KISAH 14:26 - ALLAH NIHYET MEM TUNGWATU NYA

²⁶ bibri kibar minyei ei minu ndig dima bingkwei hanyen ug ei minu ndig Antiokhia ei hanjop Siria niabiati yo di mbusyamei ei minu ndig dima ikes yok ei Allah di singat tut yok nindati. Noni nyohou yok kikau bigyai Nide midyai biput kep.

KISAH 14:26 ပူးပေါင်းရင်းမြစ်များ

KISAH 11:19

Niabiati Stefanus yai nimai leu lene nibou mben Yahudi nya sindi ihwen bit yo di ingon jo kep nya. Gima rino intek gimahap binang ug ei minu Fenisia kin Mios Siprus kin minu ndig Antiokhia bitri tut Allah nihyet bak mben Yahudi nya he.

KISAH 11:20

Noro andigpoi di ingon jo kep nya ibou poi itimieisi leu Mios Siprus kin minu ndig Kirene ikwei ei minu ndig Antiokhia bitri tut Nihyet Di Kei tut Yesus bak ngkiai nya cem ei minu ndig dima.

KISAH 11:23

Tirigi noni kwei krau bingat lo, Allah singat tut yok lene ningon llei bibor. Lene noni pingok yo dima ingonti leu binhyepo iba ingon titut yam bingon gom tut Tuhan.

KISAH 11:26

Niabiati Barnabas um Saulus lene noni buwak noni bingkwei hanyen kwei ei minu ndig Antiokhia leu api ibong bit yo di inggre kin mbusyamei mem ari bingwam nitindur gom bingginau tungwatu imang bibor. Mpe dima cem tungwatu nya kindi ijem yo di ingon jo kep nya ei minu ndig Antiokhia inyeng Kresten.

KISAH 11:27

Mpe dima cem nabi nya ibou poi ijo leu minu ndig Yerusalem bikwei ei minu ndig Antiokhia.

KISAH 14:19

Lo bi lene mben Yahudi leu minu ndig Antiokhia ei hanjop Pisidia kin minu ndig Ikonium ikwei krau minu ndig Listra bikes ingon bak tungwatu ningot ndig pima yok. Yoni ibindei ba, tungwatu ningot ndig dima itti kin yok leu api yahagom iba tig bihwen Paulus bikri ningut ug ei minu ndig dima nisai bikan bigya noni mai su.

KISAH 14:21

Paulus kin Barnabas itri tut Nihyet Di Kei ei minu ndig Derbe leu api tungwatu imang bibor ingon jo kep Yesus. Gima ngwig leu lene ingkwei hanyen ug ei minu ndig Listra kin Ikonium kin Antiokhia ei hanjop Pisidia.

KISAH 14:23

Paulus kin Barnabas ita nibou mbusyamei nya bidem ig mbusyamei niyati hagom lene iba nadi kin niyem njita bi mem nituti poi bikes yok ei Allah di nibou dima yok ingon jo kep nindati.

KISAH 15:22

Yo di igya kui Yesus kin nibou nya kin yo di inggre kin mbusyamei yahagom ikos tut bipia idimig ibou can leu ikieti bipinak yok ug ei minu ndig Antiokhia bit Paulus kin Barnabas. Gima rino idimig Silas kin Yudas di Sabas nipmot. Yo di mbusyamei nye ei minu ndig Yerusalem ijoi sut yo cin dini nindig bibor.

KISAH 15:30

Yo di ipwoi srat dima yuug ei minu ndig Antiokhia tu lene induk yo di ingon jo kep nya yahagom kwei leu api ikes srat pima biyok.

KISAH 15:40

Paulus buwak Silas ba, yo di mbusyamei ei minu ndig Antiokhia ingat nadi kep yok leu binhyepo Tuhan singat tut yok kikau bidem imbutti.

KISAH 20:32

Nogindini dikes je ei Allah nindati leu binhyepo Noni kin nihyet tut Allah nisingat tut jeti nyohou je. Allah sindem mem gima sindem tut je leu binhyepo jiba je kep mun di kei di Noni bet ei mem Nide limwa nya yahagom.

ROMA 15:19

drek dip bindo kin mindur di sindem bibor nya kin nisindemti di kwei leu Ninnei cem dibiyai midyai. Ditri tut Nihyet Di Kei tut Kristus bidem minu tirigi dijo leu minu ndig Yerusalem bidimbut kikau ug ei hanjop Ilirikum.

KORINTUS GI NICAN 1:12

Ningon llei bibor lewo ningon mien ngkiem tut bipia niyai munti nya ei dihyeisi dini cem ei jiyai him hagom tug hon ningon di gom kin ningon di pimbai kei di Allah yai binye. Niyai munti nya hagom tug hon Nide nisingat tut nyeti di sindem tut nye lene tug hon ningon di ki di ntun dihyeisi dini him bi.

GALATIA 2:11

Noro tirigi Petrus kwei ei minu ndig Antiokhia lene ditte tut noni bou yo di ingon jo kep nya igyai him drek dip nide niyai mun tunggweisi.

KOLOSE 1:25

Allah dimig da ei nok awak mem Nide mbusyamei leu binhyepo dimpu je. Midyai dima ne nitri tut Allah nihyet nikenti ba, gini bon ninyeng mem je.

KOLOSE 1:28

Gima rino nitri tut Kristus bak tungwatu yahagom. Niba ningon di ki binyohou sok kep yok ba, bingginau yok cem leu binhyepo nibuwak yok ug ei Allah Noho bei lewo ingonti kin innei mahan drek dip inok gom kin Kristus.

KOLOSE 4:17

Ma jisok kep Arkhipus bijipai “Ma anda jo kep midyai di ayai mem Tuhan biput kep.”

2 TIMOTIUS GI NICAN 4:2

ma atri tut Allah nihyet ba, abidip huk yok leu binhyepo intu kep ahyet mem mpe di ijoi sut e, he ijoi sut bi e, cem. Aba angon di jo nyahan binyohou ngginau yok leu binhyepo abiyai bingon nddong. Ma ando itunggweisi biyok ba, abiwin kep ingonti cem.