar cem kkin kep hiter ninghapti cem dut kep mun di pu noni igkei cem ninggimang mun cig cem yahagom. Ma jigwam kui meja bijiyem njita bit noni au!

KORINTUS GI NIGOM 6:13

Ibou poi ipai “Njita mem ninghop ba, ninghop mem njita.” I, noro Allah mibindei ba, njita kin ninghop hacem pror yon. Harin dima jiba jingut bicut tut yam a. Noro ma jiba jenti njem biyai midyai mem Tuhan leu api Noni minyohou je.

KORINTUS GI NIGOM 6:18

Ma jimbres jenti leu sisar nicut tut yamti. Lewo sisar nindigsi nya di srou tungwatu nya ket ei inghuisi bi. Noro sisar nicut tut yamti ket ei inghuisi.

KORINTUS GI NIGOM 6:9

Ma jiyok ngon kep bipia yo di ibit Allah ningon kanti mem yok bi nya minggre kin Allah Ninyeng Tak Kepti bi. Ma jikrau tunggwei jingonti au! Yo di icut tut yam kin yo di ikuk yok bak kwar kin yo di icut tut hi nitnem kin sop di icut tut yam kin pinai di icut tut yam,

KORINTUS GI NIGOM 7:2

Noro sisar nicut tut yamti kieng kep jide minu ndig dima. Gima rino gi kei mem bikwop tungwagom-gom wak nitnem lene gi kei mem bikwop sop nya cem iwak ijjep.

KORINTUS GI NIGOM 8:1

Nogindini dibuhup jihyet tut mikwau nipigig sut mem kwar di ikuk yok bakti nya. Ningat ne tungwatu nya ipai “Nyeni yahagom ingon ki tut mikwau nipigig serti” Noro ingon di ki tut mikwau dima biyai ingon di jei sut nyenti lo, ningon ngakei yamti bindei ba, igyai nisindemti.

KORINTUS GI NICAN 12:21

Dikrau dingon tut gima dihwou ngat je lene Allah bindei bidimmai sut danti bou jiyai him bidiyai nggwei kibor drek dip imang di ibon kikep sisar lo, ittin ser sisar nikrar kep yamti kin nicut tut yamti kin niba noho rok mun di kinei di ingat ingwes eisi di ikiek ndam Allah bi nya.

GALATIA 5:19

Lewo tungwatu nya ingut kanti di ntun dihyeisi dini him jo nibreisi tug hon igyai munti di kinei nya nok icut tut yam cem ikrar kep yam cem,

EFESUS 5:3

Jeni ne Allah de limwa nya ri. Gima rino dem tut gima sisar nicut tut yamti kin nikrar kep yamti kin ningon pri kep mun di hiter mbun srig jikieti bi. Ma jibon nituti mem hiter ipai kep jinghapti tut mun dima yok au.

NINDAT KEP TUHAN NICUKTI NYA 12:16

Noro ma jiyem mindhe-ndhe dima ninggrom au. Suar jisiber ninggrom hagom ug ei dihyeiti nok minyei.

NINDAT KEP TUHAN NICUKTI NYA 14:21

Tut mindhe di nonti mai lene ma jiyem ninghui au. Noro ma jisindui sut ba, ngkiai nya di ibong timiei ei jikieti igyem mindhe dima ninghui a. Jitri nok mikwau bak ngkiai nya di ikwei cem kep je. Noro jeni ne limwa di jide tuhan Allah dimig pijum ei mem Nonti ri. Gino jikwen domba pmot ninghui e, he kambir pmot ninghui e, lene ma jiba nipmem nido ngei bikwen ei yeng gomti au.”

NINDAT KEP TUHAN NICUKTI NYA 15:23

Ma igyem ninggrom di huisi au. Noro suar ikiber ninggrom ug ei dihyeiti noyam kin isiber minyei.”

KOLOSE 3:5

Gima rino ma jimu kep jingut kanti di om kep je. Bihi nok nicut tut yamti kin nikrar kep yamti kin niyai canti kin ningon pri kep yamti kin ningon pri kep mun di jo bak hiterti (sisar dini noyam kin sisar nikuk nye bak kwarti nya).

TESALONIKA GI NIGOM 4:3

Allah ningon kanti mem je rinok gini. Suar jingon kwes-kwau bijimbres jenti leu sisar nicut tut yamti.

IBRANI 12:16

Ma jisok kep yam leu binhyepo jicut tut yam ba, jingkek ndok tut Allah Ninnei nipingok jeti noyam kin Esau au. Lewo noni kes ninyeng mot mighumbou ei bitri bak nikinjoi bipek njita den gom ngat he.

IBRANI 13:4

Suar tungwatu nya yahagom iba ingon bisrip huk bipia niwak yamti ne mun di kei bibor ri. Gima rino ma nijjep-nitnem nya ingon gom tut yam. Lewo Allah mikes hukum ei yo di icut tut yam kin yo di ipigau ijjep bat-itnem bat nya dip.

PETRUS GI NIGOM 4:3

Nipou ne jiyai munti nya dem kep nok yo di ingon tindur nya. Mpe dima lene jikrar kep yam cem jidut mun di pu je kikau cem jikwek njita cem jibihim cem jibon pesta kep jide kwar di jikuk je bak di bindei ba, tungwatu nya igyai ttin cem.

NINGAT-HI-NGAT NYA 10:2

Noni krau srat kijum mien di kieng mingau su ei nindati. Noni ba nimig nite bei ninda com bico kep muk ngwa dip lene ba nimig nite bei ninda prak bico kep mam bei.

NINGAT-HI-NGAT NYA 10:8

Nihyet di tibim kwei leu gwamti di dimiap nipou su cuk da “Aug yai srat di kieng mingau di jo ei malaikati di co kep muk ngwa dip kin mam bei nindati.”

NINGAT-HI-NGAT NYA 2:14

Noro diwok je tut mun nyeng poi. Ibou poi di ibit Bileam ningginausi isrig jikieti. No dima ngginau Balak biris mben Israel apino ingkwei hanyen kep sisar di ibon nya. Sisar dima ne niyem njita di tungwatu nya ipigig ser mem mun di ikuk yok bak kin nicut tut yamti ri.

NINGAT-HI-NGAT NYA 2:20

Noro diwok je tut mun nyeng gom. Jisindui sut sop di ninyeng Izebel di pai sut nonti bipia tri tut Allah nihyet. Noni ba ningginausi dima biris bak Ditde awak nya imang bibor. Noni bindei ba, icut ug ei sisar nicut tut yamti bigyem njita di tungwatu nya ipigig ser mem kwar nya cem.

NINGAT-HI-NGAT NYA 9:20

Noro tungwatu nindigsi nya di igyai nimai tug hon mun di buhun ninyeng ningai dima bi ikiek yok leu mun di ikuk yok bak bi. Ikuk yok bak ninnei rom nya kin kwar nya kikau. Kwar dima ne iba mas kin perak kin ngkimom-tembaga kin tig kin biei bibon ba, bit bon mun dima yok ingat mpia cem imiap nihyet cem imbut imig cem kan bi.

SAMUEL GI NIGOM 14:32

Gima rino ibinang yam bikikam mun di ipos leu ide siceu nya ba, ibui domba nya kin sapi nya bibam leu api igyem mikwau di ninggrom joti yo.

SAMUEL GI NIGOM 14:33

Lene ibou poi ibakilak yok bak Saul bipai binoni “Angat i! Ade limwa nya ibon sisar tut tuhan tug hon mikwau di igyem tut ninggrom di joti.” Lene Saul mbrua ser yok bipai “Jipigau Allah de hanjop tu! Ma jirim tig nindig bibor kwei bida.”