KISAH 15:11 - ALLAH NIHYET MEM TUNGWATU NYA

¹¹ Ningat ne nyeni ingon jo kep bigyai niteu leu sisarti kin niyaijo nijep cem tug hon Tuhan Yesus di singat tut nye. Lene nok gima tut yoni cem.”

KISAH 15:11 ပူးပေါင်းရင်းမြစ်များ

ROMA 3:24

Noro Allah ba ningon di singat tut tungwatu nya mikuisi biyai ingon di kwes kin Noni hanyen tug hon Kristus Yesus di kwek yok leu sisar.

ROMA 5:15

Noro yahacem ter leu yam. Lewo Allah nisingat tut nyeti bon ninyeng nindig bibor gino ibinai sut Adam nipigau hanjopti. Ningat ne imang bibor itug ndei nimai drek dip tungwagom nipigau hanjopti. Noro Allah nisingat tut nyeti di nindig bibor di teu imang bibor leu sisar mikuisi bon ninyeng nindig bibor bidor njiriek tug hon tungwagom di Yesus Kristus nisingat tut nyeti.

ROMA 6:23

Lewo sisar birop jimuhup nimai eisi hanyen bije. Noro Allah yai niyaijo nijep di jo kikau bit ide Tuhan Yesus Kristus binye mikuisi.

KORINTUS GI NIGOM 16:23

Handei kon ba, Tuhan Yesus singat tut je.

KORINTUS GI NICAN 8:9

Jikan tut ide Tuhan Yesus Kristus nisingat tut nyeti di nindig bibor. Mbro nok gino Noni nyeng tut mun nyeng hagom lo, kes mun dima yok hagom ei leu bibibon Nonti nuhui mbum drek dip je leu binhyepo ba nuhui mbumti dima bibindei bijinyeng bibor.

GALATIA 1:6

Dinga leu tut je! Allah hig je tug hon Kristus di singat tut je noro nogindini haninyai jiba jinghim bak Noni leu api jibit nihyet di kei hiter leu Nihyet Di Kei di kwei leu Allah.

GALATIA 2:16

ikan tut bipia tungwatu nya igyai ingon di kwes kin Allah tug hon gi ibit Puig Yahudi niggai serti bi noro tug hon ide niba ningon com Kristusti he. Gima rino nyeni cem ingon jo kep Yesus Kristus leu binhyepo ibiyai ingon di kwes kin Allah tug hon ide niba ningon com Noniti lene tug hon nibit Puig Yahudi niggai serti nya bi. Lewo bit bon hi yai ningon kwes kin Allah tug hon gi bit Puig Yahudi niggai serti kan bi.

TITUS 2:11

Lewo Allah ndo nisingat tut tungwatu nyati leu binhyepo teu yahagom leu sisar biyai niyaijo nijep biyok.

NINGAT-HI-NGAT NYA 5:9

Yo dima ipai doia di nijep bu “Nangkom dem mem gima ayai srat kijum dima ba, acug biei nggrai leu. Lewo hi bindei ba, amai nipou su apino aba amaisi bipek tungwatu nya leu bikwop keret nya kin minu nya kin nihyet nya kin mben nya hagom ei dihyeisi dini bak Allah.